塞國球迷叫高列巴尼去曼聯,文尼反應利迷實like爆

睇足365 於 21/03/2019 發表 收藏文章
利物浦翼鋒沙迪奧文尼今季喺英超已經為球隊攻入17球,聯賽射手榜上已經追至同哈利簡尼、奧巴美揚及隊友沙拿並列第二,只落後榜首嘅阿古路一球。最近,除咗球場上表現出色外,文尼又有一樣嘢令利物浦球迷高興。

最近進入國際賽期,沙迪奧文尼歸國集訓,準備出戰非洲國家盃外圍賽。日前塞內加爾大軍操練,開放俾球迷入場觀看,其中部分球迷嘅橫額十分引人注目,連沙迪奧文尼都忍唔住要俾啲反應。


原來呢一批係塞內加爾嘅曼聯球迷,佢哋拉起橫額呼籲塞內加爾中堅高列巴尼 (Kalidou Koulibaly) 加盟曼聯,更改圖令高列巴尼穿上紅魔球衣。27歲嘅高列巴尼被視為繼雲迪克外,下一位預期可能會打破世界最貴中堅轉會費紀錄嘅球員,根據著名德國轉會資料網站《Transfermarkt》估計,高列巴尼現時市場價值達到7,000萬歐元,早前曾經盛傳多間豪門球會有意將佢收歸旗下,其中正正包括曼聯。


沙迪奧文尼已經效力利物浦接近三季,見到球迷呼籲高列巴尼加盟死敵曼聯,文尼喺操練結束後走向場邊,笑著向呢班球迷倒豎姆指,果然係利物浦人!利迷見到係唔係好開心先?



Source: 90min

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→