一日兩簽!熱刺長約簽下里昂中場尼當比利及18歲列斯聯翼鋒

睇足365 於 03/07/2019 發表 收藏文章
里昂新星尼當比利 (Tanguy Ndombele) 一直係英超球隊熱刺嘅獵物,熱刺喺轉會市場上蟄伏一整個球季之後,終於簽下新援,更於一日內公布兩名新球員加盟。

loading

較早時間,熱刺率先公布簽下列斯聯年輕球員積克奇勒 (Jack Clarke) ,不過呢位價值1000萬英鎊嘅18歲翼鋒,與熱刺簽約4年及於訓練基地亮相後,隨即被外借回歸列斯聯,協助母會爭取來季升班資格。喺作出近一年半以嚟第一筆「引援」後,熱刺再次為球迷帶嚟驚喜。

熱刺喺稍後時間,再次出post,宣布里昂中場尼當比利來投,真真正正係球會久違嘅重磅交易。《Sky Sports》報導,呢位22歲法國新星,令熱刺耗資6500萬鎊購入,雙方更簽下一份6年長約,反映佢係球會希望重點栽培及長期留用嘅對象。

loading
loading


根據《Sky Sports》較早前報導,熱刺早於2017-18球季已密切留意尼當比利,視佢為穆沙丹比利 (Mousa Dembele) 嘅替代品,但因為丹比利喺去年夏天留隊而暫時擱置。最終,丹比利於季中轉投中超球會廣州富力。今個轉會窗,里昂球會主席 Jean-Michel Aulas 曾經表示,曼聯、曼城、熱刺、祖雲達斯等球會都對尼當比利有興趣;尼當比利本人就喺接受訪問時稱讚熱刺。

尼當比利今季為里昂於各項賽事上陣49場,射入3球兼交出8個助攻。現時主要司職中場中路嘅佢,初出道時曾經踢右中場位置,擁有一定嘅盤球突破能力,上季於歐聯場均過人2.9次,亦擅長作出致命一傳。

Source: Sky Sports

留言


請按此登錄後留言。未成為會員? 立即註冊
    快捷鍵:←
    快捷鍵:→