做好榜樣!利物浦要沙拿向警方自首

睇足365 於 14/08/2018 發表 收藏文章
好多人都試過輕微犯法,例如係亂拋垃圾、亂過馬路、禁區停車等等,堂堂球星都有機會做過呢啲嘢,不過俾人捉到就有損形象,甚至被指責做壞榜樣。今次沙拿就做完壞榜樣再做返好榜樣。


話說近日網上流傳一段影片,係利物浦球星沙拿返會球會期間遇上塞車,邊停邊駛嘅時候,被影到使用手提電話。根據英國法例,就算係喺燈位等候,或者塞車,使用手提電話即屬違法。

https://youtu.be/eyiOBa6cMVE
利物浦會方見到呢段片之後,行動迅速,馬上同沙拿傾好,要佢報警自首,又發出聲明:「球會與沙拿商量後,已經向警方交待有關影片,以及其所拍攝情況。球會亦已與球員溝通,將會對後續事件作內部處理。」

默西塞特郡警方就表示:「警方已得知,有關一名球員於駕駛期間使用手提電話的影片,並且已轉交相關部門處理。」據悉,駕駛期間使用手提電話,最高可被罰款200鎊及扣六分。今次球會就做得啱,有錯要認,做返個好榜樣。

Source: Sky Sports

留言


請按此登錄後留言。未成為會員? 立即註冊
  • Liverpool dog 於 14/08/2018 評論 NO. 1

    球會就做得啱?
    俾人影到仲有得唔交人咩?

快捷鍵:←
快捷鍵:→