意甲傳統勁旅國際米蘭經歷幾年前嘅低迷後，近季雖然逐漸穩定落嚟，但穩定同停滯只係一線之差，似乎國米管理層希望於今個夏天大刀闊斧，作出多個人事變動。早前，《Sky Sports》及《BBC》報導指，無關取得前四與否，現任主帥史巴列堤都將會由干地取代。最近，又有多個球員嘅轉會傳聞。
根據《Sky Sport Italia》報導，羅馬前鋒迪斯高 (Edin Dzeko) 即將轉投國際米蘭。33歲嘅迪斯高今季於各項賽事上陣39場，射入14個入球、交出11個助攻，但意甲入球只佔其中9球，另外5球為歐聯入球。消息指，迪斯高與羅馬合約於2020年6月期滿，但佢仍然未與球會完成續約，令佢喺今個夏天離隊機會大增。《Sky Sport Italia》指，迪斯高已經與國際米蘭談妥個人條件。
有入自然有出，除主帥史巴列堤相信將會下台，根據國米近早網站《sempreinter》，最近亦有傳聞指出季中一度鬥離隊兼罷操嘅伊卡迪，以及翼鋒佩利錫，亦都會被球會出售。26歲嘅伊卡迪最近與意甲班霸祖雲達斯傳出緋聞，加上呢位性格球星已非第一次惹事生非，如國米管理層希望換血的話，有可能視呢位前隊長為頭號清洗目標，以免擾亂軍心。至於30歲嘅佩利錫，自季初傳聞轉戰英超，比起前兩季聯賽連續兩年入球助攻「雙11」嘅表現，今季只得8入球4助攻，加起來大約只及上季一半，似乎佢亦會被球會放行到英超。另外，國米官網2019-20球衣宣傳照，已非往年常用嘅伊卡迪。
另外，有傳聞指新任干地有意羅致舊部摩西斯加盟，佢今季被車路士外借到費倫巴治，但未有確切消息印證傳聞。
Source: football-italia、sempreinter
根據《Sky Sport Italia》報導，羅馬前鋒迪斯高 (Edin Dzeko) 即將轉投國際米蘭。33歲嘅迪斯高今季於各項賽事上陣39場，射入14個入球、交出11個助攻，但意甲入球只佔其中9球，另外5球為歐聯入球。消息指，迪斯高與羅馬合約於2020年6月期滿，但佢仍然未與球會完成續約，令佢喺今個夏天離隊機會大增。《Sky Sport Italia》指，迪斯高已經與國際米蘭談妥個人條件。
有入自然有出，除主帥史巴列堤相信將會下台，根據國米近早網站《sempreinter》，最近亦有傳聞指出季中一度鬥離隊兼罷操嘅伊卡迪，以及翼鋒佩利錫，亦都會被球會出售。26歲嘅伊卡迪最近與意甲班霸祖雲達斯傳出緋聞，加上呢位性格球星已非第一次惹事生非，如國米管理層希望換血的話，有可能視呢位前隊長為頭號清洗目標，以免擾亂軍心。至於30歲嘅佩利錫，自季初傳聞轉戰英超，比起前兩季聯賽連續兩年入球助攻「雙11」嘅表現，今季只得8入球4助攻，加起來大約只及上季一半，似乎佢亦會被球會放行到英超。另外，國米官網2019-20球衣宣傳照，已非往年常用嘅伊卡迪。
另外，有傳聞指新任干地有意羅致舊部摩西斯加盟，佢今季被車路士外借到費倫巴治，但未有確切消息印證傳聞。
Source: football-italia、sempreinter
請按此登錄後留言。未成為會員? 立即註冊