奧斯爾想隨哥帥赴拜仁,已經打探拜仁情況!

鐵定係下個賽季執教拜仁既哥迪奧拿已經表示,係佢既引援計劃入面唔包括“挖角巴塞球員”,佢會係呢個大前提之下盡可能為拜仁引入符合自己戰術思想既球員,而哥帥呢種諗法就令一啲技術型球員希望可以為拜​​仁效力,奧斯爾就係其中一個!《世界體育報》透露,皇馬10號既奧斯爾有意下個賽季轉投哥迪奧拿執教既拜仁,佢已經係近期打探左拜仁既醫療情況!
奧斯爾既技術絕對符合哥迪奧拿既要求(哥帥執教巴塞果陣就曾經想係2010年夏天引入奧斯爾),呢名土耳其裔既德國國腳有優秀既腳法同出眾既盤球水準,好既位置感令佢係場上面踢波果陣顯得好有大將風範,其中佢最突出既技術特點就係傳出威脅波同組織前場進攻。如果佢能夠加盟拜仁,哥迪奧拿肯定好開心,而且一定會建立一套以奧斯爾為核心既打法!

就拜仁目前既人員黎睇,奧斯爾如果黎呢到絕對唔洗愁同隊友擦唔出火花。第一,列貝利、洛賓等都係傳切高手,而且呢兩名巨星主要係係邊路活動,佢地完全可以成為奧斯爾最得力既左右手;第二,拜仁有好多既德國現役國腳,拿姆、卻奧斯、梅拿、高美斯等等係國家隊就已經同奧斯爾建立左默契同埋良好既合作關係。
企係皇馬既立場,佢地絕對唔會輕易接受將合同2016年到期既奧斯爾出售,要知道,自從2010年加盟皇馬之後,奧斯爾宜家係各項比賽出場135次,期間佢攻入22球同完成左驚人既60次助攻。但係奧斯爾係馬德里既生活就過得唔開心,佢好反感狗仔隊硬係將佢既私生活曝光,所以導致佢不斷俾主帥摩連奴訓話同放係後備席。奧斯爾認為,如果係德國呢啲事肯定唔會出現,所以導致佢想回歸德甲並轉投哥帥將會執教既拜仁!

留言


請按此登錄後留言。未成為會員? 立即註冊
    快捷鍵:←
    快捷鍵:→