《傷追人 還記得那些年林伯特的接班人嗎?》

藍獅 於 02/08/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Chelsea-News.co

仲記唔記得佢?佢曾經係荷蘭國腳級人馬,又唔知你記唔記得,佢依加仲係車路士球員,曾經被評為自林伯特離開藍橋後最合適既接班人。今季初佢離開左受注目既主流聯賽平台,以借將身份返回荷蘭重新開始,但傷患再一次喺佢身上出現,今集所講既主角係雲真高。(亦有譯名為雲堅基爾)

當日荷甲既年度最佳年青球員,絕對係最具潛力既中場新星之一,吸引到當時車路士領隊摩連奴既目光,更一手將佢由衛星球會維迪斯帶到英超賽場,為藍軍傳奇林伯特的接班作準備。荷蘭人無疑在中場控球節奏、長短傳質素及後上射門方面都具一定實力,潛質優厚,但球員身體對抗性實在太低以及經常受傷,狀態起伏不定,導致為藍軍上陣次數寥寥可數,即使有機會比賽亦表現平平。

時間一直在過,但雲真高只是輪流在冷板凳及病床上過著,乏善足陳既上陣時間,即使不甘心亦無力交出信服既表現去爭取更多機會,唯一可以做的就是轉一轉環境,希望自己能夠重拾較好狀態再回來競爭,先後外借到意甲AC米蘭和英超史篤城,但在各支球隊亦未有亮眼表現,發揮得相當一般,及後選擇回到自己熟悉既荷甲,以借用身份加盟PSV燕豪芬,短短半季就交出7個入球以及4個助攻,對比之下狀態可以話回復高峰。

即使難得交出較為理想既成績表,但干地仍然對荷蘭人投下不信任一票,同時間PSV燕豪芬再次抛出橄欖枝,希望得到雲真高再次回國協助,較意外既係車路士在交易前先向哩位荷蘭國腳續約至2020年,雖然唔敢貿然定斷藍軍既最終目的,但總算係對球員給予肯定。而PSV燕豪芬亦送上十號球衣及隊長臂章,雲真高亦不付所望在各項賽事至今上陣達25場,攻入12球並交出4個助攻,正當能夠回復甦醒之時,傷患再一次不合時宜地出現,依加球員經已返回車路士,有指需要養傷多大半年時間至能復出。

由當日的黃毛小子,到現在經已二十有五,在車路士中場具實力的隊友跟他傷病史一樣愈來愈多,意味著再次穿起藍色球衣的機會就只會愈來愈細。

也許,雲真高的「豪門夢」亦係時候夢醒過來。

文章最後更新時間 : 02/08/2018 13:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  林伯特  摩連奴  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→