維拉降班，維拉忠實球迷Daniel 為我哋世界波寫咗篇文，一表婉惜之情。
《忘掉踢過英超 重生於英冠 你要降班吧
別再看 維拉的公園 已五年踢得差》
維拉已正式宣佈護級無望，兼且極有可能以第尾衝線。如是者，呢五季維拉嘅排名分別係16、15、15、17同20，捱到第五季，終於捱唔住，死咗。六年前呢？ 侯利亞帶領下攞第9。七、八、九年前呢？馬田奧尼爾帶領下，連續三季排第6 。由6變9再變20，四個字， 每況愈下。
《輸得起 維拉應接受 都有日倒下
其實沒有超低分的降下 已算也不差》
喺今季半路做過英超史上分段最低分嘅維拉，好彩喺加迪執教時贏過兩場，現有16分落袋，經已好過從前以11分降班嘅打吡郡同15分嘅新特蘭，唔洗做史上最差。不過以現階段嘅走勢同氣勢，要贏多一場，超越當年以18分降班嘅樸茨矛夫，睇嚟有啲難度。
《就似這班主 曾經肯花費 似要霸天下
但剎眼 蝕到人都怕 佢注定學會瀟灑》
好多球迷都鬧爆班主Randy Lerner，怪佢唔肯出錢打救球會。呃上任領隊加迪，話俾佢聽會有錢買人係衰咗啲，但其實呢位班主之前唔是咁的。喺馬田奧尼爾時代，Lerner曾經花過過億英鎊俾球會擴軍，維拉當年就堆咗一堆英格蘭二三線球員響度，例如加里夫巴利、艾殊利楊格、占士米拿、史釗活唐寧、李奧曲加、戴倫賓特、居迪斯戴維斯、盧克楊格等等等等。呢班貴價貨性價比奇低，季季都踢唔到好成績，次次歐洲賽都外圍賽出局，維拉自始就走入蝕錢賣人嘅惡性循環。
《德夫想要去曼城住 賓基出走奔向利迷
阿仙奴 沒法好好複製嗎 賣曬啲星套現嘛》
季前德夫同賓迪基嘅離隊因為唔同原因都同樣備受注目。球隊用賣呢兩個星級球員得嚟嘅四千幾萬，喺法甲買咗一堆球員返嚟，連同上季阿仙奴請返嚟嘅兩個管理層，再加埋雲加徒弟加迪喺季中加盟，班主好明顯想倒模阿仙奴嚟止蝕，可惜賭博太大，反而加速咗維拉嘅衰退。
《忘掉有過Ron Vlaar 當初很得戚 不理價值放走他
點知一開季缺乏籌備 一切戰術亦麻麻
從沒停步向下》
比較少人留意到荷蘭中堅域拿、上季借入嘅中場卡華利、同自家青訓前鋒韋文嘅離隊，其實對維拉嘅影響都幾深遠。有佢哋喺度維拉都唔係踢得好，其實好大程度唔關佢哋事，而係其他隊友嘅質素實在太差。連同德夫賓迪基，四個較有實力嘅球員一次過離隊，球隊極需要做多啲功夫重建，可惜從來未帶過球隊季前熱身嘅前前領隊添舒活，冇好好趁暑假訓練體能同默契，導致季初幾乎場場臨天光贏變和和變輸，令球隊跌入萬劫不復嘅深淵。
《忘掉剎那光輝 奀星的貴轉會費及老掉維迷
窿丁於英冠將更冇錢 星散後更差
終須會時辰到 別怕》
喺最後嗰幾場波，好多維拉公園入面嘅球迷都拎起“Proud History, No Future”嘅標語。呢啲成日攬住「我哋舊時好勁」心態嘅球迷，往往好唔輸得，好易就遷怒於原本重有心踢好波嘅球員，或多或少會係球隊重建嘅絆腳石。近年成績滑落，維拉已經冇得隨英超全球化吸引到新fans，舊球迷又輸打贏要，再加上冇白武士解決財困，維拉嘅英冠之途，其實會十分難行。
《請放下手裡那trophy 好嗎》
維拉對上一次降班係86/87球季，當時球隊攞過十八項錦標，其中一項就係喺81 - 82球季擊敗拜仁慕尼黑，贏得歐聯前身嘅歐冠盃。如今維拉比當年降班贏多咗兩次聯賽盃，成為咗英格蘭歷史上攬住最多冠軍降落次級聯賽嘅隊伍。
但無論英超好英冠好，真正嘅維拉迷，都會繼續支持球隊。
Up the Villa！
- Daniel
《忘掉踢過英超 重生於英冠 你要降班吧
別再看 維拉的公園 已五年踢得差》
維拉已正式宣佈護級無望，兼且極有可能以第尾衝線。如是者，呢五季維拉嘅排名分別係16、15、15、17同20，捱到第五季，終於捱唔住，死咗。六年前呢？ 侯利亞帶領下攞第9。七、八、九年前呢？馬田奧尼爾帶領下，連續三季排第6 。由6變9再變20，四個字， 每況愈下。
《輸得起 維拉應接受 都有日倒下
其實沒有超低分的降下 已算也不差》
喺今季半路做過英超史上分段最低分嘅維拉，好彩喺加迪執教時贏過兩場，現有16分落袋，經已好過從前以11分降班嘅打吡郡同15分嘅新特蘭，唔洗做史上最差。不過以現階段嘅走勢同氣勢，要贏多一場，超越當年以18分降班嘅樸茨矛夫，睇嚟有啲難度。
《就似這班主 曾經肯花費 似要霸天下
但剎眼 蝕到人都怕 佢注定學會瀟灑》
好多球迷都鬧爆班主Randy Lerner，怪佢唔肯出錢打救球會。呃上任領隊加迪，話俾佢聽會有錢買人係衰咗啲，但其實呢位班主之前唔是咁的。喺馬田奧尼爾時代，Lerner曾經花過過億英鎊俾球會擴軍，維拉當年就堆咗一堆英格蘭二三線球員響度，例如加里夫巴利、艾殊利楊格、占士米拿、史釗活唐寧、李奧曲加、戴倫賓特、居迪斯戴維斯、盧克楊格等等等等。呢班貴價貨性價比奇低，季季都踢唔到好成績，次次歐洲賽都外圍賽出局，維拉自始就走入蝕錢賣人嘅惡性循環。
《德夫想要去曼城住 賓基出走奔向利迷
阿仙奴 沒法好好複製嗎 賣曬啲星套現嘛》
季前德夫同賓迪基嘅離隊因為唔同原因都同樣備受注目。球隊用賣呢兩個星級球員得嚟嘅四千幾萬，喺法甲買咗一堆球員返嚟，連同上季阿仙奴請返嚟嘅兩個管理層，再加埋雲加徒弟加迪喺季中加盟，班主好明顯想倒模阿仙奴嚟止蝕，可惜賭博太大，反而加速咗維拉嘅衰退。
《忘掉有過Ron Vlaar 當初很得戚 不理價值放走他
點知一開季缺乏籌備 一切戰術亦麻麻
從沒停步向下》
比較少人留意到荷蘭中堅域拿、上季借入嘅中場卡華利、同自家青訓前鋒韋文嘅離隊，其實對維拉嘅影響都幾深遠。有佢哋喺度維拉都唔係踢得好，其實好大程度唔關佢哋事，而係其他隊友嘅質素實在太差。連同德夫賓迪基，四個較有實力嘅球員一次過離隊，球隊極需要做多啲功夫重建，可惜從來未帶過球隊季前熱身嘅前前領隊添舒活，冇好好趁暑假訓練體能同默契，導致季初幾乎場場臨天光贏變和和變輸，令球隊跌入萬劫不復嘅深淵。
《忘掉剎那光輝 奀星的貴轉會費及老掉維迷
窿丁於英冠將更冇錢 星散後更差
終須會時辰到 別怕》
喺最後嗰幾場波，好多維拉公園入面嘅球迷都拎起“Proud History, No Future”嘅標語。呢啲成日攬住「我哋舊時好勁」心態嘅球迷，往往好唔輸得，好易就遷怒於原本重有心踢好波嘅球員，或多或少會係球隊重建嘅絆腳石。近年成績滑落，維拉已經冇得隨英超全球化吸引到新fans，舊球迷又輸打贏要，再加上冇白武士解決財困，維拉嘅英冠之途，其實會十分難行。
《請放下手裡那trophy 好嗎》
維拉對上一次降班係86/87球季，當時球隊攞過十八項錦標，其中一項就係喺81 - 82球季擊敗拜仁慕尼黑，贏得歐聯前身嘅歐冠盃。如今維拉比當年降班贏多咗兩次聯賽盃，成為咗英格蘭歷史上攬住最多冠軍降落次級聯賽嘅隊伍。
但無論英超好英冠好，真正嘅維拉迷，都會繼續支持球隊。
Up the Villa！
- Daniel
請按此登錄後留言。未成為會員? 立即註冊