前阿仙奴隊長梅迪薩卡 (Per Mertesacker) 於2018年掛靴，現時已成為阿仙奴青訓主管。呢位前德國國腳球員生涯以職業素養為人稱道，現時效力韋斯咸嘅前阿仙奴門將曾經喺訪問中談及，個人所合作過態度最專業嘅球員，正係梅迪薩卡。梅迪薩卡球員生涯曾經多次同奧斯爾 (Mesut Ozil) 合作，分別喺雲達不萊梅、阿仙奴及德國國家隊都做過隊友， 二人性格完全相反，梅迪薩卡透露曾經同呢位好友擦出唔少火花。
奧斯爾創造力驚人，但同時擁有「藝術家」性格，狀態飄忽，亦時常被批評唔夠賣力。梅迪薩卡作為多年隊友，對奧斯爾了解甚深。奧斯爾於2013年由皇家馬德里加盟阿仙奴，當年阿仙奴已因球場債務積弱多年，奧斯爾成為罕有加盟阿仙奴嘅大牌球星，被球迷視為天子驕子。不過，當季阿仙奴作客曼城以3-6慘敗，奧斯爾賽後自顧自低頭走向更衣室，一直極具領袖風範嘅梅迪薩卡未有怯於奧斯爾皇牌球星嘅地位，當眾上前怒叱佢唔尊重球迷，因為梅迪薩卡認為球員賽後走向作客球迷區答謝球迷支持係基本禮貌。
梅迪薩卡最近喺自傳中特別談到奧斯爾，大讚佢才華洋溢，但態度有時令多年出雙入對嘅佢都難以接受：
「首先，佢真係好鍾意踢波嘅。我哋唔係成日有『拗撬』。
佢係一個天才，足球喺佢腳下時佢可以做到好多嘢，每次練波我哋都見識到。
當佢控住個波，佢就會覺得好放鬆，佢會好似喺公園踢緊波咁輕鬆。佢可以將個波用無人能及嘅方式送出去，直頭擁有魔法般嘅觸覺。
不過佢唔係嗰種會走埋去同人講『你應該點做點做』嘅人。佢嘅性格同我好唔同，所以我有時都會同佢有啲衝突，有時我會嬲佢幾日甚至幾個禮拜。但係，佢又會創造出夢幻時刻，你會覺得佢可以提升到另一個層次。」
奧斯爾今季初段分別因為喺街頭遇襲及身體不適，只喺上一輪聯賽「北倫敦打吡」中進入大名單，但仍未上陣。梅迪薩卡最近接受訪問，鼓勵奧斯爾加倍努力捲土重來，重奪正選位置及成為球隊領袖人物，又表示有信心奧斯爾可以做到，因為佢嘅能力係阿仙奴陣中無人能及：「我希望佢可以有咁fit得咁fit，同埋希望領隊可以將最好嘅佢發揮出嚟，將佢擺喺10號位，呢個係佢最佳位置。
不過，領隊有佢嘅要求，所以我都希望奧斯爾更加努力，盡快操fit自己，搶返自己嘅位置。佢面對好多批評，但佢可以做到，呢個係我同佢喺雲達不萊梅、阿仙奴及德國國家隊效力時嘅體會。」
Source: TalkSports、FourFourTwo
奧斯爾創造力驚人，但同時擁有「藝術家」性格，狀態飄忽，亦時常被批評唔夠賣力。梅迪薩卡作為多年隊友，對奧斯爾了解甚深。奧斯爾於2013年由皇家馬德里加盟阿仙奴，當年阿仙奴已因球場債務積弱多年，奧斯爾成為罕有加盟阿仙奴嘅大牌球星，被球迷視為天子驕子。不過，當季阿仙奴作客曼城以3-6慘敗，奧斯爾賽後自顧自低頭走向更衣室，一直極具領袖風範嘅梅迪薩卡未有怯於奧斯爾皇牌球星嘅地位，當眾上前怒叱佢唔尊重球迷，因為梅迪薩卡認為球員賽後走向作客球迷區答謝球迷支持係基本禮貌。
梅迪薩卡最近喺自傳中特別談到奧斯爾，大讚佢才華洋溢，但態度有時令多年出雙入對嘅佢都難以接受：
「首先，佢真係好鍾意踢波嘅。我哋唔係成日有『拗撬』。
佢係一個天才，足球喺佢腳下時佢可以做到好多嘢，每次練波我哋都見識到。
當佢控住個波，佢就會覺得好放鬆，佢會好似喺公園踢緊波咁輕鬆。佢可以將個波用無人能及嘅方式送出去，直頭擁有魔法般嘅觸覺。
不過佢唔係嗰種會走埋去同人講『你應該點做點做』嘅人。佢嘅性格同我好唔同，所以我有時都會同佢有啲衝突，有時我會嬲佢幾日甚至幾個禮拜。但係，佢又會創造出夢幻時刻，你會覺得佢可以提升到另一個層次。」
奧斯爾今季初段分別因為喺街頭遇襲及身體不適，只喺上一輪聯賽「北倫敦打吡」中進入大名單，但仍未上陣。梅迪薩卡最近接受訪問，鼓勵奧斯爾加倍努力捲土重來，重奪正選位置及成為球隊領袖人物，又表示有信心奧斯爾可以做到，因為佢嘅能力係阿仙奴陣中無人能及：「我希望佢可以有咁fit得咁fit，同埋希望領隊可以將最好嘅佢發揮出嚟，將佢擺喺10號位，呢個係佢最佳位置。
不過，領隊有佢嘅要求，所以我都希望奧斯爾更加努力，盡快操fit自己，搶返自己嘅位置。佢面對好多批評，但佢可以做到，呢個係我同佢喺雲達不萊梅、阿仙奴及德國國家隊效力時嘅體會。」
Source: TalkSports、FourFourTwo
請按此登錄後留言。未成為會員? 立即註冊