最後一搏?雲加鎖定烏拉圭國腳 PSG前鋒或4350萬鎊加盟

兵工廠ㄧ阿仙奴 於 31/08/2015 發表 收藏文章
英超聯賽前4輪,阿仙奴只攻入3球,且其中有2個係靠對方烏龍。鋒線疲弱令雲加決心要係9月1號轉會窗口關閉前簽入一位頂級前鋒。英國媒體《每日星報》指雲格目前鎖定嘅係28歲烏拉圭國腳艾甸臣·卡雲尼(Edinson Cavani),考慮到轉會時間已經唔多,《星報》表示雲加可能會係最後一日先會完成呢筆交易。
雲加並唔掩飾自己渴望簽入新援嘅決心。接受采訪時,雲加曾公開表示:「我哋一直係到搵緊適合目標,如果搵到,我哋一定會出手。」雲加今次買人嘅目標並唔再係新仔,而係要買果種能夠帶嚟即時實力嘅大牌球星。係英超競爭越嚟越激烈嘅環境下,雲加已經再冇時間給年輕球員成長的機會。
根據英媒之前嘅報導,雲加睇上嘅前鋒唔少,其中最出名嘅就係卡雲尼。《每日星報》指出巴黎高層為卡雲尼嘅標價為4350萬英鎊,呢個價格並唔會令雲加卻步。係前兩年接連用高價簽入奧斯爾同山齊士之後,雲加了解到高價引援嘅實用性。此前係接受采訪時,雲加曾表示目前世界上好前鋒太少,而卡雲尼就係少數人之一。
距離轉會窗口關閉僅有1日時間,雲加同PSG高層談判嘅時間已經唔多了。雲加前日曾表示:「為咗引援,我依家每日工作24個小時。」,呢句亦講出雲加眼下引援急切程度。其實,雲加要買卡雲尼並唔係心血來潮,今個月22號,《地鐵報》就曾透露阿仙奴同PSG就卡雲尼轉會一事進行接觸,《地鐵報》甚至稱兩家球會已經搞掂轉會條件,只差體檢,但最終卻不了了之。目前無法驗證《地鐵報》消息嘅真偽,但正所謂無風不起浪,雲加對卡雲尼嘅欣賞同追逐早就唔是咩秘密。
因為隊內另一名中鋒伊巴有可能離隊,聖日耳門方面眼下並唔太願意放卡雲尼走。不過,一旦伊巴留隊,PSG高層就可能鬆口。卡雲尼上季表現不俗,佢係代表PSG出場嘅54場比賽中攻入27球,英媒《每日快報》表示高層正在認真考慮阿仙奴報價,該媒體同時透露曼聯主帥雲高爾亦有意簽入卡雲尼。

留言


請按此登錄後留言。未成為會員? 立即註冊
    快捷鍵:←
    快捷鍵:→