【估你唔到】BBC權威稱阿仙奴或將免簽列治史迪拿

正所謂新人事新作風,阿仙奴早前正式宣佈艾馬利上任,需注意官方職稱唔再係一人之下萬人之上嘅 Manager ,而係 Head Coach 主教練,意味著由球探主管米斯連達(Sven Mislintat)及足球關係主管桑利耶(Raul Sanllehi)主導轉會事宜嘅全新權力架構已經正式開始運作(相信雲加離任前兩人不能完全掌控轉會權),所有事情洗牌再嚟,自然會有啲出人意表嘅人彈出,今次係列治史迪拿。


根據《BBC》阿仙奴消息權威 David Ornstein 報導,阿仙奴正試圖簽下約滿離開祖雲達斯嘅34歲瑞士右閘列治史迪拿(Stephan Lichtsteiner)。列治史迪拿最近本來冇同阿仙奴拉上任何關係,但較舊報導指球隊喺2014年冬季轉會窗曾經出價求購呢位瑞士國腳不果,而今次阿仙奴再次斟介呢位老將,得到 David Ornstein 報導,真確性不庸置疑。David Ornstein 除咗一直公認為阿仙奴專家嘅往績外, 最近亦係首位透露新帥人選係艾歷尼嘅記者,佢今次認為列治史迪拿將會係艾馬利上任第一簽,代表成事機會不小。


小弟正正喺之前寫過一篇文章《雲加惹的禍 :比爾連愈趨平庸,從右閘配置看雲加用人哲學的失敗》,大約係指出雲加過於重用年輕嘅比爾連,有揠苗助長之嫌,喺比爾連表現退步之下,卻反而將陣中其他有資格或有希望挑戰佢正選右閘位置嘅球員賣走,導致球員本人變得不思進取、愈趨平庸。

當時有部分缺乏完整理解能力人士,提出「比爾連傷完狀態差又關雲加事?」之類批評,實在令人無言,重點一直都係講緊:明知比爾連狀態下滑,但雲加作為「教練」一直幫唔到佢搵返狀態都「唔緊要」,但作為出色嘅球會管理者,竟然反而為佢清除一切競爭,實在令人難而理解。再講一次,問題係冇競爭、冇競爭、冇競爭!而且亦都並非針對比爾連,相反,前題正係基於佢本來潛質優厚嘅假設,希望佢喺競爭中進步,先有以上批評。(而家回想,會唔會當時決定受到雲加同新嘅轉會二人組權鬥影響?)

講返列治史迪拿,若然成真,小弟認為符合阿仙奴量入為出嘅理財哲學,亦有望解決上述右閘位缺乏競爭問題。當然,一位34歲老將係唔係真係可以為比爾連帶嚟競爭?呢點必定有所保留,但以列治史迪拿嘅經驗、閱歷及領袖能力,加上免轉會費,其實十分博得過。代價不大之餘,起碼做到以老帶新。不過以上意見成立嘅最大前題係,比爾連仲會出現喺阿仙奴陣中。

Source: BBC

留言


請按此登錄後留言。未成為會員? 立即註冊
  • ahbin 於 27/05/2018 評論 NO. 1

    雲膠從來就係個徧心小氣八婆性格嘅儍x,只要佢上咗契嘅球員,點衰都係正選,仲有,所有離隊嘅舊人必定唔妥佢,兵工廠俾呢條仆街害死,家下要排膠毒都有L 牌搞..

快捷鍵:←
快捷鍵:→