圖片來源：東方龍獅 Facebook (https://www.facebook.com/EasternLongLionsFootball/photos/a.1487824718027636/2864399863703441/)
亞協盃跨區四強賽事，香港代表東方龍獅以東亞區冠軍身份遠赴烏茲別克，與中亞區冠軍、來自烏茲別克嘅索迪亞拿爭奪跨區決賽資格。索迪亞拿喺 85 分鐘攻入全場唯一入球，小勝東方龍獅 1:0，成功晉級。
今場東方龍獅以 4-4-2 出戰，門將為葉鴻輝，左右閘係梁冠聰、亞歷斯祖，中堅位置繼續由一對外援馬高斯及今場擔任隊長嘅高素巴耶夫擔任；中場方面有胡晉銘、梁振邦鎮守中路，左閘黃梓浩移前一格擔任左中場，而右中場則由黃皓雋負責；孫銘謙、巴杜姆出任雙箭頭，為球隊製造反擊機會。
東方龍獅正選陣容
GK1 葉鴻輝 Yapp Hung FaiLB22梁冠聰 Leung Kwun Chung
CB27馬高斯 Marcos Gondra
CB3 高素巴耶夫 Tamirlan Kozubaev
RB2 亞歷斯祖 Alex Jojo (89' 由朱康銘 Zhu Kangming 入替)
LM30黃梓浩 Wong Tsz Ho
CM4 胡晉銘 Wu Chun Ming (89' 由楊棟棋 Yeung Tung Ki 入替)
CM16梁振邦 Leung Chun Pong
RM11黃皓雋 Wong Ho Chun Anson
FW23孫銘謙 Sun Ming Him (76' 由朱偉鈞 Chu Wai Kwan 入替)
FW9 巴杜姆 Víctor Bertomeu
綜觀全場表現，東方龍獅防守穩健、隊形緊密，對手難以撕破防線及製造威脅。一如賽前所料，東方龍獅採取防守反擊戰術，排出 4-4-2 陣式 low block 防守，整體陣形收窄，集中中路防守。一對箭頭孫銘謙、巴杜姆為球隊第一道防線，喺對方嘅中場及後防球員之間進行遮線，當對方球員越過中場線時就會上前逼搶。
圖片來源：AFC YouTube (https://www.youtube.com/watch?v=Hg-5vXjREOg)
當皮球越過第一道防線後，四名中場球員尤其是中路嘅胡晉銘、梁振邦就會立即進行對位防守，避免對方球員輕易轉身。東方龍獅嘅防守陣形成功逼使對手轉由邊路進攻，喺對手兩閘都會壓上助攻嘅情況下東方龍獅嘅左右中場就經常與左右閘合作防守對方嘅 overload，而一對中場中亦經常到 half space 補位，壓縮空間。索迪亞拿喺冇咩進攻板斧之下只能靠傳中、遠射作出嘗試，但面對高空攻勢東方龍獅一對中堅都能應付，而索迪亞拿球員嘅遠射亦欠準繩，上半場威脅有限。反而東方龍獅有幾次反擊機會，透過巴杜姆喺前場 hold 波搏犯規再靠死球創造攻勢，或由黃皓雋、孫銘謙嘗試突破，不過亦未能對對方門將造成太大考驗。
圖片來源：體路 Sportsroad (https://www.sportsroad.hk/archives/387240)
到咗下半場中後段東方龍獅嘅球員明顯出現體力下降嘅現象，喺禁區頂附近險象環生，葉鴻輝亦救咗兩三球有威脅嘅射門，包括一球喺十二碼點附近嘅快射。然而最終東方龍獅亦告失守，85 分鐘索迪亞拿右路一腳恰到好處嘅傳中剛好從高素巴耶夫頭上掠過，主隊前鋒羅干諾夫 (Shokhruz Norkhonov) 成功把握機會近門頂入，最終索迪亞拿就憑住呢個入球贏 1:0。
正如上文所講，今場東方龍獅防守表現絕不失禮，但一次失誤就足以導致失波；不過相比之下，筆者認為東方龍獅最大問題係進攻無力。今場比賽東方龍獅嘅反擊單調，好多時都係從中後場大腳踢上前俾巴杜姆 hold 波等其他球員 follow up，或踢去對方後場空位俾孫銘謙、黃皓雋去追，效果有限。一對中場胡晉銘、梁振邦都係以防守為主，組織進攻、引球推進都唔係佢哋嘅強項，球隊即使有機會控球在腳都冇辦法有效組織攻勢，相信呢個亦會係東方龍獅今季經常面對且急需解決嘅問題。
隨住東方龍獅喺亞協盃出局，香港球隊喺今屆亞洲賽嘅旅程正式告終。不過港超聯喺 8 月正式開鑼，另一方面亦盛傳喺 9 月中將會有兩場香港隊嘅主場賽事，若然屬實將會係繼 2019 年後港隊首次主場出戰，各位球迷記得留意，萬勿錯過！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
亞協盃跨區四強賽事，香港代表東方龍獅以東亞區冠軍身份遠赴烏茲別克，與中亞區冠軍、來自烏茲別克嘅索迪亞拿爭奪跨區決賽資格。索迪亞拿喺 85 分鐘攻入全場唯一入球，小勝東方龍獅 1:0，成功晉級。
今場東方龍獅以 4-4-2 出戰，門將為葉鴻輝，左右閘係梁冠聰、亞歷斯祖，中堅位置繼續由一對外援馬高斯及今場擔任隊長嘅高素巴耶夫擔任；中場方面有胡晉銘、梁振邦鎮守中路，左閘黃梓浩移前一格擔任左中場，而右中場則由黃皓雋負責；孫銘謙、巴杜姆出任雙箭頭，為球隊製造反擊機會。
東方龍獅正選陣容
GK1 葉鴻輝 Yapp Hung FaiLB22梁冠聰 Leung Kwun Chung
CB27馬高斯 Marcos Gondra
CB3 高素巴耶夫 Tamirlan Kozubaev
RB2 亞歷斯祖 Alex Jojo (89' 由朱康銘 Zhu Kangming 入替)
LM30黃梓浩 Wong Tsz Ho
CM4 胡晉銘 Wu Chun Ming (89' 由楊棟棋 Yeung Tung Ki 入替)
CM16梁振邦 Leung Chun Pong
RM11黃皓雋 Wong Ho Chun Anson
FW23孫銘謙 Sun Ming Him (76' 由朱偉鈞 Chu Wai Kwan 入替)
FW9 巴杜姆 Víctor Bertomeu
綜觀全場表現，東方龍獅防守穩健、隊形緊密，對手難以撕破防線及製造威脅。一如賽前所料，東方龍獅採取防守反擊戰術，排出 4-4-2 陣式 low block 防守，整體陣形收窄，集中中路防守。一對箭頭孫銘謙、巴杜姆為球隊第一道防線，喺對方嘅中場及後防球員之間進行遮線，當對方球員越過中場線時就會上前逼搶。
圖片來源：AFC YouTube (https://www.youtube.com/watch?v=Hg-5vXjREOg)
當皮球越過第一道防線後，四名中場球員尤其是中路嘅胡晉銘、梁振邦就會立即進行對位防守，避免對方球員輕易轉身。東方龍獅嘅防守陣形成功逼使對手轉由邊路進攻，喺對手兩閘都會壓上助攻嘅情況下東方龍獅嘅左右中場就經常與左右閘合作防守對方嘅 overload，而一對中場中亦經常到 half space 補位，壓縮空間。索迪亞拿喺冇咩進攻板斧之下只能靠傳中、遠射作出嘗試，但面對高空攻勢東方龍獅一對中堅都能應付，而索迪亞拿球員嘅遠射亦欠準繩，上半場威脅有限。反而東方龍獅有幾次反擊機會，透過巴杜姆喺前場 hold 波搏犯規再靠死球創造攻勢，或由黃皓雋、孫銘謙嘗試突破，不過亦未能對對方門將造成太大考驗。
圖片來源：體路 Sportsroad (https://www.sportsroad.hk/archives/387240)
到咗下半場中後段東方龍獅嘅球員明顯出現體力下降嘅現象，喺禁區頂附近險象環生，葉鴻輝亦救咗兩三球有威脅嘅射門，包括一球喺十二碼點附近嘅快射。然而最終東方龍獅亦告失守，85 分鐘索迪亞拿右路一腳恰到好處嘅傳中剛好從高素巴耶夫頭上掠過，主隊前鋒羅干諾夫 (Shokhruz Norkhonov) 成功把握機會近門頂入，最終索迪亞拿就憑住呢個入球贏 1:0。
正如上文所講，今場東方龍獅防守表現絕不失禮，但一次失誤就足以導致失波；不過相比之下，筆者認為東方龍獅最大問題係進攻無力。今場比賽東方龍獅嘅反擊單調，好多時都係從中後場大腳踢上前俾巴杜姆 hold 波等其他球員 follow up，或踢去對方後場空位俾孫銘謙、黃皓雋去追，效果有限。一對中場胡晉銘、梁振邦都係以防守為主，組織進攻、引球推進都唔係佢哋嘅強項，球隊即使有機會控球在腳都冇辦法有效組織攻勢，相信呢個亦會係東方龍獅今季經常面對且急需解決嘅問題。
隨住東方龍獅喺亞協盃出局，香港球隊喺今屆亞洲賽嘅旅程正式告終。不過港超聯喺 8 月正式開鑼，另一方面亦盛傳喺 9 月中將會有兩場香港隊嘅主場賽事，若然屬實將會係繼 2019 年後港隊首次主場出戰，各位球迷記得留意，萬勿錯過！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊