買卡雲尼?需要嗎?托利斯要賣走?

講波經(CHELSEA) 於 23/05/2013 發表 收藏文章
1.我覺得車仔唔多需要卡雲尼!如果要講撞得嘅話都有盧卡古啦,而佢又有速度,唔洗晒錢係尼一方面!

2.講到前鋒,尼排聽到車路士會以賤價賣走佢,我覺得下季都未洗賣佢住,因為我覺得佢真係番緊黎,同埋佢之前加盟車仔頭一兩季踢得差係因為車仔嘅踢法唔啱佢,佢係需要人比直線佢,但係以前車仔係靠兩邊出波!而今季就有Mata,Hazard,Oscar比多左直線波,所以今季就多左波入!同埋尼三個中場球員磨合得好嘅話,係好恐怖的,分分鐘仲勁過巴塞中場果幾個!
而家前鋒線有丹巴巴亞,托利斯同埋盧卡古!

3.係U19入面,有個9號仔(lslam Feruz)幾好波,可以升佢上黎踢下,佢雖然唔係好高,但係有速度、把握能力都幾高,踢前鋒、輔鋒、翼都得!所以我覺得真係唔洗買前鋒住!
標籤: CHELSEA  

留言


請按此登錄後留言。未成為會員? 立即註冊
  • Gor SK 於 23/05/2013 評論 NO. 1

    1.我認為如果真係收購卡雲尼而未起用盧卡古,係因為前者始終係意甲征戰甚久,經驗上比盧卡古優勝,而盧卡古暫時仲係英超打左一年主力,穩定性成疑、歐戰經驗又不足,暫時難以用作主力,而如果借去史雲斯,進一步加強地面戰能力、汲取歐洲賽經驗再回來更佳

    2.你指費托?我覺得其實未去到要賣既程度,佢已經開始適應到車仔打法,表現亦有所回升,不過若來季領隊無心力或意圖去改善佢聯賽發揮既,趁佢起態時賣走亦非壞事,問題就會係佢走唔走
    至於三核,就好睇oscar會拉後定打右,其實打邊路既佢就唔係好點,就睇來季會唔會打後d踢派牌位會更好,而且佢都要練大隻d打英超

    3.呢d無咁快升到上黎,你都知油王架啦,無乜車仔領隊夠膽好似費sir之類咁出小將踢下架:(

  • KE1019 於 11/08/2013 評論 NO. 2

    3.有,摩連奴

快捷鍵:←
快捷鍵:→