國家隊隊友:伊巴狀態仍然巔峰 佢能夠效力英超任何一隊

世界球壇俱樂部 於 30/11/2015 發表 收藏文章
今季結束後,伊巴同巴黎聖日耳門既合同將會到期,問到戰神會唔會選擇以自由身加盟英超,伊巴就認為依家去英超好似已經太遲,但佢既國家隊隊友、西布朗中堅奧臣就力撐戰神,認為伊巴仍然處於職業生涯中既巔峰期,實力足夠為英超任何球隊效力。

奧臣表示:“佢仍然處於巔峰狀態,佢係我面對過既最強球員,我真係希望佢可以黎英超踢波。佢亦係足壇最具天賦既球員之一,佢亦都曾經同摩連奴共事過,我認為佢能夠為英超任何球隊效力,因為佢一直都係咁出色。”

之前,梅開二度既伊巴幫助瑞典晉級歐洲杯決賽週後,伊巴曾經討論過自己既未來,講到去英超球隊既可能性時,戰神回應:“我覺得我依家去英超踢波好似已經太遲。我係巴黎聖日耳門好開心,我仲有最後6個月既合約,之後會發生咩事,要等到到時候先決定。我享受係球場上既每一日,我依然保持著最佳既狀態,我亦都唔知幾時會結束自己既職業生涯。”

雖然已經34歲,但伊巴今季依然保持著唔錯既入球效率,為巴黎聖日耳門出場15次入左11球,其中聯賽10場10球,今年為瑞典國家隊出戰10場,入左11球,幫助巴黎聖日耳門以不敗戰績排係法甲既榜首並且順利進入歐冠淘汰賽,以及幫助瑞典國家隊獲得出戰明年歐洲杯決賽週既資格。

以目前既狀態黎睇,伊巴完全可以係英超立足。但正如伊巴所講,之後會發生咩事,依家無人會知。之前有消息指,佢會轉戰美職聯,加盟奧蘭多城,同卡卡並肩作戰。


資料來源:網易體育

By Anthony

留言


請按此登錄後留言。未成為會員? 立即註冊
    快捷鍵:←
    快捷鍵:→