介紹返：可能係本年度巴西樂壇最有前途新人──朗拿甸奴。
自從離開巴甲富明尼斯，朗拿甸奴已經超過一年沒有在正式比賽上陣，細哨行蹤飄忽，期間去過印度加盟室內五人賽球隊，踢唔夠兩場就回國，話做里約殘奧宣傳大使(兼合唱主題曲)，之後忽然返巴塞做大使，前兩日又在巴西出現跟大哨聚舊。
好多人以為佢已經掛靴，只差未正式宣佈，但細哨話：未噃。
同佢在球場上控球一樣，細哨下一步想點，真係無人估得到。朗拿甸奴日前隆重宣佈，推出首張個人單曲大碟《Sozinho》！
不少球員都玩票性質出過碟，但唔係口Rap Rap就係成班人合唱，點解？因為唱功及不上球技囉！之前見過細哨上台，都係跟其他歌手夾幾句，表現不算很突出。不過今次唔同，細哨個人solo，好認真，仲揀唱有一定難度的抒情中板歌。
一聽就知有驚喜，唔止唱功好過好多酒廊歌手，嗒落真係唱出一份味道，唔講會以為係專業歌手作品。
葡萄牙文"Sozinho"意思為孤獨，聽歌名大概都估到曲風及歌詞意境。到底呢位剛滿37歲的樂壇新人唱成點，不妨自己聽聽..... https://youtu.be/A79xJu5UpwsRef:mail
請按此登錄後留言。未成為會員? 立即註冊