《原創文章 歡迎轉載 請列明出處 謝謝》
-請支持藍獅 Facebook專頁-
林伯特歐聯處子之戰三分全失，亦係車路士歷史以黎首位主帥喺歐聯首場輸波，以結果論黎講當然係唔滿意，不過以比賽場面同內容黎講，其實藍軍亦唔係咁一面倒，相反其實都早以講過哩組既對手其實都相當勢鈞力敵，車路士要突圍而出並非易事。
林伯特繼續源用上場大勝狼隊既三後衛陣式，唯一一個人腳上既唔同就係由蘇馬頂替再次受傷既魯迪加，而喺體力上亦未見到各個球員出現疲態，所以並唔構成回復時間不足而引致輸波既原因。面對住華倫西亞既典型442陣式，其實車路士喺場面上其實一啲都唔輸洩，進攻時左右翼衛上前配合，同時擔任左右中堅既湯姆利以及蘇馬亦會向前移，負責覆蓋佐真奴左右兩邊既空間，所以每當個波由對面防守球員喺佢地後半場踢出黎果陣湯姆利同蘇馬好多時都能夠喺半場位置拎得番。
而哩個戰術上既安排亦能夠補充佐真奴覆蓋面及橫移能力不足既情況，喺進攻時會呈三防中既畫面，同時佐真奴亦可以不時走上禁區頂位置上搶，減輕高華錫既體能輸出，亦彌補到簡迪不在場所缺失既「海洋面積」。不過喺硬淨程度方面成為左今場波既縮影，面對住干度比亞以及柏利祖「兩座大山」藍軍喺身體質素上完全輸洩，而對手喺進攻上亦非常善於在禁區頂位置作小範圍傳球，幾次都能夠透過短傳製造埋門機會。
而同時華倫西亞喺一啲角球攻勢同死球處理方面亦有精心部署，亦因為咁令佢地能夠成功攻破基柏既十指關，至於最後果球十二碼，以鏡頭睇你話巴克利無爭射就假既，信心滿滿既佢好主動放低個波，而佐真奴同韋利安亦有埋去佢身邊私語一番，如果根據林伯特賽後所講巴克利係球隊首席操刀者，以上畫面其實根本唔會發生，所以按照推斷似係林伯特由始至終都無決定邊個至係十二碼第一人，而係由場上球員自己決定。
巴克利做出爭射而射唔入哩個畫面固然比左機讓媒體大造文章，但最重要既其實有冇因為哩件事而破壞左隊內氣氛，佐真奴喺見到巴克利堅決要射哩球十二碼時雖然有擊掌鼓勵，但射失後亦有向身邊既基斯甸臣表達不滿，而名宿古莊臣就批評身為隊長既艾斯派古達未有喺場上作出決定，相信林伯特務必要平息事件而與個別球員作出溝通。
至於蒙特傷出後隊內傷兵又增多一人，黎緊番到英超仲要對住利特浦，就要睇林伯特仲有冇啲咩奇招可出喇...
文章發表時間 : 19/09/2019 10:25
文章最後更新時間 : 19/09/2019 10:25
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
林伯特歐聯處子之戰三分全失，亦係車路士歷史以黎首位主帥喺歐聯首場輸波，以結果論黎講當然係唔滿意，不過以比賽場面同內容黎講，其實藍軍亦唔係咁一面倒，相反其實都早以講過哩組既對手其實都相當勢鈞力敵，車路士要突圍而出並非易事。
林伯特繼續源用上場大勝狼隊既三後衛陣式，唯一一個人腳上既唔同就係由蘇馬頂替再次受傷既魯迪加，而喺體力上亦未見到各個球員出現疲態，所以並唔構成回復時間不足而引致輸波既原因。面對住華倫西亞既典型442陣式，其實車路士喺場面上其實一啲都唔輸洩，進攻時左右翼衛上前配合，同時擔任左右中堅既湯姆利以及蘇馬亦會向前移，負責覆蓋佐真奴左右兩邊既空間，所以每當個波由對面防守球員喺佢地後半場踢出黎果陣湯姆利同蘇馬好多時都能夠喺半場位置拎得番。
而哩個戰術上既安排亦能夠補充佐真奴覆蓋面及橫移能力不足既情況，喺進攻時會呈三防中既畫面，同時佐真奴亦可以不時走上禁區頂位置上搶，減輕高華錫既體能輸出，亦彌補到簡迪不在場所缺失既「海洋面積」。不過喺硬淨程度方面成為左今場波既縮影，面對住干度比亞以及柏利祖「兩座大山」藍軍喺身體質素上完全輸洩，而對手喺進攻上亦非常善於在禁區頂位置作小範圍傳球，幾次都能夠透過短傳製造埋門機會。
而同時華倫西亞喺一啲角球攻勢同死球處理方面亦有精心部署，亦因為咁令佢地能夠成功攻破基柏既十指關，至於最後果球十二碼，以鏡頭睇你話巴克利無爭射就假既，信心滿滿既佢好主動放低個波，而佐真奴同韋利安亦有埋去佢身邊私語一番，如果根據林伯特賽後所講巴克利係球隊首席操刀者，以上畫面其實根本唔會發生，所以按照推斷似係林伯特由始至終都無決定邊個至係十二碼第一人，而係由場上球員自己決定。
巴克利做出爭射而射唔入哩個畫面固然比左機讓媒體大造文章，但最重要既其實有冇因為哩件事而破壞左隊內氣氛，佐真奴喺見到巴克利堅決要射哩球十二碼時雖然有擊掌鼓勵，但射失後亦有向身邊既基斯甸臣表達不滿，而名宿古莊臣就批評身為隊長既艾斯派古達未有喺場上作出決定，相信林伯特務必要平息事件而與個別球員作出溝通。
至於蒙特傷出後隊內傷兵又增多一人，黎緊番到英超仲要對住利特浦，就要睇林伯特仲有冇啲咩奇招可出喇...
文章發表時間 : 19/09/2019 10:25
文章最後更新時間 : 19/09/2019 10:25
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊