伊巴:「哥迪奧拿係我合作過最唔成熟嘅教練」

睇足365 於 13/12/2017 發表 收藏文章
喺周末嘅英超打吡大戰中,報導指曼聯同曼城嘅職球員喺賽後發生衝突,雖然冇片冇圖,但英媒整理返事件經過,就話係因為曼城賽後喺作客更衣室大聲播音樂慶祝,摩連奴過去叫佢哋唔好咁大聲,然後同曼城門將艾達臣口角,期間有人掉中摩佬,結果兩邊就打起上嚟。事後,雙方球員、球迷都打起「牙骹戰」,呢個時候曼聯前鋒伊巴謙莫域,就講起以前同哥迪奧拿合作嘅往事,真係花生味濃。


伊巴謙莫域喺2009年由國際米蘭轉投巴塞隆拿,同時任主帥哥迪奧拿合作過一段時間。大家都知道,巴塞以美斯為核心,而踢正箭頭嘅伊巴謙莫域,一向俾人桀驁不馴嘅印象,永遠只有球隊遷就佢,冇佢遷就人,場上場下都要做大佬。不過喺巴塞,不論喺球場上嘅位置,定係更衣室嘅地位,對伊巴嚟講都未如理想,結果佢踢咗一季就被外借去AC米蘭。


跟據《Sky Sports》報導,伊巴最近就咁樣講:

「開頭嗰六個月係完美嘅,不過主帥之後就改變咗戰術體系,新戰術喺我身上唔能夠發揮作用,於是我去搵佢傾。」

「我話,『我認為你為咗美斯而犧牲咗其他球員』,佢就話『我覺得情況唔係咁樣,不過我理解你講嘅嘢。冇問題,我會處理,我會解決所有問題』,咁我諗應該OK啦。」

「之後場波我做咗後備。我乜都冇講,淨係努力訓練。」

「第二場波,我又係後備。我諗佢真係解決咗個『問題』,而佢冇再同我傾返或者解釋任何嘢。」

「第三場後備。第四場又後備。」

「我覺得件事有啲怪。由嗰陣開始,佢唔再同我講嘢,一眼都唔望我。我一入房,佢就行出去。佢唔係一個好差嘅人,不過係我合作過最唔成諒嘅,因為一個男人會解決佢嘅問題。」


Source: Sky Sports

留言


請按此登錄後留言。未成為會員? 立即註冊
  • kinfung 於 13/12/2017 評論 NO. 1

    感你又真系勁吾過美斯喎,每隊球隊都有進攻核心架啦,人地美斯吾只勁過你,仲系拉瑪西亞青訓,一早完美適應曬戰術體制,要其他球員遷就好正常,事實就系巴塞用吾用你都好都系超勁囉呂生

  • Siu Leung Mui 於 13/12/2017 評論 NO. 2

    本身哥迪奧拿就係1個廢嘅領隊,球員時代已經唔覺佢好波,做領隊更加垃圾!

  • MandN 於 14/12/2017 評論 NO. 3

    kinfung夠鐘食藥味

  • MandN 於 14/12/2017 評論 NO. 4

    kinfung夠鐘食藥味

  • MandN 於 14/12/2017 評論 NO. 5

    kinfung夠鐘食藥味

  • @michael@ 於 15/12/2017 評論 NO. 6

    #哥帥其實很利害,用一招(傳控)已經能夠在英超成班霸,依靠球員質素能力,及球會財力支撐應付。巴塞係咁,拜仁係咁,曼城都係咁,隊隊都財力雄厚,人才濟濟,唔知當球隊遇上賽程差,更衣室不穩,球員情緒下況,內部鬥爭時,又是否又離隊去另一班霸帶領著班霸。(真心佩服他選擇球隊的眼光)

快捷鍵:←
快捷鍵:→