《還記得那些年 對曼聯連中三元戴帽的伊度奧嗎?》

藍獅 於 19/10/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : eurosport.com

紅藍大戰在即,亦令筆者回想番以曾經一個經典人物,佢就係伊度奧,波齡唔淺既球迷對佢絕對有一定認識,仲記得佢喺巴塞隆拿以及國際米蘭時,都能夠交出高水準表現,帶領球隊衝擊一個又一個獎盃榮譽。令人意想不到的是,伊度奧既職業生涯竟然能夠穿起這件車路士球衣,相信未曾有人想像得到,英超賽場上竟然可以見識得到「獵豹」本色。

離開國際米蘭後,伊度奧選擇加盟俄超球會安治,球會係當時新挖起既富豪暴發戶,現時效力車路士既韋利安亦都係當時伊度奧既隊友,而離開主流球壇既目光使球迷認為後者會喺哩度享受最後既足球時光。可惜理想總是與現實有出入,安治好快失去投資,在沒有資金既支持底下需要削減高薪一族,大牌球星只能離隊他投,伊度奧正正係首批舉手離開既球員之一,而獵豹選擇既下一站,就係從未踏足過既英超,跟隨重掌帥印既摩連奴加盟車路士,再續國米前緣。

在摩連奴重掌車路士帥印時,球會只有費蘭度托利斯以及丹巴巴亞兩名前鋒,兩者無論功能還是屬性都過於單一,主要只係透過反擊製造起腳機會,無疑在這位置的確有需要進行人腳上既補充。雖然當時有部份球迷認為比伊度奧好既前鋒選擇大有人在,但在無需轉會費既前題底下收購伊度奧既性價比係十分之高,經驗會係帶到比球會最寶貴既資產,而能力絕對可以為車路士在鋒線上增添新元素。

獵豹並非一名典型喺禁區等波到既前鋒,除左總能夠將機會轉化成入球之外,同時能司職邊鋒既佢,好多時都會後切攞波,相比於另外兩位前鋒較多與隊友配合進攻,而且唔單止只係透過中路進行攻勢,適當機會亦會拉邊讓隊友插入中路再尋找機會,可以話務求令球隊得分而犧牲自己入球數字為隊友鋪橋搭路,即使已經離開主流目光兩年,在當時年紀唔輕同速度減退下,亦無阻佢証名自己仍然係球壇內一名相當有智慧同全面既前鋒,而代表作絕對係當季主場對曼聯個人連中三元既賽事。

雖然唔少球迷喺伊度奧登陸史丹福橋既初期都知道球員只屬「短期貨仔」,而獵豹整體表現亦比其他兩名前鋒為好,但從未諗到最後佢會同摩連奴不歡而散。一段入球荒令哩位葡萄牙名帥公開批評伊度奧既實際年齡與現實不乎,此舉當然令球員非常不滿,而獵豹則在之後既入波慶祝時,用動作去回應外界及摩連奴以示不滿。及後一季伊度奧選擇轉投愛華頓穿起另一件藍色球衣,與盧卡古在拖肥合組一對前車路士攻擊組合。

一季藍橋生涯,最終曲終人散,一切只成回憶。


文章最後更新時間 : 19/10/2018 11:30


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  伊度奧  摩連奴  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→