【專題回顧】真係世界第三?- 夏薩特

藍獅 於 12/01/2018 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

.圖片來源 : Sky Sports

《因為歐冠 所以得到》
時間回到2012年,當時仲效力緊法甲里爾既夏薩特,年紀輕輕就已經係歐洲球壇最炙手可熱既進攻球員之一,在官方確認球員來季離隊他投尋找新挑戰後,隨即與各大豪門球會扯上關係,曼市雙雄分別都想把比利時人帶到自家陣營當中,而車路士亦有興趣收購佢。曾經在藍橋擁有過一段輝煌生涯既祖高爾正正係當時夏薩特既隊友,前者當然建議加盟老東家,但似乎夏薩特將曼聯放到第一位。正當球員還在深思熟慮自己未來生涯時,車路士成為當季歐聯冠軍,榮譽使班主艾巴莫域治投放更多資源務求令球隊變得年輕化,同時在冠軍效應下,一次過收購左唔少實力相當既球員,而夏薩特亦係其中一員,可以話因為一個歐冠而令車路士搶贏左夏薩特。
.圖片來源 : Sidomi

《藍色技術革命》
杜奧巴、沙洛文卡奴等人離去,換黎既係夏薩特、奧斯卡、馬高馬連等技術派之流,可以話徹底地將車路士多年既前線硬朗化改變,新一代技術革命正式展開。前兩者配搭上已效力一季既馬達組成中前場攻擊線,當中夏薩特在登陸英超首幾場波已經交出不少靚助攻,而且盤球走動既影子更令球迷目不暇給。在當時領隊迪馬堤奧手中,夏薩特大多時間被安排於左攻擊中場,而攻中亦有機會擔當,什至在正選前鋒缺陣下成為球隊最前一點都有試過。
.圖片來源 : webcafe

可惜球隊進入死亡十一月後,球隊接連在聯賽和左史雲斯、利物浦同輸左比西布朗,同時歐戰亦大敗比祖雲達斯,正式宣佈歐聯衛冕告終,就連進入十六強的機會也沒有,冠軍教頭迪馬堤奧亦逃不過被辭退既命運,而言走馬上任係曾帶領當年仲係Big Four時代既利物浦領隊賓尼迪斯。喺佢既帶領下,可以話更加確立左夏薩特、奧斯卡、馬達三核既位置,將技術流推向極致,比利時人亦交出穩定既入球同助攻,雖然聯賽亦偶有敗仗,但反而在歐霸成績穩步上上揚,最終亦能問鼎冠軍,歷史性連續兩年取得兩項歐洲錦標,夏薩特在車路士既首個賽季就有獎盃落袋。
.圖片來源 : 365dm

《遇上冠軍教頭》
想不到短短效力一季多,夏薩特就已經要經歷第三次易帥,油王艾巴莫域治並沒有開出長約留下賓尼迪斯,似乎心中已經有更理想既人選,令人意想不到既係候任人選竟然係摩連奴,先後在國際米蘭以及皇家馬德里都奪得唔少錦標既葡萄牙人第二次接掌車路士帥印。在當時藍橋陣營當中,夏薩特正正係佢需要既球員之一,亦不敢令人聯想起會唔會同皇馬既C朗有同樣發揮。摩連奴向來注重防守反擊既速度同效率,盡量以最少既傳球次數去完成一次反擊,避免過多多餘傳球令對手有機會作出攔截或回防,而夏薩特既速度同突破力可以話係絕對首選。
.圖片來源 : sportskeeda

摩連奴再先後收購舒爾尼、韋利安等速度較高及覆蓋面廣既球員,比較下選擇性地收起速度較慢既核心馬達而留任奧斯卡。而言防守反擊中防守固然是第一步,中前場球員需要進行防守迫搶,雖然相比於未接掌既上一季,大大減少了施治既失球,但同時夏薩特需要長期站於己方中後場位置分擔防守工作,導致助攻數字亦有所下降,明顯地注重防守既摩連奴限制左進攻端既發揮,比起賓尼迪斯,夏薩特既自由度完全係天與地既比較。當然,有得必有所失,堅固既防守亦為下季奪冠鋪路。
.圖片來源 : bleacherreport

《奪冠進行曲 雙料冠軍》
摩連奴擁有第二季就奪冠既傳統,眼見第一季問題後執掌第二季就能有效地進行補強,而上季前鋒線選擇明顯過份單一,即使收購老將伊度奧能夠加強變化,但本身擁有既費蘭度托利斯及丹巴巴亞兩者屬於相似類型前鋒,大多時間都需要依重邊線球員爆底出波負責施射最後一腳,或透過空位打反擊,但難以作支點二傳或過多組織,少了中路進攻板斧。有見及此,摩連奴一氣過更換三名前鋒,藍橋傳奇杜奧巴回歸,加上同樣能作支點既迪亞高哥斯達以及走位入攝較靈活既雷米,同時維持夏薩特、韋利安、奧斯卡三人既攻擊線,在新前鋒既開路下,夏薩特擁有更多上腳同埋門機會,而且好多時己方開出既龍門球由前鋒接應二傳後都能夠好快運送到佢腳下再進行突破,大大增加主動攻門效率,減少只能透過反擊製造機會。最終車路士亦不負所望,奪得英超冠軍及聯賽盃成為雙冠王。
.圖片來源 : dailymail

《失落的一季 一沉不起》
經過高峰既一季後,無人估到黎緊會出現既反差係咁大。摩連奴與總監艾文拿路在轉會窗上角力,前者明顯見到在奪冠賽季中後衛已經難以維持穩定水準,必需收購年輕後衛作新舊交替,但後者掌握轉會決策權,只收購一啲「頂住先」既貨色草草了事,摩連奴不但喺哩場決鬥中成為輸家,更埋下伏線成為最終輸家。恐怖既一季正式展開,後防球員形同虛設,可以話比人話過就過,根本已經沒有以前防守反擊既本錢,導致前線球員少左好多後場供應,進退失據,而夏薩特亦未能發揮以往既關鍵作用。繼後更發生「伊娃事件」,可以話將摩連奴同夏薩特既關係推至低谷,最終前者亦逃不過三年魔咒黯然下台。在救火領隊希汀克帶領下,球隊狀態明顯有所上升,而夏薩特更在季尾關乎到英超冠軍誰屬以一記世界波將熱刺美夢粉碎,勇態令外界質疑究竟比利時人是否迫走摩連奴既原兇之人,而球員亦有自稱受傷患困擾影響仍需上場,誰對誰錯,實屬無從稽考。
.圖片來源 : soc

《核心甦醒 証明自己》
一個令不少球員都失落既一季已成過去,即使車路士失去歐聯席位,亦沒有人選擇離開。干地以英超新手上任,而佢亦都對所有球員進行了解分析,同時釋放夏薩特既自由度,場上位置盡可能在中場線附近游走而不壓入自家禁區,好讓佢能夠保存體力在適當時發動進攻或獲得反擊機會。睇番數據,夏薩特今季聯賽一共入左16球,比去前年奪冠既入球數字仲要多,可見得干地安排佢由惜日既助攻手,有效轉變成邊路前線既得分手,而且多個入球更係喺下半季迪亞高哥斯達啞火時所取得,如果你話簡迪係奪標功臣,只能說夏薩特可以同佢平分秋色。
.圖片來源 : metrouk2

但被受爭議既係聯賽次回合對陣曼聯以及足總盃決賽對阿仙奴既表現,雙方均有針對性既部署或者人釘人貼身防守去招呼夏薩特,而佢亦都不能扭轉困局。無可否認,往往強強大戰比利時人成為對手重點追擊目標亦不感意外,但球隊整體發揮同時係重要因素之一,唔能夠將一場輸波既責任全部「入佢數」,更將佢同C朗拿度及美斯比較,後兩者在大戰時總能夠用自身能力擺脫對手,有機會成為贏波功臣,反觀比利時人在大賽卻交唔出觸目表現。當然,小弟認為夏薩特仍未達到兩者水平,如果你問我佢係咪緊隨其後,我可以答你佢係,不過同時仲有山齊士、古天奴、尼馬等等球員都係同夏薩特在同一水平當中,各自在自身球隊傾盡全力發揮最大用處,為既都係想為球隊獲得一場勝仗。
.圖片來源 : metrouk

不知不覺間夏薩特喺藍橋將會進入第六個年頭,經歷過高低起跌,球員無論技術同心理都成長左唔少,深信佢在干地手上仲會有提升空間,而言無論在技術、走位入攝都係喺球隊中首屈一指。能否接棒成為世界第一?加盟皇馬還是留在車路士成為傳奇?時間將會係最好既答案。

文章最後更新時間 : 12/1/2017 11:50

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  夏薩特  

留言

會員
我要評論
請按此登錄後留言。未成為會員? 立即註冊
  • Hola Konichiwa
    Hola Konichiwa 於 12/01/2018 評論 NO. 1

    唔係

  • Jason Lai
    Jason Lai 於 12/01/2018 評論 NO. 2

    緊係盧卡古啦

  • YuuTa Otsuka Hin
    YuuTa Otsuka Hin 於 12/01/2018 評論 NO. 3

    Terry Yau J

  • Mario Ho
    Mario Ho 於 12/01/2018 評論 NO. 4

    當尼馬死

  • Heero Kui
    Heero Kui 於 12/01/2018 評論 NO. 5

    問過尼馬未

  • Man Kit Loi
    Man Kit Loi 於 12/01/2018 評論 NO. 6

    古天奴

  • 亞康
    亞康 於 12/01/2018 評論 NO. 7

    媲美牙朗同美欺嘅球王

  • Kenny Lee
    Kenny Lee 於 12/01/2018 評論 NO. 8

    其實C朗。。。。。今年嘅狀態仲入到前3咩??

  • Leelung Wong
    Leelung Wong 於 12/01/2018 評論 NO. 9

    迪布尼

  • Pak Cheng
    Pak Cheng 於 12/01/2018 評論 NO. 10

    內文「C朗在大戰時以自身能力擺脫對手」?😂

  • Pak Cheng
    Pak Cheng 於 12/01/2018 評論 NO. 11

    1.美欺
    2.迪士尼
    3.尼馬

  • Yiu Ting Ho
    Yiu Ting Ho 於 12/01/2018 評論 NO. 12

    美斯 尼馬 然後都真係到佢 始終盤球型球員係搶眼d

  • Wong YatLung
    Wong YatLung 於 12/01/2018 評論 NO. 13

    Chitfung Lok

  • Ming Wa Lee
    Ming Wa Lee 於 12/01/2018 評論 NO. 14

    而家話佢係世界第三仲係言之尚早

  • Jay Kwong
    Jay Kwong 於 12/01/2018 評論 NO. 15

    Kan Alan

  • Bosco  Luk
    Bosco Luk 於 12/01/2018 評論 NO. 16

    Messi, Neymar, De Bruyne, Salah, Busquets

  • Bevis Yip
    Bevis Yip 於 13/01/2018 評論 NO. 17

    睇長文好麻煩,係咁跳下一頁🤷🏻‍♂️

  • Chijill Mui
    Chijill Mui 於 13/01/2018 評論 NO. 18

    尼馬係花式扭波成日跌, 美斯同夏神以平衡,變速盤球硬闖吸引啲, 不過美斯可以向前推... 夏神都仲停留係打橫避腳. 冇進步過

  • 葉家灝
    葉家灝 於 13/01/2018 評論 NO. 19

    佢d射門有待改善
    係差內切射波果下

  • Platini Chan
    Platini Chan 於 13/01/2018 評論 NO. 20

    Welfred Chiu 只係知道當初「世三 」係抽水嘅名

  • tyh030991
    tyh030991 於 13/01/2018 評論 NO. 21

    戴巴拿,尼馬先至係

  • Tai Chiu
    Tai Chiu 於 13/01/2018 評論 NO. 22

    尼馬勁過夏世三好多喎

  • Tony Tong
    Tony Tong 於 13/01/2018 評論 NO. 23

    迪布尼、哈尼簡尼呢

  • Bruce Chuang
    Bruce Chuang 於 13/01/2018 評論 NO. 24

    備受爭議 備受爭議 備受爭議 很重要所以說三次
    好像不只錯這篇

  • Kinglam Ho
    Kinglam Ho 於 13/01/2018 評論 NO. 25

    仲世3😂2仲有人咩

  • David David
    David David 於 13/01/2018 評論 NO. 26

    麥巴比?

  • Jason Shing
    Jason Shing 於 13/01/2018 評論 NO. 27

    佢係世三 咁連球王係世二啦 Benedict Leung LokK Martin

快捷鍵:←
快捷鍵:→