《逃不過傷患的失蹤人口 - 雲真高》

藍獅 於 18/04/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


雲真高,相信唔少車路士球迷比起堅尼地更會記得哩個名,是因今時今刻佢仍然係留左喺史丹福橋之中,只係唔喺正選名單,亦唔喺後備名單,而係長期留左喺傷病名單之中。當日二十出頭曾經被評為自林伯特離開藍橋後最合適嘅接班人,今日二十有六喺足球生涯之中依然停滯不前,始終都逃唔出傷患哩雙魔掌。

時間回到2013年,雲真高貴為荷甲嘅年度最佳年青球員,絕對係當時球壇最具有潛力嘅中場新星之一,吸引到時任車路士領隊摩連奴嘅目光,一手將佢由衛星球會維迪斯帶到倫敦,希望為傳奇中場林伯特既離開做準備。荷蘭人無疑喺中場控制節奏方面、長短傳質素以及後上射門都具一定實力,的確見到係具備一個全能中場既潛質,但好可惜既係球員非常容易受傷,引致競技狀態起伏不定,因而為藍軍上陣次數寥寥可數,即使有機會比賽都係表現平平。

正所謂時間係唔等人,但雲真高只是輪流在冷板凳以及病床上渡過,乏善足陳嘅上陣時間,縱使不甘心亦無力交出令人信服嘅表現去爭取更多機會,而唯一可以做既就係轉一轉環境,希望自己能夠重拾較好狀態準備好自己再返黎競爭,雲真高先後外借到意甲AC米蘭同英超史篤城,但係喺兩支球隊亦未有亮眼表現,發揮都相當一般,唯有決意選擇回到自己熟悉嘅荷甲,再一次以借將身份離開加盟PSV燕豪芬,經過短短半季既時間就交出7個入球以及4個助攻,同之前既狀態比較之下可以話有顯著提升。

可惜即使難得交出較為理想嘅成績表,但時任主帥干地仍然對荷蘭人投下不信任一票,同時間PSV燕豪芬再次向荷蘭人抛出橄欖枝,希望得到雲真高再次回國協助,而球員亦願意再度加盟,令人意外嘅係車路士喺交易前先向雲真高續約至2020年,雖然唔敢貿然定斷當時藍軍嘅最終目的,但總算係對球員給予肯定。PSV燕豪芬同時送上十號球衣及隊長臂章,雲真高亦不付所望在各項賽事上陣達25場,攻入12球並交出4個助攻,正當能夠回復甦醒之時,傷患再一次不合時宜地出現,球員亦再一次回到史丹福橋既醫療室一直養傷至今。

萬劫不復既傷患可以話摧毀左荷蘭人既職業生涯,對於佢黎講依加只希望可以喺足球場上繼續表現自己,球迷亦唔希望見到雲真高以退役作結。


文章發表時間 : 18/4/2019 15:45
文章最後更新時間 : 18/4/2019 15:45

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  雲真高  雲堅基爾  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→