《車路士拒絕巴塞60M報價收購韋利安 唔係呀嘛?真係唔賣?》

藍獅 於 21/07/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : YouTube

據外國傳媒報導,車路士已經拒絕巴塞提出收購韋利安既報價,哩隊西甲冠軍分別提出50及60M報價,但通通都被藍軍駁回。而球員正直世界盃後休假,未有提出任何轉會要求,但係依加正正有個咁吸引既價錢喺面前都唔放?唔係呀嘛?

以佢岩岩喺世界盃既表現,其實絕對係唔合格,基本上可以話踢五場波得一場好波,尤其喺對陣比利時既時候,同夏薩特既表現可以話喺一場波之中高下立見,韋利安一貫使出「時間停頓」一招,經常性地在右路拖慢進攻節奏,引致對手經已埋位佈防,同時出球質素欠佳,唔能夠為禁區內既加比爾捷西斯以及尼馬提供具威脅既助攻,可以話令巴西自斷一臂。

反觀同樣位置既杜格拉斯哥斯達可以話拯救了癱瘓既右路,強而飛快既爆發力,合適時機變速過人,再加上準繩度極高既長傳,哩位巴西7號多番衝擊比利時左路,為森巴兵團帶黎具威脅既攻勢,尤其係喺比利時既左翼衛查迪利傷出之後,由華湯根接手該位置,杜格拉斯哥斯既優勢可以話更加明顯,即使對手堵塞其進攻路線,哩位祖雲達斯既邊路球員亦唔會好似韋利安咁強行硬上,而會快速轉邊拉開對手陣式,務求讓巴西進攻方式更加立體鮮明。

韋利安為人詬病既就係「神經刀」般既狀態,每當你睇死佢踢唔掂既時候,佢就有如神助咁發揮靈光一閃既關鍵作用,就好似15/16球季咁,可以話盡力拯救垂死掙扎既藍軍以及當時帥位嚴峻既摩連奴;但如果你睇好佢有穩定發揮果時,韋利安就會交出「垃圾」級既表現,永遠都唔能夠喺應射則傳,應傳則射既時間做好處理,「進攻黑洞」亦因此而命名。

下個月就進入三十之年既韋利安,相信進步空間都已經所剩無幾,既然有一個咁吸引既價錢係正面前,理應即刻點頭將佢送走,但韋利安對於車路士既忠誠絕對係球隊中數一數二,今時今日忠誠何價?

文章最後更新時間 : 21/07/2018 18:00

來源 : ESPN


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  巴塞  巴塞隆拿  韋利安  巴西  

留言

會員
我要評論
請按此登錄後留言。未成為會員? 立即註冊
  • OhMyGirl_Arin
    OhMyGirl_Arin 於 22/07/2018 評論 NO. 1

    6000萬都唔賣係咪弱智 呢條撚樣一年得幾場好波

快捷鍵:←
快捷鍵:→