祖雲達斯球星C朗拿度球場上贏盡一切，球場外亦憑model般嘅外表身型迷倒萬千少女。有別於好多運動員二十出頭就結婚組織家庭，C朗曾經係情場浪子，直到遇上現任女友 Georgina Rodríguez ，終於有安定落嚟嘅打算。
C朗2016年起被拍到與現任女友 Georgina Rodríguez 交往，女友早前為C朗誕下一名女兒，係C朗首次有子女由身分公開嘅女友誕下，此前C朗已知已經育有大仔 Cristiano Ronaldo Jr. 及一對龍鳳胎，但生母身分不明，而C朗頻頻喺社交網絡上公開 Georgina 與大仔相處片段，證明 Georgina 喺C朗心目中擁有「正印」地位，同時 Georgina 雖然並非C朗大仔及龍鳳胎生母，但一直幫忙照顧三名子女，實際上佢哋已經視對方為家庭成員。
可以共富貴，未必可以共患難，32歲嘅C朗早前被挖出陳年性侵犯指控，懷疑曾經於多年前曾經喺美國強姦一名女性，雖然未能定案，但已經令C朗飽受批評，更影響到佢嘅商業活動，最少有兩大贊助商暫停使用C朗作為宣傳人物。不過，呢個時候 Georgina 公開表達咗對C朗嘅完全信任同支持，對C朗嚟講無疑別具意義。
最近，C朗帶同 Georgina 及大仔一同前往英國倫敦旅遊，觀賞ATP網球賽，又於網球名將拿度旗下餐廳食晚飯。事後， Georgina 喺ig上展示無名指戴上巨大鑽戒，同時C朗亦被發現無名指戴上戒指。葡萄牙傳媒《Correio da Manha》報導，指C朗於當晚喺餐廳內獻上結婚戒指，向女友求婚，報導更指C朗身邊消息人士透露 Georgina 已試穿婚紗，婚禮將於短期內舉行。
事實上， Georgina 喺世界盃期間已經被影到戴上價值連城嘅鑽石戒指，但當時未有回應訂婚傳聞，畢竟有錢人間中送鑽戒都唔代表乜嘢。不過可以肯定，隨住年紀漸長， Georgina 極大機會係可以令C朗定落嚟嘅人，除咗上述二人生活上嘅點滴反映佢地位超然之外， Georgina 亦得到C朗媽媽嘅認可，曾經喺訪問中承認佢係未來新抱 ( “She is the mother of my grand-daughter. She is a future daughter-in-law. She’s not my daughter-in-law yet. She’s a future daughter-in-law. She’s a very calm person.” )。
Source: Daily Mail、express、Mirror
C朗2016年起被拍到與現任女友 Georgina Rodríguez 交往，女友早前為C朗誕下一名女兒，係C朗首次有子女由身分公開嘅女友誕下，此前C朗已知已經育有大仔 Cristiano Ronaldo Jr. 及一對龍鳳胎，但生母身分不明，而C朗頻頻喺社交網絡上公開 Georgina 與大仔相處片段，證明 Georgina 喺C朗心目中擁有「正印」地位，同時 Georgina 雖然並非C朗大仔及龍鳳胎生母，但一直幫忙照顧三名子女，實際上佢哋已經視對方為家庭成員。
可以共富貴，未必可以共患難，32歲嘅C朗早前被挖出陳年性侵犯指控，懷疑曾經於多年前曾經喺美國強姦一名女性，雖然未能定案，但已經令C朗飽受批評，更影響到佢嘅商業活動，最少有兩大贊助商暫停使用C朗作為宣傳人物。不過，呢個時候 Georgina 公開表達咗對C朗嘅完全信任同支持，對C朗嚟講無疑別具意義。
最近，C朗帶同 Georgina 及大仔一同前往英國倫敦旅遊，觀賞ATP網球賽，又於網球名將拿度旗下餐廳食晚飯。事後， Georgina 喺ig上展示無名指戴上巨大鑽戒，同時C朗亦被發現無名指戴上戒指。葡萄牙傳媒《Correio da Manha》報導，指C朗於當晚喺餐廳內獻上結婚戒指，向女友求婚，報導更指C朗身邊消息人士透露 Georgina 已試穿婚紗，婚禮將於短期內舉行。
事實上， Georgina 喺世界盃期間已經被影到戴上價值連城嘅鑽石戒指，但當時未有回應訂婚傳聞，畢竟有錢人間中送鑽戒都唔代表乜嘢。不過可以肯定，隨住年紀漸長， Georgina 極大機會係可以令C朗定落嚟嘅人，除咗上述二人生活上嘅點滴反映佢地位超然之外， Georgina 亦得到C朗媽媽嘅認可，曾經喺訪問中承認佢係未來新抱 ( “She is the mother of my grand-daughter. She is a future daughter-in-law. She’s not my daughter-in-law yet. She’s a future daughter-in-law. She’s a very calm person.” )。
Source: Daily Mail、express、Mirror
請按此登錄後留言。未成為會員? 立即註冊