【轉會系列二】一齊黎睇下傳曼聯既二十位新成員!

世界球壇俱樂部 於 10/06/2015 發表 收藏文章
琴日外媒就列左今個轉會窗曼聯有機會買入既二十位球員,大家又估下佢地最終有幾多位可以真係成功加盟呢?

1. Hugo Lloris 洛里斯
至從皇馬表示對迪基亞有興趣之後,曼聯高層就一直搵緊佢地下一位既神龍,係施治同呢位熱刺門將之間,外媒就覺得洛里斯加盟既成數就比較高喇。洛里斯今季係熱刺都有好多好出色既表現,相信曼迷一路埋怨皇馬搶走佢地既年度最佳球員既時候,熱刺球迷都一樣有同樣既心情啦。

2. Nathaniel Clyne 佳尼
作為英格蘭未來既大國腳,呢位年輕既聖徒右閘憑著今季出色既表現得到本地豪門既青萊。曼聯右閘既人選其實唔多,就係華倫西亞西鐘斯同拉菲爾喇。華西咁穩定既發揮當然就冇問題啦,而係中堅本身就唔足夠既情況底下鐘斯都冇乜可能會打右閘,而淨低既拉菲爾今季就傷多過踢,睇黎曼聯真係要買番一個右閘,等華倫西亞可以推番上去打翼喇。

3. Dani Alves 丹尼爾艾維斯
曼聯既性感後防線代表住佢地真係需要多D後衛人選喇,好似上一段咁講,佢地真係需要一個閘位。如果華倫西亞真係要轉型打閘,咁佢就需要一個可以作為輪換既隊友,而今季將會恢復自由身既巴塞老將都可以係一個唔錯既選擇。之不過ESPN琴日就話佢同巴塞已經續左兩年約,唔知係真唔係呢?

4. Seamus Coleman 高文
冇錯喇又係右閘呀!除左佳尼同丹尼爾,另一個曼聯既右閘人選可以係愛華頓既高文,不過作為愛華頓既正選,佢未必會轉投曼聯就真喎。呢位26歲既閘位球員未來一片光明,佢下季會轉投曼聯定留守拖肥就真係要大家拭目以待喇。

5. Marquinhos 馬昆奴斯
呢位年僅21歲既年輕中堅,13年先至以三千五百萬歐羅加盟巴黎聖日耳門,曼聯肯買巴黎都未必肯放呀,加上佢岩岩先同PSG續約續到2019年,要買勧真係天價都唔掂呀。不過如果係用迪馬利亞黎換佢唔知巴黎又會唔會心動呢?


6. Aymeric Laporte 拿樸迪
上季由畢爾包加盟既靴里位係曼聯上季其中一個亮點,係曼聯中堅唔太夠既情況底下佢地傳聞睇中左呢位畢爾包既法國中堅。如果曼聯要買佢大概要付出三千萬鎊既轉會費,但為左球隊既成績著想,呢位21歲既年輕中堅絕對係值得既投資。

7. Mats Hummels 曉娒斯
呢位26歲既多蒙特中堅親口承認佢有機會離開多蒙特,而佢亦都係曼聯主帥雲高爾既頭號收購目標。都係果句,如果曼聯想快速改善佢地既後防水平,買番一個星級中堅係一個唔錯既選擇。

8. Ilkay Gundogan 伊基簡度根
冇錯又係多仔!簡度根同曼聯都傳左一段日子架喇,佢同多蒙特既合約就去到2016年架姐,如果唔能夠及時續約,今個轉會窗就係多蒙特避免人財兩空既做法黎喇。如果佢真係加盟曼聯,相信曼聯既中場競爭一家更加激烈喇。

9. Kevin Strootman 史杜達文
呢位羅馬既25歲中場近年都同曼聯扯上關係,冇計啦因為曼聯既中場線除左費格遜應該都冇咩人搞得掂。不過今季雲高爾買左白蘭特靴里拉,中場已經好左好多喇啵,曼聯可能需要佢打防中,睇下可唔可以接到卡域克班掛。

10. Paul Pogba 普巴
作為曼聯既青訓球員,係祖雲達斯打出名堂之後盛傳曼聯好想回購佢。不過曼聯想球員都未必肯啦,更何況祖雲達斯今季都叫打入歐聯決賽,曼聯既吸引力會唔會可以吸引到佢回巢呢?


11. Morgan Schneiderlin 舒拉達連
呢位修咸頓當年既升班功臣好想好想可以踢歐聯,就黎26歲既佢應該可以為曼聯既中場加厚深度既。不過同時比熱刺同阿仙奴留意住既佢,曼聯會唔會出手引入佢,定還是當做買唔到史杜達文或伊基簡度根既復備呢?
12. Asmir Begovic 比高域
除左洛里斯同施治,睇黎比高域都係一個唔錯既選擇。傳聞只需要三百五十萬鎊就可以買到佢番黎喇,但佢既穩定性同迪基亞仲有一大段距離,曼聯又會唔會信得過佢呢?唔好唔記得仲有一個域佗華迪斯喎。


13. Marco Reus 馬高萊斯
又一位炙手可熱既球星,萊斯應該係今個轉會窗比最多豪門捕住既球星之一。但已經簽入迪比、來季又有蘭尼回歸,仲有迪馬利亞同楊格華倫西亞既曼聯,到底要咁多翼黎做咩呢?更何況佢岩岩先同多蒙特續左約,睇黎外媒又真係吹大左D喎。

14. Gareth Bale 巴爾
係佢加盟皇馬之前,曼聯就已經想用85M英鎊買佢番黎。佢今季比皇馬既球迷鬧到咩咁,又有傳佢係馬德里過得並唔開心,唔通曼聯想趁呢個時候買佢番黎?唔會掛,都係果句,要咁多翼黎做乜鬼呀,定係想貫佢買黎打左閘,同梳爾輪換呢?

15. Saido Berahino 巴拉軒奴
原來係一月既時候就已經傳過佢會已二千萬鎊轉會費加盟曼聯。呢位年輕既西布朗年度最佳球員都幾有可能會係夏季轉投曼聯。黎緊法卡奧就唔會留隊,雲佩斯會離隊他投,睇黎巴拉軒奴都真係有機會成為曼聯既新球員。

16. Danny Ings 英格斯
到底佢應該叫艾格斯定英格斯呢,真係搞到我頭都痛埋。不過呢位22歲既前鋒今季可以以自由身加盟曼聯的確係幾吸引,之不過前日佢先岩岩同利物浦簽左合約,睇黎佢今個夏會加盟曼聯都只會係外媒老作出黎既產物喇。

17. Mauro Icardi 伊卡迪
呢位比英格斯後生半年既阿根廷前鋒都被視為一個加盟曼聯既熱門人選。不過佢就好似就黎會同國際米蘭續約喇,不過如果要佢加盟一次準備重組完成既球隊比佢發光發熱,陣中仲有迪馬利亞同羅祖呢D同胞,相信對佢黎講都有一定既吸引力架!

18. Paulo Dybala 迪拜拿
另一個曼聯可以考慮既年青前鋒,一個好有創造力既前鋒。不過佢就係5月份既時候已經以四千萬歐羅加盟祖雲達斯。點解咁樣都可以成為傳曼聯既一份子架?

19. Edinson Cavani 卡雲尼
上年曼聯係卡雲尼同法卡奧之間選擇左後者,而前者亦加盟左巴黎聖日耳門。但今季兩者都過得唔如意既情況底下,法卡奧就已經離左隊喇,唔知卡雲尼有冇機會加盟曼聯,填補法卡奧離開既遺憾呢?

20. Robert Lewandowski 利雲度夫斯基
傳說中曼聯只需要付出二千五百萬鎊就可以將利雲度夫斯基收歸旗下,我諗呢個都只係一個傳說黎姐...論各種既吸引力,依加既拜仁又真係比曼聯更高既,其實仲有好多高質前鋒架,大家不妨留意下!

記得透過呢個網址係facebook讚下我地個PAGE喇!
你既支持就係我地既動力


圖片來源

標籤: 轉會  

留言


請按此登錄後留言。未成為會員? 立即註冊
  • kinfung 於 10/06/2015 評論 NO. 1

    利雲系德國人?

  • Jason ChowChow 於 10/06/2015 評論 NO. 2

    利雲係德國人。 正

  • Colin_Gara 於 10/06/2015 評論 NO. 3

    第一日睇波咁

  • 足球仔 於 10/06/2015 評論 NO. 4

    自膠,正已更

  • Colin_Gara 於 10/06/2015 評論 NO. 5

    Bale決定咗留皇馬

快捷鍵:←
快捷鍵:→