周中一場法國聯賽盃8強，相信唔太多球迷留意，大家可能有見到PSG爆冷以1-2不敵甘岡被淘汰出局，但摩納哥呢一場，筆者都係今日慢半拍睇到網上有人講先知道係咁盪氣迴腸！
1月10日01:45，法國聯賽盃8強，摩納哥主場對雷恩。參考一下兩隊近況，主隊摩納哥喺聯賽要繼續為護級而戰，開季至今各項賽事只得5勝，其中4場係由主帥亨利上任後取得，但喺聯賽仍然只得3勝，以13分排尾二；至於客軍雷恩，喺賽前各項賽事近6場取得5勝1和，聯賽穩守中上游第8位。
開賽30分鐘，雷恩率先憑保列基奧特 (Benjamin Bourigeaud) 成功入楔單刀先開紀錄。摩納哥戰至54分鐘，由馬高斯盧比斯 (Marcos Rony Lopes) 接應傳中搶點追成1-1平手，將比賽帶入加時。
雙方完成120分鐘加時後，維持1-1比數，以12碼大戰決勝負，成為20歲門將巴迪亞舒尼 (Loïc Badiashile) 嘅表演舞台。巴迪亞舒尼喺12碼大戰中連番救出賓艾化等人主射嘅三個12碼，己隊亦有新援中堅拿度、波蘭後衛基歷克及比利時新星泰利文斯三人射失 (對方門將同樣救出三個12碼！) ，而對方門將古碧先行主射高出，巴迪亞舒尼就需要處理己隊第11球關鍵12碼。巴迪亞舒尼冷靜轟入呢球12碼，令摩納哥以12碼大戰比數8-7晉級4強。值得留意嘅係呢位20歲法國籍年輕門將，未曾於聯賽上陣，佢17歲嘅弟弟 Benoît Badiashile 同樣於今場獲派上陣出任中堅。
https://i.imgur.com/qzJ7Mip.gif
由於班霸PSG喺8強爆大冷被聯賽榜尾嘅甘岡淘汰出局，摩納哥喺四強嘅對手正係甘岡，令呢對護級孖寶其中一隊可以晉身法聯盃決賽，而另一邊戲碼就係史特拉斯堡對波爾多。
全場精華
https://streamable.com/636y7
1月10日01:45，法國聯賽盃8強，摩納哥主場對雷恩。參考一下兩隊近況，主隊摩納哥喺聯賽要繼續為護級而戰，開季至今各項賽事只得5勝，其中4場係由主帥亨利上任後取得，但喺聯賽仍然只得3勝，以13分排尾二；至於客軍雷恩，喺賽前各項賽事近6場取得5勝1和，聯賽穩守中上游第8位。
開賽30分鐘，雷恩率先憑保列基奧特 (Benjamin Bourigeaud) 成功入楔單刀先開紀錄。摩納哥戰至54分鐘，由馬高斯盧比斯 (Marcos Rony Lopes) 接應傳中搶點追成1-1平手，將比賽帶入加時。
雙方完成120分鐘加時後，維持1-1比數，以12碼大戰決勝負，成為20歲門將巴迪亞舒尼 (Loïc Badiashile) 嘅表演舞台。巴迪亞舒尼喺12碼大戰中連番救出賓艾化等人主射嘅三個12碼，己隊亦有新援中堅拿度、波蘭後衛基歷克及比利時新星泰利文斯三人射失 (對方門將同樣救出三個12碼！) ，而對方門將古碧先行主射高出，巴迪亞舒尼就需要處理己隊第11球關鍵12碼。巴迪亞舒尼冷靜轟入呢球12碼，令摩納哥以12碼大戰比數8-7晉級4強。值得留意嘅係呢位20歲法國籍年輕門將，未曾於聯賽上陣，佢17歲嘅弟弟 Benoît Badiashile 同樣於今場獲派上陣出任中堅。
https://i.imgur.com/qzJ7Mip.gif
由於班霸PSG喺8強爆大冷被聯賽榜尾嘅甘岡淘汰出局，摩納哥喺四強嘅對手正係甘岡，令呢對護級孖寶其中一隊可以晉身法聯盃決賽，而另一邊戲碼就係史特拉斯堡對波爾多。
全場精華
https://streamable.com/636y7
請按此登錄後留言。未成為會員? 立即註冊