【真的假不了】夏薩特 : “未來仍然希望能夠同摩連奴合作”

藍獅 於 15/10/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : skysports.com

今季狀態非常火熱既夏薩特,近日接受比利時媒體訪問,當中採訪內容談及好多關於早兩任車路士前主帥摩連奴,夏薩特直言雖然最後大家都不歡而散,但未來仍希望能夠有再次合作既機會,究竟係破鏡重圓重修舊好?定係比利時人同摩連奴既關係從來都無外界所講咁水火不容?

正帶領曼聯既摩連奴今季踏入第三季,一如以往出現「摩三季」危機,無論喺比賽戰術上、球會成績上、以至更衣室同球員既關係上都接二連三咁出現問題,情況上同第二次回歸車路士既進程非常相似,先係投訴管理層未有收購到佢想要既心儀球員,繼而將賽事失利既責任推卸到管理層、球証執法以及個別球員身上,總係講到唔關自己事咁,再個別針對某球員既場內場外表現,務求將外界既焦點轉移到哩位球員身上,所以本土記者好鐘意拎關於摩連奴既新聞作炒作,因為佢講啲野真係好有話題性。

當日喺車路士佢針對住夏薩特,今日佢喺曼聯針對住普巴,其實兩者都係異曲同工,當年佢批評夏薩特喺場上表現與實力不相乎,而比利時人父親反駁係因為摩連奴要求夏薩特帶傷上陣,先至導致佢既表現每況愈下。直到摩連奴黯然下台後由希丁克再次接任暫代領隊職務後,夏薩特既表現與摩連奴執掌時簡直係「一個天一個地」,所以球員先比人話佢係內鬼,係摩連奴下台既真正元凶。

不過其實睇返過去車路士換帥既咁多屆,夏薩特每次都能夠喺新帥掌權後既第一季表現得好好,當日既摩連奴二次回歸藍橋,兩季前既干地注入三後衛,去到今季既沙利平民進攻足球,究竟真係狀態不穩定係打緊佢既如意算盤實在無人知曉。不過,夏薩特的確將佢既黃金歲月都交哂比車路士咁制,老實說,如果佢係利用今季既火熱表現去換取季後加盟皇馬既機會,亦相信無乜邊個球迷會因為咁而因愛成恨。

“未來想同摩連奴再合作”,一切都可能係客套說話,亦有可能係紅藍大戰前既心理戰,不過都唔能夠排除兩人未來會有再度合作既機會..

最重要都係夏薩特經常掛在口邊果句 - “最緊要依加踢得開心”。


文章最後更新時間 : 15/10/2018 12:30


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  夏薩特  摩連奴  

留言

會員
我要評論
請按此登錄後留言。未成為會員? 立即註冊
  • kcc98
    kcc98 於 16/10/2018 評論 NO. 1

    又可以玩多摩奴一鑊......25仔

快捷鍵:←
快捷鍵:→