美斯為續約開條件 : 四人必須離隊

世界球壇俱樂部 於 21/02/2017 發表 收藏文章
歐聯首回合既賽事,巴塞以四球不敵巴黎聖日耳門。呢場大敗被視為係巴塞大換血既先兆,而作為隊內核心既美斯,合約將會係下年夏季完結。傳聞曼城有意係今個夏季轉會窗用一億鎊將呢位巴塞球星帶到曼徹斯特。

呢單轉會最後既發展將取決於阿根廷人既取態。而根據西班牙傳媒Diario Gol既報導,美斯為自己續約同球會訂下條件,隊佈有四個人必須離隊。

第一位係Jeremy Mathieu,33歲既馬菲奧係碧基之後既第三選擇,而佢係魯營既表現一直都得唔到大家既認同。

第二位係美斯既好朋友,佐迪艾巴。雖然佢地兩個私底下好好朋友,但球場事球場了,美斯就話主帥安歷基太信任艾巴,而佢根本唔值得咁多信任,仲話隊內既盧卡斯迪尼先應該係球隊既首選喎。
岩岩過去既夏天先係巴黎轉投巴塞既盧卡斯迪尼,係好多比賽入面都唔夠佐迪艾巴爭位,唔知受到美斯既加許會唔會有點兒受寵若驚呢?

第三位係安迪高美斯,呢位備受主帥追捧既中場球員黎到巴塞之後一直都得唔到隊友既認可,雖然佢既加盟曾經令一眾巴迷充滿期待,但目前睇黎佢既表現同大家既期望仲有一段距離。

黎到最後一位,走唔甩既當然就係教頭安歷基啦。今季既巴塞依然有力競爭西甲冠軍,但一去到歐聯賽場就冇左以前果種見神殺神遇佛殺佛既霸氣。歐聯賽場上既大敗安歷基固然要付上責任,但冰封三呎非一日之寒,係外界呼聲之下,安歷基下台,都只係時間既問題。

美斯轉會既劇本,絕對係今個夏季令人最期待既戲碼之一。//




原文


留言


請按此登錄後留言。未成為會員? 立即註冊
  • OhMyGirl_Arin 於 22/02/2017 評論 NO. 1

    其他個幾個都正常 特別係安歷基 搵莫椰子都勁佢幾班啦 但艾巴都算現今最top嘅左閘之一 咁都走 仲邊搵人頂

  • frederick94 於 22/02/2017 評論 NO. 2

    從之前巴塞大敗比大巴黎都可以見到某些球迷的質素,係大巴黎的球迷咪為愛隊嬴波高興、係巴塞球迷咪傷心、可能加埋憤怒囉,但就係有一批唔知係"邊隊"的球迷就湧晒出來為巴塞輸波而高興,呢啲咪"高質"囉

  • 返身戰 於 22/02/2017 評論 NO. 3

    加盐加燥

  • 數據就是事實 於 22/02/2017 評論 NO. 4

    而我一直相信曼摩必買美斯,只為了證明曼城哥無料....

  • Ivanb 於 22/02/2017 評論 NO. 5

    艾卡沙,施利臣無份?

  • Bruce Chi Ying Yiu 於 23/02/2017 評論 NO. 6

    我等睇最後messi繼續留隊,安歷基走人,其餘Mathieu可能走但另外兩位冇走到

快捷鍵:←
快捷鍵:→