轉會，兩個字：一買一賣。啱嘅，拎去！
辛頓可以嘆氣講句：唔係咁易架，葉師傅！
做過意大利國腳，拿過歐聯冠軍，踢過英超和意甲兩大聯賽，而且只得25歲，在今時今日的人肉市場，理應大把世界吧！
國際米蘭閘位人才過剩，後衛辛頓 (Davide Santon) 自知立足不易，球會亦願意放人。英超新特蘭在上月初作出報價，買賣雙方談妥轉會費，辛頓飛到英格蘭完成體測，一切似乎十分順利，但至簽約前一刻，新特蘭告訴他，如果球隊降班，他就必須接受減薪。辛頓懷疑黑貓真名是黑店，轉身唔射三分波，離場走人。
上月中，拿玻里找國米斟介要人，雙方又是傾好價錢，辛頓再一次體測，但結果轉會又告吹。最初消息指，醫生在辛頓的膝蓋部位發現了小問題，令拿玻里望而卻步，但其後意媒透露，是拿玻里會長迪羅倫迪斯對辛頓有意見，否決了這單轉會。
及至日前，「這些機會」又來臨了。韋斯咸邀請辛頓重返英超，給他開出了一年期的租借合約，季後或以500萬鎊買斷，於是辛頓做了一個月內的第三次體測。根據天空體育消息，辛頓未能通過體測的後半部份，韋斯咸即時終止對他的興趣。
轉會窗剩下不到一個月就會關閉，辛頓如果未能碰上第四次轉會機會，就唯有留在國際米蘭努力爭取位置。
Ref:skysports
請按此登錄後留言。未成為會員? 立即註冊