槍手失利後或增兵 雲加鎖定上季西甲最佳中場

兵工廠ㄧ阿仙奴 於 12/08/2015 發表 收藏文章
英國《每日電訊報》消息,雲加有意以22M英鎊簽入西維爾中場基祖維克(Grzegorz Krychowiak),希望藉住呢位波蘭國腳嘅加盟加強球隊中場實力。
日前西維爾對陣巴塞嘅歐洲超級盃,阿仙奴球探被發現出現喺觀眾席上,傳媒認為阿仙奴考察嘅目標就係基祖維克,基祖維克合約中有項30M歐元嘅違約金條款,《每日電訊報》指阿仙奴正在認真考虑呢單收購,雲加亦希望9月1日前透過新援進一步加强球隊實力。
槍手被指已經留意呢位西維爾中場,雲加希望透過簽入多一位防守中場為高基連帶嚟競爭。同時,基祖維克亦表示願意轉戰英超賽場,25歲嘅佢有可能會成為阿仙奴今季第二宗收購。

留言


請按此登錄後留言。未成為會員? 立即註冊
    快捷鍵:←
    快捷鍵:→