傷兵再臨!曼聯陷入中場荒

世界球壇俱樂部 於 28/03/2017 發表 收藏文章
係面對西布朗既比賽之前,摩連奴又收到一個唔好既消息...
係過去既國際周,番左去比利時國家隊報到既費蘭尼就不幸受傷,已經確認唔好出戰同俄羅斯既國際友誼賽。

雖然軍醫話費蘭尼只係小傷,但相信摩帥係兵源充足既情況下都唔想球員傷上加傷。係「小豬」舒韋恩史迪加落實轉投芝加哥火焰之後,摩帥既中場選擇漸漸相形見絀。

天價回家既普巴係半個月前出戰羅斯托夫FC既時候受傷,目前仲未完全康復。而另一位既中場靴里拉黎緊既比賽仲要坐最後一場既波監。
現時曼聯一隊陣中只係得番卡域克一位正宗既中場可以比摩帥選擇,除左卡域克之外就得番隊長朗尼係紅魔曾經出任中場既位置,但係摩帥入主之後朗尼就從未係呢個位置上出現過。

而曼聯陣中其實仍然有其他選擇,例如係白蘭特同科素文沙,佢地兩位都可以作為中場為球隊披甲。白蘭特係轉投曼聯之前係一名防中,而科素文沙本來亦係青年軍當中中場既人選之一。

失去費蘭尼無疑對曼聯帶黎唔小影響,係上場對米杜士堡既比賽代替受傷既普巴同坐波監既靴里位成為正選既費蘭尼,成為球隊一個能夠依賴既球員,最終亦為曼聯先開紀錄,成功全取三分。

順帶一提,除左費蘭尼之外,史摩寧同鍾斯亦係國際周之中受傷。
有危先有機,唔知摩帥會唔會好似費sir咁排個七中場或者七後衛黎應戰呢?






原文


留言


請按此登錄後留言。未成為會員? 立即註冊
    快捷鍵:←
    快捷鍵:→