《原創文章 歡迎轉載 請列明出處 謝謝》
-請支持藍獅 Facebook專頁-
又黎到藍色青訓基地系列，不定期為球迷送上車路士年輕球員既介紹同消息，先前其實都已經有為尼爾斯占士同湯姆利各自出左一篇文章 (尾段有傳送門)，而今集想講既主角近日又咁啱比林伯特點名晉身一隊名單之中，以官方形式宣佈，就係法比加斯既接班人 - 基爾摩亞 (Billy Gilmour)。
基爾摩亞為蘇格蘭人，出身於格拉斯哥，早於8歲時就已經加入當地著名球隊格拉斯哥流浪既青訓體系之中，亦一步步於梯隊中成長，當時球隊經已認為基爾摩亞具有非常優厚既天賦，直到17年5月，格拉斯哥流浪宣佈與車路士達成協議，基爾摩亞將會轉投加入藍軍青訓梯隊之中，而哩支蘇格蘭球隊亦係當中得到大約500,000英鎊既球員培養費用，哩個價錢可以見到其實車路士係幾睇重基爾摩亞既潛力。
哩位蘇格蘭年輕人除左能勝任中場中既位置之外，亦能夠推上去打攻中又或者拉後為防中，喺出道至今既踢法上基爾摩亞的確幾似後期打派牌型中場既法比加斯，同時具備長傳視野以及準繩度，好多時都為隊中策動攻勢既第一點，將個波長傳到前場兩邊，以哩個年紀既年輕人黎講能夠有咁既視野加上斬個波得黎有番咁上下質素，其實係相當難得，基爾摩亞除左為車路士贏得英格蘭青年足總盃冠軍之外，佢同時係蘇格蘭國家隊梯隊一員，於18年土倫錦標賽更為國家以第四名完成賽事，年紀輕輕經已為於國家隊青年梯隊上陣28場賽事，相信黎緊成為大國腳亦只係時間問題。
其實喺基爾摩亞正式晉身一隊之前，今季亦早已曾經代表一隊於英超等賽事中上陣，「處子戰」就係喺8月31日對鍚菲聯既賽事入面後備上陣，而及後亦有喺其它本土盃賽中完成過全場賽事，除左得到林伯特所既器重之外，上季季中轉投摩納哥既法比加斯亦對哩位中場新星非常關注，更曾於自己社交媒體Twitter中對基爾摩亞表達支持，可見得各前輩對佢都有一定程度肯定。
今次由預備組永久提升至一隊，相信林伯特會繼續安排蘇格蘭人出任中場中哩個位置，始終依加有路夫斯捷克短期內可以復出，能夠同蒙特於攻中位置上輪換，基爾摩亞未必有推前打既需要，反而隊中暫時只有佐真奴一位派牌型中場球員，高華錫只能勉強可以作替補，而風格上基爾摩亞與佐真奴踢法相當接近，相信佢能夠喺哩位意大利國腳身上獲益良多，不過如果佢諗住喺英超保持一定競爭力的話，除左盤帶之外就有必要加強身體對抗性方面，似終佢既個子對非高大，面對對手時會較為輸洩。
以官方形式宣佈一名預備組球員晉身一隊實屬罕見，似乎球會有意於轉會窗「零」收購後特意製造另外話題作沖喜之用，不過無論點都好，青春風暴中再添一員對球隊黎講絕對能夠起正面作用，亦能於青訓梯隊之中釋出各年青球員都有能夠晉身一隊機會既信息，希望基爾摩亞等人能夠保持耐性，喺林伯特手下一定有機會，只係差在你肯唔肯等。
文章發表時間 : 13/02/2020 11:50
文章最後更新時間 : 13/02/2020 11:50
傳送門 :
《以右閘身份於藍軍地標戰取得入球助攻各一 這小子屬何方神聖？ - 尼爾斯占士》
《一球世界波成名的背後 全因大衛雷斯離開而造就今日的湯姆利》
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
又黎到藍色青訓基地系列，不定期為球迷送上車路士年輕球員既介紹同消息，先前其實都已經有為尼爾斯占士同湯姆利各自出左一篇文章 (尾段有傳送門)，而今集想講既主角近日又咁啱比林伯特點名晉身一隊名單之中，以官方形式宣佈，就係法比加斯既接班人 - 基爾摩亞 (Billy Gilmour)。
基爾摩亞為蘇格蘭人，出身於格拉斯哥，早於8歲時就已經加入當地著名球隊格拉斯哥流浪既青訓體系之中，亦一步步於梯隊中成長，當時球隊經已認為基爾摩亞具有非常優厚既天賦，直到17年5月，格拉斯哥流浪宣佈與車路士達成協議，基爾摩亞將會轉投加入藍軍青訓梯隊之中，而哩支蘇格蘭球隊亦係當中得到大約500,000英鎊既球員培養費用，哩個價錢可以見到其實車路士係幾睇重基爾摩亞既潛力。
哩位蘇格蘭年輕人除左能勝任中場中既位置之外，亦能夠推上去打攻中又或者拉後為防中，喺出道至今既踢法上基爾摩亞的確幾似後期打派牌型中場既法比加斯，同時具備長傳視野以及準繩度，好多時都為隊中策動攻勢既第一點，將個波長傳到前場兩邊，以哩個年紀既年輕人黎講能夠有咁既視野加上斬個波得黎有番咁上下質素，其實係相當難得，基爾摩亞除左為車路士贏得英格蘭青年足總盃冠軍之外，佢同時係蘇格蘭國家隊梯隊一員，於18年土倫錦標賽更為國家以第四名完成賽事，年紀輕輕經已為於國家隊青年梯隊上陣28場賽事，相信黎緊成為大國腳亦只係時間問題。
其實喺基爾摩亞正式晉身一隊之前，今季亦早已曾經代表一隊於英超等賽事中上陣，「處子戰」就係喺8月31日對鍚菲聯既賽事入面後備上陣，而及後亦有喺其它本土盃賽中完成過全場賽事，除左得到林伯特所既器重之外，上季季中轉投摩納哥既法比加斯亦對哩位中場新星非常關注，更曾於自己社交媒體Twitter中對基爾摩亞表達支持，可見得各前輩對佢都有一定程度肯定。
今次由預備組永久提升至一隊，相信林伯特會繼續安排蘇格蘭人出任中場中哩個位置，始終依加有路夫斯捷克短期內可以復出，能夠同蒙特於攻中位置上輪換，基爾摩亞未必有推前打既需要，反而隊中暫時只有佐真奴一位派牌型中場球員，高華錫只能勉強可以作替補，而風格上基爾摩亞與佐真奴踢法相當接近，相信佢能夠喺哩位意大利國腳身上獲益良多，不過如果佢諗住喺英超保持一定競爭力的話，除左盤帶之外就有必要加強身體對抗性方面，似終佢既個子對非高大，面對對手時會較為輸洩。
以官方形式宣佈一名預備組球員晉身一隊實屬罕見，似乎球會有意於轉會窗「零」收購後特意製造另外話題作沖喜之用，不過無論點都好，青春風暴中再添一員對球隊黎講絕對能夠起正面作用，亦能於青訓梯隊之中釋出各年青球員都有能夠晉身一隊機會既信息，希望基爾摩亞等人能夠保持耐性，喺林伯特手下一定有機會，只係差在你肯唔肯等。
文章發表時間 : 13/02/2020 11:50
文章最後更新時間 : 13/02/2020 11:50
傳送門 :
《以右閘身份於藍軍地標戰取得入球助攻各一 這小子屬何方神聖？ - 尼爾斯占士》
《一球世界波成名的背後 全因大衛雷斯離開而造就今日的湯姆利》
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊