《傷追人 還記得那些年林伯特的接班人嗎?》

藍獅 於 10/02/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Chelsea-News.co

曾經係荷蘭國腳級人馬,你知記唔記得佢依加仲係車路士球員?曾經被評為自林伯特離開藍橋後最合適嘅接班人。上季初佢離開左受注目嘅主流聯賽平台,以借將身份返回荷蘭重新開始,但傷患再一次喺佢身上出現,今集所講嘅主角係雲真高。(亦有譯名為雲堅基爾)

當日荷甲嘅年度最佳年青球員,絕對係最具潛力嘅中場新星之一,吸引到當時車路士領隊摩連奴嘅目光,更一手將佢由衛星球會維迪斯帶到英超賽場,為藍軍傳奇林伯特的接班作準備。荷蘭人無疑在中場控球節奏、長短傳質素及後上射門方面都具一定實力,潛質優厚,可惜球員身體對抗性實在太低,加上容易受傷,競技狀態起伏不定,引致為藍軍上陣次數寥寥可數,即使有機會比賽亦表現平平。

時間一直在過,但雲真高只是輪流在冷板凳及病床上過著,乏善足陳嘅上陣時間,即使不甘心亦無力交出信服嘅表現去爭取更多機會,唯一可以做的就是轉一轉環境,希望自己能夠重拾較好狀態再回來競爭,先後外借到意甲AC米蘭和英超史篤城,但喺各支球隊亦未有亮眼表現,發揮得相當一般,唯有選擇回到自己熟悉嘅荷甲,以借將身份加盟PSV燕豪芬,短短半季就交出7個入球以及4個助攻,對比之下狀態可以話回復高峰。

即使難得交出較為理想嘅成績表,但時任主帥干地仍然對荷蘭人投下不信任一票,同時間PSV燕豪芬再次向荷蘭人抛出橄欖枝,希望得到雲真高再次回國協助,球員亦願意再一次以借用身份離開,令人意外嘅係車路士喺交易前先向雲真高續約至2020年,雖然唔敢貿然定斷藍軍嘅最終目的,但總算係對球員給予肯定。而PSV燕豪芬亦送上十號球衣及隊長臂章,雲真高亦不付所望在各項賽事上陣達25場,攻入12球並交出4個助攻,正當能夠回復甦醒之時,傷患再一次不合時宜地出現,而球員亦回到史丹福橋一直養傷至今。

而球會喺法比加斯離隊後並未有收購任何中場球員,西班牙人所留下嘅英超註冊名額亦由雲真高頂上,如無意外後者將於下個月正式復操,能否喺沙利手中獲得一席機會,相信亦非容易嘅事,只希望佢能夠真正遠離傷患,擺脫「玻璃人」之名。

可以喺足球場上繼續表現自己...


文章最後更新時間 : 08/02/2019 17:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 車路士  沙利  雲真高  雲堅基爾  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→