《已被干地放棄?大衛雷斯的下一站為摩納哥?》

BluexLion車迷手記 於 30/04/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : 90Min

據車路士記者Nizaar Kinsella所報導,法甲球會摩納哥正密切關注大衛雷斯喺藍軍既情況,只要球會願意放行,好大機會會再一次將巴西人帶到法國。大衛雷斯今季飽受傷患困擾,就算喺未傷之前同主帥干地既關係都並唔好,莫非今季就係佢喺倫敦既最後一季?

上季干地新官上任,一直傳出既中堅目標首選係邦路斯,但由於球員不想離開祖國,導致交易無法達成。及後車路士「亂Bid」巴黎聖日門既馬昆奴斯亦追逐不果,藍軍在轉會窗最後關頭重新簽下大衛雷斯,由消息傳出到官方宣佈都不足一日時間,哩單交易相信果時亦令不少球迷感到意外,百感交集,支持與反對聲音各佔一半,情義結與理性互相角力。但以上季最終既成績而言,英超冠軍必定能夠為巴西人帶黎最好的証明。

論用波能力,大衛雷斯不比邦路斯差,論重要性,上季重要性總括黎講亦不下於簡迪,只係一直因為場上表現不穩令佢擺脫唔到「炸彈」哩兩個字,今季老毛病繼續出現,在歐聯賽場上對陣羅馬時唔能夠有效執行主帥安排既任務同服從有關指令,失分當中需負上一定責任,賽後隨即傳出與干地不和既傳聞,繼而被安排成為後備席的座上客,由今季從慕遜加柏回收番黎既基斯甸臣取代其位。後者用波能力雖然不及大衛雷斯精湛,但勝在年輕活力夠穩定,單從後防角度黎睇基斯甸臣既防守表現什至比巴西人更好。

而係大衛雷斯缺陣哩段時間我地都睇得到,進攻方面完全缺少左助攻方面既元素,講緊既唔係前插,而係後場長傳方面,直接將皮球透過由後防快速送到前線作攻勢,哩招其實行之有效,只需三四腳波就能進入對手心臟地帶,但喺雷斯唔在陣之下依加就過份依賴法比加斯。現有既後防人選方面,暫時只見得到魯迪加係有相當唔錯既長傳視野及質素,可惜既係干地安排德國人上場既機會並唔多,即使上陣亦唔會放佢喺中堅中既位置。

排除突然「大腦短路」既演出,大衛雷斯絕對係一名不可多得既中堅,但佢經已步入三十之年,要佢改變本身固有既踢法幾乎已經不成可能。當然,巴西人並不缺一眾潛在買家,除左摩納哥外相信仲有唔少球會對佢有興趣,說實話,用波型中堅(ball-playing centre backs)在市場上是缺乏的,而且價錢亦相當不菲,以依加車路士既轉會政策仲會有高價去收購球員?

大衛雷斯,是一位真正的藍血人,留下來吧。

文章最後更新時間 : 30/04/2018 13:15

來源 : goal.com


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  干地  大衛雷斯  

留言


請按此登錄後留言。未成為會員? 立即註冊
  • OhMyGirl_Arin 於 30/04/2018 評論 NO. 1

    干地下季仲係到先算啦 但始終用基斯甸臣好過雷斯嘅

  • tinchi3721 於 30/04/2018 評論 NO. 2

    用摩佬既打法 直接擺佢係防中位咪得囉

快捷鍵:←
快捷鍵:→