入球慶祝動作五花八門，之前就有卻奧斯公開批評部分球員花款太多，認為十分無聊，唔知佢又點睇以下呢個慶祝動作呢？日前，曾經效力奧格斯堡及慕遜加柏嘅巴拉圭國腳波巴迪拿（Raúl Bobadilla）喺巴拉圭一場聯賽中就因為入波而忘形慶祝，甚至一度露械。
話說喺早幾日一場巴拉圭超級聯賽，波巴迪拿效力嘅球會瓜拉尼（Club Guarani）作客面對利伯泰迪（Libertad），當中波巴迪拿於86分鐘射成3-1奠定勝局，佢就興奮到扯爛咗件波衫同埋裡面件GPS背心，點知都未夠。
波巴迪拿興奮到喺鏡頭面前拉低咗條波褲，更露出下體的一部分，據悉直播畫面曾出現「精彩畫面」。球證當時只見到波巴迪拿除衫慶祝，依例出示黃牌警告。不過，波巴迪拿喺賽後冷靜過後，馬上意識到自己惹上麻煩，佢表示後悔，仲話希望太太冇睇到嗰個畫面（原文為西班牙語，有指應為媽媽）。
結果，片段同截圖喺網絡上面瘋傳之後，巴拉圭足總指根據網上資料，將向波巴迪拿展開紀律調查，並已通知該名球員。如巴拉圭足總裁定指控成立的話，相信波巴迪拿將面臨多場停賽。
33歲嘅波巴迪拿於河床出道，其後曾效力慕遜加柏、奧格斯堡、巴素利等球隊，現時由小阿根廷人外借到巴拉圭球隊瓜拉尼。
Source: Sportbible
話說喺早幾日一場巴拉圭超級聯賽，波巴迪拿效力嘅球會瓜拉尼（Club Guarani）作客面對利伯泰迪（Libertad），當中波巴迪拿於86分鐘射成3-1奠定勝局，佢就興奮到扯爛咗件波衫同埋裡面件GPS背心，點知都未夠。
波巴迪拿興奮到喺鏡頭面前拉低咗條波褲，更露出下體的一部分，據悉直播畫面曾出現「精彩畫面」。球證當時只見到波巴迪拿除衫慶祝，依例出示黃牌警告。不過，波巴迪拿喺賽後冷靜過後，馬上意識到自己惹上麻煩，佢表示後悔，仲話希望太太冇睇到嗰個畫面（原文為西班牙語，有指應為媽媽）。
結果，片段同截圖喺網絡上面瘋傳之後，巴拉圭足總指根據網上資料，將向波巴迪拿展開紀律調查，並已通知該名球員。如巴拉圭足總裁定指控成立的話，相信波巴迪拿將面臨多場停賽。
33歲嘅波巴迪拿於河床出道，其後曾效力慕遜加柏、奧格斯堡、巴素利等球隊，現時由小阿根廷人外借到巴拉圭球隊瓜拉尼。
Source: Sportbible
請按此登錄後留言。未成為會員? 立即註冊