經驗說明，唔係所有動作都可以隨便學，例如喺NBA入面，傳奇中鋒莫湯保 (Dikembe Mutombo) block shot 後做出嘅搖指動作 (finger wag) ，其他球員一做出嚟就會被罰技術犯規；喺足球入面，同樣有因應特定情況而被禁止嘅慶祝動作，例如大家喺遊戲《FIFA》入面可以出嘅 "chicken dance" 慶祝動作，阿根廷前鋒迪維斯 (Carlos Tevez) 就曾經喺阿根廷打吡河床對小保加入面，脫去上衣兼 "chicken dance" 而領紅牌，據指原因係對手河床被敵對球迷稱為 Gallinas (雞) ，而球證逐出迪維斯時明確指示原因係"chicken dance" ；又有人做出巴迪斯圖達嘅機關槍掃射動作被罰。
https://i.imgur.com/YYWHIGr.gif
一啲被禁嘅慶祝動作，主要係涉及意識不良 (例如模仿性愛、吸毒、槍擊) 或者係挑釁。早前，馬德里體育會主帥施蒙尼喺歐聯對祖雲達斯時，雙手環放於下體前，做出前後擺動動作，即被指為意識不良兼有挑釁嫌疑。事後，歐洲足協指控施蒙尼行為不當，對佢展開調查，指控成立的話可以令佢喺次回合停賽，禁止喺場邊指揮比賽。不過，施蒙尼喺即場並未有受到球證嘅警告。
施蒙尼解釋指，自己只係向己隊球迷做動作，意思係表示馬體會有膽色，而且自己喺球員時代亦曾經咁樣做，並冇受到懲罰。不過今次事件引起話題之後，球證似乎會嚴格處理同類事件，第一個遭殃嘅，係一位前AC米蘭青訓學徒。
https://youtu.be/HwhccTcmNeQ
23歲嘅列卡度摩利奧 (Riccardo Moreo) 曾經喺AC米蘭青訓營受訓，而家只係踢意丁比賽。早前，佢代表普拉圖 (AC Prato) 對域利治奧 (Viareggio) 時，乘門將出迎，快腳挑射建功，隨即興奮起嚟，模仿施蒙尼近期大熱嘅慶祝動作，球證完全冇情講，馬上出示紅牌，直接將列卡度摩利奧趕出場，令後者大感詫異，果然係「樂極生悲」。好彩，球隊仍然靠佢嘅入球，以2-1擊敗對手，而列卡度摩利奧亦喺26場聯賽中射入19球，十分威水。
Source: FoxSports、90min
https://i.imgur.com/YYWHIGr.gif
一啲被禁嘅慶祝動作，主要係涉及意識不良 (例如模仿性愛、吸毒、槍擊) 或者係挑釁。早前，馬德里體育會主帥施蒙尼喺歐聯對祖雲達斯時，雙手環放於下體前，做出前後擺動動作，即被指為意識不良兼有挑釁嫌疑。事後，歐洲足協指控施蒙尼行為不當，對佢展開調查，指控成立的話可以令佢喺次回合停賽，禁止喺場邊指揮比賽。不過，施蒙尼喺即場並未有受到球證嘅警告。
施蒙尼解釋指，自己只係向己隊球迷做動作，意思係表示馬體會有膽色，而且自己喺球員時代亦曾經咁樣做，並冇受到懲罰。不過今次事件引起話題之後，球證似乎會嚴格處理同類事件，第一個遭殃嘅，係一位前AC米蘭青訓學徒。
https://youtu.be/HwhccTcmNeQ
23歲嘅列卡度摩利奧 (Riccardo Moreo) 曾經喺AC米蘭青訓營受訓，而家只係踢意丁比賽。早前，佢代表普拉圖 (AC Prato) 對域利治奧 (Viareggio) 時，乘門將出迎，快腳挑射建功，隨即興奮起嚟，模仿施蒙尼近期大熱嘅慶祝動作，球證完全冇情講，馬上出示紅牌，直接將列卡度摩利奧趕出場，令後者大感詫異，果然係「樂極生悲」。好彩，球隊仍然靠佢嘅入球，以2-1擊敗對手，而列卡度摩利奧亦喺26場聯賽中射入19球，十分威水。
Source: FoxSports、90min
請按此登錄後留言。未成為會員? 立即註冊