曼聯主場被破金身 問題出咗係邊到??

波並唔係圓嘅 於 11/12/2017 發表 收藏文章
睇完「曼市打吡」之後,我認為曼聯有4個問題:

1) 盧卡古再次係大戰中成「隱形戰機」
盧卡古係前線嘅作用應該係要hold或者set波俾後上三位攻中後上支緩,可惜佢用唔到佢嘅身體素質為球隊製造機會。其實當「戰神」伊巴一出場就做到呢個效果,更加差啲製造到入球。同埋仲要未計佢回防兩度失誤間接導致失波,睇嚟大戰可以考慮放佢係後備席先。

2) 普巴缺陣 中場無人識造波
摩佬每逢大戰就會「泊大巴」,然後等機會打反擊 ,中場無靚傳送又點會做到反擊呀!?!? 其實後備席仲有一個人可以有好嘅傳送視野,就係馬達,等到70幾分鐘先換佢出嚟已經太遲,當落後時就已經要盡快換佢出嚟加強助攻。

3) 過於保守 被曼城控制賽事
哥帥將巴塞式踢法套入曼城已經見成效,磋波速度比以前快,加上前線走位靈活,雖然兩球入波都係由死球演變,唔係靠生波入波,不過進攻的確好流暢。而曼聯方面就只有一個字「守」,當落後1:2嘅時候並無太大嘅戰術改動,根本都破解唔到曼城嘅控球,曼聯球員唔通無能力控球在腳? 定係摩佬一成不變唔肯嘗試呀?

4) 生球守得好 死球頂唔到
就算曼城行軍如流水,但曼聯都未驚過,完全無失過位俾對手 ,但係琴晚竟然失咗兩球死球,到底係輸運定疏忽? 摩佬賽後話曼城兩個入波都帶有運氣,但點解唔諗下第一點嘅解圍出現問題呢? 一早頂或清走咪咩事都無,可能摩佬太專注係生球嘅防守喇。
標籤: 曼聯  曼城  曼市打吡  

留言


請按此登錄後留言。未成為會員? 立即註冊
  • ALANBB 於 12/12/2017 評論 NO. 1

    生波唔係曼聯守得好,只係曼城把握唔到

快捷鍵:←
快捷鍵:→