阿積士年僅19歲嘅隊長迪列特 (Matthijs de Ligt) ，今個夏天必定係轉會市場上嘅超級大紅人，佢已經受到多間歐洲大球會注目。不過，球員轉會好多時候，都有經理人甚至一個團隊喺幕後策劃，今次迪列特嘅轉會，佢嘅經理人拉奧拿 (Mino Raiola) 就十分關鍵。
經理人拉奧拿係現今球壇中，除咗文迪斯之外，另一位世人皆知嘅經理人，佢旗下球星包括伊巴謙莫域、普巴、華拉堤、巴洛迪利、當拿隆馬等，而迪列特亦係拉奧拿嘅客戶之一。根據最近多個轉會傳聞，有興趣簽下迪列特嘅豪門包括巴塞隆拿、曼聯、曼城、利物浦及祖雲達斯等。
西班牙《馬卡報》報導，認為迪列特本人希望跟隨隊友法蘭基迪莊腳步，轉投巴塞隆拿，巴塞願意以6,000-7500萬歐元收購呢位荷蘭國腳，同時阿積士亦希望迅速同巴塞隆拿完成交易，提早獲得資金安排其他轉會，補充今夏主力離隊嘅空缺。不過，代表迪列特談判轉會嘅經理人拉奧拿，據報已經將交易擱置，原因係巴塞一般只會喺交易中提供5-10%經理人佣金，但拉奧拿卻要求取得20%佣金， 60M X 20% = 12M ，共1200萬歐元。
如果傳聞屬實的話，難怪早前有傳拉奧拿極力將迪列特「運作」到英超，因為英超豪門一舨願意提供較高經理人佣金，因此拉奧拿將交易擱置，等待其他報價。另外，《ESPN》報導指，曼聯調查迪列特後發現佢擁有「肥仔基因」，認為佢家族成員大多容易發福，擔心佢體重出現問題，因此對佢嘅興趣大減，轉而考慮其他目標。
事有湊巧，FIFA 國際足協近日宣布，對拉奧拿及其堂兄施以三個月全球禁令，禁令佢哋參與球員買賣，禁令期滿時，英超轉會窗已經完結。事件未知會否對普巴及迪列特等潛在轉會造成影響，不過可以想像，拉奧拿仍然可以走「法律罅」，透過第三者影響轉會操作。
Source: BBC、Marca、ESPN
經理人拉奧拿係現今球壇中，除咗文迪斯之外，另一位世人皆知嘅經理人，佢旗下球星包括伊巴謙莫域、普巴、華拉堤、巴洛迪利、當拿隆馬等，而迪列特亦係拉奧拿嘅客戶之一。根據最近多個轉會傳聞，有興趣簽下迪列特嘅豪門包括巴塞隆拿、曼聯、曼城、利物浦及祖雲達斯等。
西班牙《馬卡報》報導，認為迪列特本人希望跟隨隊友法蘭基迪莊腳步，轉投巴塞隆拿，巴塞願意以6,000-7500萬歐元收購呢位荷蘭國腳，同時阿積士亦希望迅速同巴塞隆拿完成交易，提早獲得資金安排其他轉會，補充今夏主力離隊嘅空缺。不過，代表迪列特談判轉會嘅經理人拉奧拿，據報已經將交易擱置，原因係巴塞一般只會喺交易中提供5-10%經理人佣金，但拉奧拿卻要求取得20%佣金， 60M X 20% = 12M ，共1200萬歐元。
如果傳聞屬實的話，難怪早前有傳拉奧拿極力將迪列特「運作」到英超，因為英超豪門一舨願意提供較高經理人佣金，因此拉奧拿將交易擱置，等待其他報價。另外，《ESPN》報導指，曼聯調查迪列特後發現佢擁有「肥仔基因」，認為佢家族成員大多容易發福，擔心佢體重出現問題，因此對佢嘅興趣大減，轉而考慮其他目標。
事有湊巧，FIFA 國際足協近日宣布，對拉奧拿及其堂兄施以三個月全球禁令，禁令佢哋參與球員買賣，禁令期滿時，英超轉會窗已經完結。事件未知會否對普巴及迪列特等潛在轉會造成影響，不過可以想像，拉奧拿仍然可以走「法律罅」，透過第三者影響轉會操作。
Source: BBC、Marca、ESPN
請按此登錄後留言。未成為會員? 立即註冊