C朗踢草皮搏12碼失敗 下半場被男球迷強吻

馬後炮 於 27/03/2018 發表 收藏文章
葡萄牙喺今次國際友賽期擊敗埃及,C朗拿度亦有建功兼達成個人生涯第900場里程碑,不過佢哋喺第二場比賽對無緣2018世界盃決賽周嘅荷蘭,竟然輸足三球,C朗表現亦未如理想。

喺比賽30分鐘,C朗就懷疑插水,不過球證不為所動。當時C朗喺禁區邊緣切入,起腳一刻疑似被侵犯倒地,不過由慢鏡睇返,C朗應該係自己左腳踢落地,然後至跌低,對方同佢並冇身體接觸。C朗應該就唔會專登踢草皮跌低,但佢跌低之後就起勢投訴,叫球證俾12碼,仲好嬲添。



另一個角度都幾逼真嘅。


去到下半場,喺C朗身上仲有另一個小插曲。喺61分鐘,葡萄牙後衛祖奧簡斯路兩黃一紅被逐,喺佢離開球場嘅時候,有球迷就乘機衝入球場草地。一位熱情男球迷衝向C朗,意圖錫落偶像個嘴度,好彩C朗反應快避開個嘴,但塊面就走唔甩喇。



之後,仲有兩位球迷成功衝到C朗身邊,其中一位都成功同佢擁抱。C朗雖然對於球迷擾亂球賽秩序嘅行為,面露不悅,但都識做咁拍一拍呢幾位球迷嘅……



Source: SportbibleESPN

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→