《幻想進行曲 肥賓唔續紐卡素 車路士唔諗諗佢?》

BluexLion車迷手記 於 24/06/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


天下名帥何其多,但現時待業中既又有幾多個?先排除摩連奴三次回歸史丹福橋以及雲加,較令車迷著眼既前祖雲達斯主帥艾歷尼亦已確定會先休息一季,令藍軍高層將注意力放到傳奇中場林伯特身上,但依加其實仲有另一個合適既人選,就係即將喺紐卡素完約既賓尼迪斯。

將紐卡素由英冠帶返英超,賓尼迪斯可以話有功有勞,要兼顧成績之餘喺轉會操作上亦受限制,是關艾殊利有「孤寒班主」之稱,向來投入於球會既班費並唔多,所以肥賓只能在有限資源下完成護級目標。而近日有傳艾殊利賣盤在即,但仍未有人聯絡哩位西班牙主帥有關續約事宜,所以極大可能於月底離隊結束三年的執教紐記生涯。

賓尼迪斯其實早於12年年尾其實都曾經短暫教過車路士,當時佢係接替歐冠教頭迪馬堤奧為暫代領隊,戰術上為藍軍重新注入技術元素,利用馬達、奧斯卡及夏薩特哩三位球員連接中前場,試圖激活舊部費蘭度托利斯,可以話為球隊增添新氣象,最終肥盃亦不負「盃賽專家」之名成功帶領車路士奪得歐霸盃。

雖然唔少藍軍球迷都唔係太鍾意賓尼迪斯哩位主帥,不過賓尼迪斯擁有既「限米煮限飯」既功力絕對係無容置疑,而受制於轉會禁令既影響,如無意外車路士黎緊哩一季都唔可以進行任何新球員註冊,同時亦雲要兼顧歐聯,喺多線發展而同時只能盡用球會所有球員之下,其實肥賓無論喺經驗同能力都比起林伯特更合適,亦可以比到時間後者繼續於打比郡發展,豐富自己既執教履歷先再執教車路士都未遲。
當然一切都只係幻想,暫時未有任何消息關於高層將賓尼迪斯納入候選人之一,有關下任主帥人選唯有繼續留意事態發展。


文章發表時間 : 24/06/2019 15:20
文章最後更新時間 : 24/06/2019 15:20

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 賓尼迪斯  紐卡素  車路士  

留言


請按此登錄後留言。未成為會員? 立即註冊
    快捷鍵:←
    快捷鍵:→