拜仁為哥迪奧拿搶購尼馬，或從巴塞購入多名球員！ 精選

哥迪奧拿下個賽季將會執教拜仁，隨住咁既一位世界級名帥既上任，拜仁既球星吸引力都係快速上升。根據德國媒體既消息指，係哥迪奧拿上任之後，哥帥為左打造自己既TIKI-TAKA戰術，可能會從老東家巴塞羅那引入球員，以更快咁完成戰術改革。其中堤亞高、泰路等小將，甚至恩尼斯達咁既巨星都有可能加盟拜仁。除此之外，媒體仲爆料指，拜仁或許會為左迎接哥帥既執教，而去簽下巴西球星尼馬！
據德國媒體《圖片報》既消息指，係未來幾星期既時間入面，拜仁就將會提前開始為夏季轉會期做準備。哥迪奧拿上任之後，為左更好咁幫新任主帥打造TIKI-TAKA戰術體系，拜仁或者會從巴塞引入幾名球員。其中西班牙U21國家隊既中場新星堤亞高同前鋒泰路，都係拜仁既引援計劃入面。而係巴塞機會唔算多既維拿，以及哥帥既愛將柏度，都有可能加盟拜仁，幫助哥帥係德國取得成功！

除左呢啲球員之外，德國媒體甚至大膽預測，指巴塞核心球員之一既恩尼斯達都有可能加盟拜仁。目前28歲既恩尼斯達同巴塞羅那既合約將會係2015年到期，佢係轉會市場網站上既估價達到7000萬歐元，應該話係超過左拜仁既心理價位。但係既然球隊已經以世界第一年薪邀請左哥迪奧拿執教，咁用咁多錢打造戰術體系都係可以理解。如果恩尼斯達真係加盟拜仁，咁哥迪奧拿既TIKI-TAKA就有左核心人物，戰術體系既打造將會更加順利。除左從巴塞引入球員之外，西班牙媒體仲爆料指，拜仁將會為左哥帥而引入巴西超新星尼馬。尼馬目前同山度士既合約將會係2014年到期，但係佢或者今年夏天就會提前轉會離開巴西。巴塞一直對佢有意，據稱巴塞仲有住尼馬既優先購買權。但係隨住哥帥執教拜仁，尼馬或者就會跟佢一齊黎到德國。尼馬一直期待為哥迪奧拿踢波，係1月7日既國際足協頒獎禮上面，尼馬特別搵左哥迪奧拿傾計，哥帥都同佢講笑。話唔定，巴西新星會跟住哥帥一齊加盟拜仁！