【新年睇舊文系列1】三年過後,高普為利物浦帶來咩轉變呢?

開場白...
其實會心血來潮寫呢篇文,係因為...今日係清真寺度stay多咗一日,屎忽痕咁睇翻3年前寫嘅第一篇足球文章:《關於高普首仗,我說的其實是... 》。當時嘅內文分咗3個部分:整體表現、問題、同埋期望。

睇完篇文諗3年後嘅今日,到底而家嘅整體表現有咩唔同、問題有冇改善、同埋3年前嘅期望有冇達成?

三年前嘅今日:
《關於高普首仗,我說的其實是... 》(19/10/2015)
https://www.youtube.com/watch?v=mLVNCU9DKHw&t=24s
雖然利物浦在高普的首次帶領下,只能作客守和熱刺;但這場比賽的表現仍然讓我對高普帶領下的利物浦充滿期望。

1) 整體表現
在對熱刺的賽事中,利物浦雖然整場都處於劣勢,但明顯見到整隊球隊比起之前更積極和更有紀律。一如賽前預料,紅軍不停的全場壓逼;起初擔心球隊會因為配合上的默契不足或體力不繼而導致漏洞百出,但球員到比賽末段仍然能保持不惜氣力的跑動,當對方球員一接球,立刻有兩個,甚至三個紅衫球員上前招呼;一傳球,紅衫球員又回身再跑;像小孩子追著皮球的踢法,雖然可能十球中頂多只有一兩球能截得皮球,但我認為今仗利物浦這種「瘋狗」的精神卻給予對方極大的壓力,特別是對方後場的防守球員,明顯在搶逼下顯得吃力,這也是紅軍下半場中後段能打出反擊的原因。
另外,雖然利物浦在整場比賽中出現得最多的動作就是不停的防守,少有進攻;但我認為攻勢比之前更簡單直接,雖然起腳次數少,但比較有威脅,像上半場奧歷治的頭槌和下半場末段伊比帶入中路後,安利簡起腳的那球。

在高普來到不夠兩星期下,紅軍能做到貫徹始終地執行他的戰術理念,單是這點,我想球迷也應該會接受;畢竟紀律和決心都是重新建立球隊的重要元素,更何況今仗的紅軍讓我重新感受到久違的熱血,怎能不叫我們不對他抱有熱切的憧憬?

2) 問題
但在熱切憧憬下,這場比賽仍然存有不少問題不容忽視。
i) 防守方面
第一,前場的球員有拼勁,但明顯仍欠默契,前場多次出現幾個守一個,導致後半場缺人,讓對方多次於右路輕鬆突破;期望球隊能在往後的時間在訓練中能發展更有效的戰術,讓球員在熱血的同時保持冷靜的判斷力。
第二,後場防守球員中,表現只屬勉強合格,要不是門將米勞列神勇,利物浦可能早就輸了;當中最大問題也許出在史基泰爾和摩蘭奴的身上,在史基泰爾右後方的位置對手可謂予取予攜,多次的讓對手輕鬆的吸大位起腳,甚至尾段輕出走漏簡恩差點讓對方一個直線劏穿;另外在左閘的位置,摩蘭奴攻強守弱,而且顯得略為輕率,於自己的禁區附近玩球,被拉美拉娜偷球反擊,如不是球證具爭議性的吹罰,那幾球可能頗致命的。

第三,雖然這段是談利物浦的問題,但不得不讚沙高的表現,頭頂腳踢身位意識都很好,最難得的是這幾場都維持穩定而且拼命,我十分喜歡他。

ii) 進攻方面
至於進攻方面,反而不想寫太多,畢竟這場比賽中紅軍都在防守,並不多進攻的場面,而且這場是高普的首仗,討論的空間並不多。然而,在進攻方面兩個問題仍然浮現:第一,球隊進攻凌亂;第二,進攻欠缺立體。

第一個問題的成因我認為是在於球隊未有一個能控制節奏的球員,無論是古天奴或拉拿娜都未能做到串連的工作,安利簡又欠缺火候;第二個問題的成因在於球隊欠缺兩翼的突破,占士米拿或拉拿娜打翼位都好像欠缺了點什麼的,反而伊比於末段上場給我帶來了驚喜,伊比上場後我對左路又產生了難以解釋的期望,希望在下面的比賽中有更多上陣的機會。

期望
如文章開頭所說,我對這對高普帶領的紅軍是充滿期望的,我並不奢望利物浦能立刻在積分榜的位置飆升,但我希望能見到以下的兩件事:

第一,利物浦能找到適合它的陣型和陣容發揮它的潛力;我始終認為利物浦並不缺好球員,而且人腳真的有很大的潛力,讓人充滿期待(除了防中真的需要針對性補強外);但由開季至今,利物浦不停的嘗試,總是不得要領,不斷的改變反而讓球員無所適從;當下利物浦最重要的是確立一套球隊的哲學,然後貫徹執行,建立屬於利物浦新的特色,畢竟毫無特色我想就是利物浦今季在羅渣士帶領下的最大特色,也是讓球迷最失望的原因。

以現時利物浦的人腳(不計軒達臣,費明奴,史杜列治,賓迪基等受傷球員)變陣的空間其實並不大,只是如上文兩翼的位置有斟酌的空間;反而當軒達臣,費明奴,史杜列治,賓迪基等幾個主力球員歸隊後,單是陣型方面,我已經拿不定主意,到底是4-2-3-1,4-1-4-1還是4-4-2?其次,無論是讓古天奴,拉拿娜,費明奴三人並存,安利簡的位置,盧卡斯的取捨,甚至是前面史杜列治,賓迪基的選擇都讓我頭痛不已,故此我對高普在未來幾場展示的答案十分期待。
第二,希望能再次見證高普的育成功力,畢竟我個人並不太喜歡球隊不斷地追逐大牌球星,用金錢換成績的方向。而且紅軍的年青球員都很優秀:基尼24,摩蘭奴23,古天奴23,費明奴24,安利簡21,隊長軒達臣才25(還未計重傷的祖高美斯18和恩斯23);再加上幾個有質素的新人:法拿根(John Flanagan),羅斯特(Jordan Rossiter)和奧歷治(Divock Origi)等,希望今天的這班年青球員能成為以後奪冠的利物浦經典班底。

最後,希望球隊能盡快結束傷病潮,盡快夫添上陣,特別是重傷的祖高美斯和恩斯(Ings),特別特別是我最欣賞的恩斯(Ings)。


三年幾後嘅今日
1)整體表現:
可能啱啱睇完利物浦對曼聯,同埋阿仙奴呢兩場波;再睇番三年前利物浦對熱刺個場波嘅精華,對比真係好大。當時我哋嘅後防完全係一盤散沙,skrtel同沙高都係鍾意落腳個啲中堅;所以成日俾人輕鬆cup過、又或劏穿。最嚴重肯定係摩蘭奴個左閘位,淨係highlight裡面;3球防守,已經兩球失晒位。

而三年後嘅今日,我認為防守係利物浦今季最引以自豪嘅地方;20場,失8球,12場清白之身。季初前線啞火,就係靠後防守住頭家;同以前有前冇後,打死罷就嘅踢法完全兩隊波。同埋而家嘅利物浦,真係好齊心嘅一隊波。

2)問題
i) 防守方面
第一:壓逼兩難局面。三年前,高普第一場帶黎既就係壓逼同衝搶;但係係有限嘅執教時間下,所謂嘅壓逼基本上就係幾條友圍一條友;好多時會搞到下半場60分鐘後無氣,同埋如果對面中間有個箍到波嘅,好易被人猜散。但係今季嘅壓逼變得聰明好多,半場高位壓迫、針對性位置壓逼。
第二:人腳問題。三年前嘅後防線:摩蘭奴、史基杜爾、沙高、基尼 + 米洛列;今日嘅後防:羅拔臣、VVD、Joe Gomez/老虎/Matip、TAA + AB13。原本想寫:「高普用金錢解決左後防嘅問題。」但係諗諗下,好似又唔對路,先唔講TAA同Joe Gomez係自家育成、Matip免費、啫喱仔800萬鎊;VVD同AB13有係唔係真係有錢就買得到呢?

ii) 進攻方面
基本上3年前,利物浦嘅進攻真係老鼠拉龜,求其一腳;或者單打獨鬥,靠古天奴單天保至尊;然後先係文尼、之後沙拿、再打起費明奴(完全無諗過當日嘅費明奴,會變成今時今日利物浦無可取代嘅Bobby。);後古天奴時代嘅前線三叉戟正式成型。
2015年,38場得60分,入得63球、失就50球。而家20場54分,入48球、失8球。3年時間唔短,但係用三年時間,由當時甩皮甩骨嘅球隊,執到今時今日咁嘅後防同進攻,一啲都唔長。真心好慶幸有高普做利物浦領隊。

3) 期望
當年期望:第一,搵到適合佢嘅陣型同陣容發揮佢嘅潛力;第二,見證高普嘅育成功力。第三,球隊能盡快結束傷病潮(Ings + Gomez)。

第一點,已經超出晒期望,前面三叉戟成型;後防AB13、TAA、VVD、啫喱仔基本上不可動搖嘅核心(加上今季崛起嘅Joe Gomez同老虎做後備)淨係呢7個球員,已經超級豪華。三年前,邊有諗過可以有咁樣嘅鋒線同守衛?

第二點,育成球員。其實都唔知算唔算成功。TAA、Joe Gomez兩個都算係好成功嘅例子;沙拿、沙基利、啫喱仔都充其量只能夠叫做有眼光,買得平...好多當時以為會打起嘅青訓球員,好似kent、woodburn、Ibe、Ejaria、Brad Smith、Brannagan、ojo、Grujic、Jordan Rossiter(果時大家都叫佢做小G4)、Wilson(雖然佢係英冠打得好好)等等等等,到而家都係冇機會踢上一隊...

但係另一個角度睇都踢得開心嘅,因為我哋(呢個位真係諗唔到咩term取代到我哋)陣容真係高咗幾班;而且都唔算係買大排球星?因為佢哋大多數都係係利物浦證明自己...

第三點,結束傷病潮(Ings + Gomez)。當時兩個同期受傷,而家今季都分別係利物浦一隊同二隊證明番自己。可惜Gomez啱啱個form咁好又傷...Ings加油!!!


回顧完過去,就展望未來啦:
第一:希望可以盡快砌靚條中場線。個人覺得中場人腳係夠,亦都開始成形,但未係tune到最fit。沙基利搭老母真係有得諗,但係咁樣好似有啲嘥咗基達...至於防中,本身以為法賓奴會係未來穩膽;傳送、視野都有,但係佢真係有啲慢...軒隊就創造力有啲不足...不過長遠睇應該都係F3防中架啦。(差啲唔記得咗仲有張伯倫!!!)

睇住隊波三年間,一步一步砌到而家咁果種感覺真係唔知點形容。好似puzzle咁,邊個會係最後一塊拼圖呢?!

第二:今季應該可以開始有啲少少期望啦掛?唔貪心,只求專心聯賽;歐聯晉級8強已經心滿意足,4強超額完成。
第三,唔係期望,而係祈求大家健健康康,咁就夠啦。

好,寫到呢度。2019年12月30再回顧呢篇文。新年快樂!!!鍾意利記嘅朋友兄弟姊妹,快啲like我個page啦。夜麻麻有人陪睇波吹水,真係好正。想睇我踩單車嘅遊記,都可以like我連一個Page:Steelpedaling;目前會keep住每天圖文更新,冇data另計。
loading

loading


留言


請按此登錄後留言。未成為會員? 立即註冊
  • leglessbird 於 31/12/2018 評論 NO. 1

    利記有今日 fsg亦應記一功 提早將羅渣士落鑊搵高爸出山

  • kinfung 於 31/12/2018 評論 NO. 2

    數據就是事實表示:高普既打法好明顯唔適合打英超,20戰只得54分是業餘級既發揮

  • Yip Pak Teng Jason 於 01/01/2019 評論 NO. 3

    高普有買貴無買錯 中前場組織比美曼城 今季後防定返d 筆者可以分享多d今季壓迫嘅轉變嗎?

快捷鍵:←
快捷鍵:→