《車路士與紐卡素之間的失蹤人口 - 堅尼地》

藍獅 於 16/04/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


堅尼地,一個感覺好熟但近排又聽得好少既名字,其實佢依加仲係車路士既球員,而沙利上任後球員就借到紐卡素,曾經憧憬佢能夠打出一片天空,可惜事實係堅尼地依加喺賓尼迪斯手上連後備球員都未必可能係,究竟依加係球員自身問題還是英超根本唔適合佢?

自摩連奴再次執掌車路士時,就將堅尼地由富明尼斯帶到黎史丹福橋,加盟後巴西人其實得到唔少上陣機會,在各項賽事上陣達20場,以一個初到貴境既年青小將黎講可以話相當唔話得,基本上堅尼地可以成條左路既位置都打哂,包括左閘、左中場、左翼鋒去到右中場同右翼鋒都打得。可惜當季車路士整體表現欠佳,球隊表現不穩引致摩連奴季中下課,不過堅尼地亦能夠喺「救火領隊」希丁克手底下獲得唔少上陣機會。

可惜自上任主帥干地黎左之後,堅尼地既處境就變得有啲唔一樣,好快成為左球隊既「邊緣人」,基本上都變得可有可無,即使有得上陣都係打自己唔擅長既左翼衛,令到本身攻強守弱既堅尼地變得無所適從,亦先後外借到屈福特以及紐卡素尋找狀態,而上季喺喜鵲主帥賓尼迪斯帶領同教導下,巴西人立即有煥然一新既感覺,持球突破過人、關鍵傳送以至推大位射門應有盡有,返回翼鋒位置既佢有如如魚得水一樣,最終更助紐卡素護級成功。

當然肥賓亦「食過返尋味」希望再一次將佢收歸旗下,今季再一次以外借身份加盟,而合約當中亦包括買斷條款,如果以上季表現黎講,的確相信紐卡素最終都必定會將堅尼地買斷,但以巴西人近期狀態黎講,似乎哩單交易將會亮起紅燈,自2019年開始堅尼地就失去正選位置,就連後備上陣既時間亦少之又少,什至連後備席都坐唔上,表現與上季可以話有「天與地」之分野,漸漸淡出主流既目光,成為一位失蹤人口。

相信縱使把堅尼地打回頭,車路士都難以再將佢外借到其它英超球隊發展,也許其他國家聯賽至係哩位巴西翼鋒既天空。

文章發表時間 : 16/4/2019 11:25
文章最後更新時間 : 16/4/2019 11:25

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  紐卡素  堅尼地  沙利  賓尼迪斯  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→