艾歷尼:米蘭已走回正軌 明年重新爭奪意甲冠軍

AC 米蘭專區 於 04/11/2012 發表 收藏文章
意甲聯賽第11輪,AC米蘭5-1大勝基爾禾,取得主場兩連勝;AC米蘭主帥艾歷尼十分滿意球隊既表現,他認為米蘭近三輪聯賽保持不敗說明球隊已經返到了正軌,“今場我地表現得好好,無論係技術定體能,我地都展現良好狀態。係依家咁既困難時期,我地真係好需要一場勝利,今晚既勝利實至名歸。我地最近三場比賽攞到7分,我地已經回到了正軌。
係主席同副主席既壓力下,今場AC米蘭回歸四後衛陣型,以4231陣型對陣基爾禾,收穫奇效;談到變陣,艾歷尼話:“今日我地呢個陣型令我地踢得非常好,對陣馬拉加時我地用三後衛,上半場我地冇踢好,因此影響到結果;對巴勒莫時,我選擇咗訓練中實驗過既陣型到比賽中,亦達到我預想既結果。

取得入球既蒙杜利禾、艾沙拉維以及保贊得到艾歷尼既稱讚,“我一直認為蒙杜利禾係一名重要既球員,比起上輪對陣熱拿亞,佢今場表現得更出色;艾沙拉維呢個年輕既小天才目前入球好多,佢好努力,我相信以佢既實力仲有夠更高既提升空間。保贊今晚證明自己係球隊非常重要既球員,特別係佢今場既作用。”
艾歷尼認為球隊仲有需要改進既地方,佢認為目前呢支紅黑軍團潛力巨大,下賽季米蘭好有希望重奪聯賽冠軍,“我地仲有需要改善既地方,係聯賽開局階段,我地犯過唔少錯誤,我也犯過錯,依家既排名就係對我地既懲罰。我唸經過呢一年既歷練,我地係下個賽季能夠重新去爭奪聯賽冠軍。”

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→