《在對的地方遇上錯的人 - 舒爾尼》

藍獅 於 06/08/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Sky Sports

舒爾尼,一個耳熟能詳嘅名字,如果你有留意開德國國家隊,又或者德甲聯賽,對哩個名絕對唔會感到陌生。來來回回,由德甲到英超,又由英超回流到德甲,輾轉地喺今個轉會窗又再一次黎到英超,同樣地加盟倫敦球會,但今次加盟嘅唔係車路士,而係同市嘅富咸。

跌跌碰碰,舒爾尼自出道以黎大大話話都效力左六間球會,而睇得出佢嘅職業生涯自第一次離開英超之後一直都走緊下坡。當年效力緊利華古遜嘅佢可以話光芒四射,吸引到時任車路士領隊摩連奴嘅目光,將德國人帶到黎英超,當時唔少車路士球迷都對舒爾尼抱著一定期望,畢竟德國人總係以有紀律、效率以及機動性見稱。果然,舒爾尼亦的確不負眾望,好快帶到眼前一亮嘅表現比我地。

每當球隊面對落後、失分時刻,摩連奴都會委派舒爾尼以後備奇兵嘅身份登場,初黎報到經已為車路士搶番唔少分數。德國人即使無球在腳時,亦會配合隊友進攻走位,製造埋門機會,而且佢走啲位亦都非常「食腦」,好似永遠都走到啲空位咁,令到當時法比加斯經常助攻到比佢,球隊嘅進攻模式更加立體;但舒爾尼並非一名攻守兼備嘅球員,而摩連奴過往都好注重防守迫搶,即使係攻擊球員亦需要分擔球隊防務工作,就因為咁,舒爾尼嘅「熱戀期」亦好快消失。

仲記唔記得14年世界盃決賽,唯一入球嘅助攻係邊個?正正係由舒爾尼所交出,當時戴著世界盃冠軍光環以及關鍵助攻嘅舒爾尼返到黎車路士,表現不但未及上季搶眼,更往往喺關鍵時候令到球隊失波,之後更加因為急於表現自己,浪費左球隊唔少入波機會,而防守表現亦未合乎摩連奴嘅標準,可以話攻不銳守不穩,進退失據嘅佢最後變成球隊收購古亞達度嘅籌碼。之後先後效力禾夫斯堡、多蒙特,而由於傷患多令佢狀態起伏不定,更錯失左岩岩俄羅斯世界盃嘅入選名單。

在對的地方遇上錯的人,依加嘅車路士正正缺乏哩類型球員...

文章最後更新時間 : 06/08/2018 12:30


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  舒爾尼  摩連奴  富咸  多蒙特  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→