車路士於2018-19歐霸決賽，以4-1大勝阿仙奴，藍軍球星夏薩特於比賽中貢獻兩入球一助攻，喺比賽尾段被調離場，接受球迷掌聲，相信係一個完美結局。
28歲嘅夏薩特轉眼已效力車路士7年，7年間不乏轉會轉聞，不過「夏神」已經贏過英超、歐霸等多項錦標，獨欠歐聯，可以吸引到佢、捨得花天價收購佢嘅球隊寥寥可數。對「夏神」已言最大吸引力嘅皇家馬德里，固然有足夠財力，但亦需要考慮陣容結構，有C朗拿度等球星在陣時，賽在難以再於前線一擲千金，所以一切都要講緣份機遇；皇馬蟄伏多年，最近多個轉會窗都放棄以往「一年一星」傳統，主力收購潛力新星，當C朗季初以1億歐元傳投祖雲達斯時，外間一直認為皇馬極大機會引入「夏神」作為新一代前線壓陣球星，但最終事情並冇發生。不過，夏薩特有意離隊加盟心目中嘅dream club，已經路人皆知。
夏薩特2019-20球季將會進入合約最後一年，因此如果佢離隊決心不變，車路士好大機會喺今個夏天將佢賣走，收回一筆可觀嘅轉會費。《馬卡報》早前甚至曾經報導，指夏薩特、皇馬及車路士已經十分接近達成轉會共識。
歐霸決賽後，夏薩特喺現場馬上成為記者專訪對象，佢亦大方承認決意離隊：
「我暫時未知道下一站喺邊度。我諗喺幾日內就有結果。我今日只係諗住要拎冠軍，冇諗其他嘢。
我已經做咗我嘅決定，兩星期前我已經咁講。而家一切取決於球會，兩間球會。我只可以等待，拭目以待啦，幾日內我哋就會知道。
我諗呢場波係我嘅告別戰（I think it's a goodbye.）。不過喺足球嘅世界入而，一切都話唔埋。我嘅夢想係踢英超，我喺其中一間世上最大嘅球會踢咗7年英超，相信係時候尋求新挑戰。」
夏薩特言談間已經表達出自己決定離隊，只係等待兩間球會傾妥轉會費，就會離開。《Sky Sports》報導指，車路士將夏薩特標價1.3億英鎊，但皇馬有信心以唔高於8,800萬鎊嘅價錢簽下夏薩特。因為夏薩特合約只剩一年，絕對有壓價空間，相信呢個亦係皇馬上年夏天拒絕一擲千金嘅原因。
Source: Sky Sports
28歲嘅夏薩特轉眼已效力車路士7年，7年間不乏轉會轉聞，不過「夏神」已經贏過英超、歐霸等多項錦標，獨欠歐聯，可以吸引到佢、捨得花天價收購佢嘅球隊寥寥可數。對「夏神」已言最大吸引力嘅皇家馬德里，固然有足夠財力，但亦需要考慮陣容結構，有C朗拿度等球星在陣時，賽在難以再於前線一擲千金，所以一切都要講緣份機遇；皇馬蟄伏多年，最近多個轉會窗都放棄以往「一年一星」傳統，主力收購潛力新星，當C朗季初以1億歐元傳投祖雲達斯時，外間一直認為皇馬極大機會引入「夏神」作為新一代前線壓陣球星，但最終事情並冇發生。不過，夏薩特有意離隊加盟心目中嘅dream club，已經路人皆知。
夏薩特2019-20球季將會進入合約最後一年，因此如果佢離隊決心不變，車路士好大機會喺今個夏天將佢賣走，收回一筆可觀嘅轉會費。《馬卡報》早前甚至曾經報導，指夏薩特、皇馬及車路士已經十分接近達成轉會共識。
歐霸決賽後，夏薩特喺現場馬上成為記者專訪對象，佢亦大方承認決意離隊：
「我暫時未知道下一站喺邊度。我諗喺幾日內就有結果。我今日只係諗住要拎冠軍，冇諗其他嘢。
我已經做咗我嘅決定，兩星期前我已經咁講。而家一切取決於球會，兩間球會。我只可以等待，拭目以待啦，幾日內我哋就會知道。
我諗呢場波係我嘅告別戰（I think it's a goodbye.）。不過喺足球嘅世界入而，一切都話唔埋。我嘅夢想係踢英超，我喺其中一間世上最大嘅球會踢咗7年英超，相信係時候尋求新挑戰。」
夏薩特言談間已經表達出自己決定離隊，只係等待兩間球會傾妥轉會費，就會離開。《Sky Sports》報導指，車路士將夏薩特標價1.3億英鎊，但皇馬有信心以唔高於8,800萬鎊嘅價錢簽下夏薩特。因為夏薩特合約只剩一年，絕對有壓價空間，相信呢個亦係皇馬上年夏天拒絕一擲千金嘅原因。
Source: Sky Sports
請按此登錄後留言。未成為會員? 立即註冊