十人PSG慘遭里爾大炒5-1,麥巴比:"We play like beginners"

睇足365 於 15/04/2019 發表 收藏文章
法甲班霸巴黎聖日耳門於本土聯賽雄霸多年,估唔到都會喺法甲有被大炒嘅一日。最近一場法甲聯賽中,PSG原本只需要再取一分,就可以提前奪冠,但最近連續兩場不勝,更被里爾大炒。

loading

巴黎聖日耳門於歐聯已經出局,只剩下法甲聯賽及法國盃可以競逐,可以全力出擊,但或者由於PSG喺聯賽有嘗試空間,佢哋上一仗已經不敵「超級升班馬」斯特拉斯堡,今仗面對法甲「二哥」里爾,再次錯失提前封班機會。


PSG今仗作客里爾,派出麥巴比任前鋒,丹尼爾艾維斯及達斯拿左右兩翼側擊,但開賽7分鐘就先有梅尼亞擺烏龍,落後一球。左翼衛祖安巴尼特隨後迅速接應麥巴比妙傳追平。

不過,呢位入球功臣,喺36分鐘拉跌單刀嘅尼高拉斯比比,直接領紅被逐,令PSG要以10人應戰。
loading

里爾先憑尼高拉斯比比於51分鐘單刀射入,再由莊拿芬班巴窄角度勁抽破網,領先至3-1。里爾繼續得勢不饒人,於71分鐘及84分鐘, 先後由加比爾馬加希斯及荷西方迪頭槌頂入,大炒PSG 5-1。今仗PSG寫下球隊自2009年0-4不敵波爾多以嚟嘅最大敗仗。

loading

loading

雖然一場敗仗對PSG奪冠機會係毫無影響,但麥巴比同樣對球隊表現感到失望:
loading


賽後,PSG雖然直接輸俾次席嘅里爾,但少賽一場仍領先多達17分,下輪賽事同樣極大機會提早封王。不過,PSG杜曹就表示,由於傷兵問題令陣容人腳短缺,下輪作客南特可能只可以帶同13位球員出征,更表示看淡球隊勝出嘅機會,或者PSG係想等再下一輪喺主場擊敗摩納哥奪冠?

loading

留言


請按此登錄後留言。未成為會員? 立即註冊
    快捷鍵:←
    快捷鍵:→