【執柒咗佢吧啦】英超五大on9野

【執柒咗佢吧啦】英超五大on9野

一:英超金手套獎。呢個獎真係勁唔公平,佢唔係計算每位門將既撲救次數或者場上表現,而係就算每位門將該季零失球場次。舉個例子,曼聯門將迪基亞VS紐卡素門將告魯爾,講真大家神撲都唔少,但紐卡素幾乎場場失波,迪基亞上場三次,2場零封對手,如果照個勢落去,迪基亞拎金手套既機率一定遠勝告魯爾,根本就唔公平,曼聯咩防線,紐卡素咩防線,盲既都知曼聯班後防好好多,咁告魯爾場場上身都冇用,邊有可能零失球次數多個迪基亞先?根本輸在起跑線上,下次呢個金手套獎不如直接頒俾強隊門將啦。

二:新越位條例。英超舊個套越位條例,如果球員越位但唔掂波可以唔使吹停,而英超學人玩新越位條例,即站在越位線上既球員無論掂唔掂波都要吹停,但唔好意思lor,新個套條例明顯係幫緊球證,唔使咁辛苦去睇,滿以為以後可以少d爭議,癲知佢地都可以誤判頻頻,因為英超球證素以on9著稱,係特指旁證個班人,英超就黎俾佢地玩死都似,唔越位既波就吹越位在先,越位波就吹入球有效,媽咪呀俾佢地搞到好亂呀!睇黎新既呢套越位條例都要一d時間去消化,英超個班旁證真係以眼殘聞名歐洲,

三:英格蘭聯賽杯。係人都知歐洲主流聯賽,得英超會有聖誕快車,球迷就大飽眼福,球員就踢到殘,強隊計埋歐戰,足總杯同聯賽杯,一個賽季踢起碼50場,普通既隊伍都起碼踢40幾場,個問題係聯賽杯含金量到底有幾大?好多強隊都派副選迎戰,根本好多隊都輕視呢項賽事,舉辦黎做乜?點解德甲西甲都廢除咗國內既聯賽杯,只保留德國杯/國王杯,意甲直頭搞都冇搞過聯賽杯,只有意大利杯。睇返資料,英格蘭足總杯喺歡迎非職業聯賽球隊參加,而聯賽杯就係只限職業球隊參加,但足總杯被視為一項重要既賽事,聯賽杯則被視為食之無味既雞肋,咁呢個杯保留黎做乜?衰d講句,阻住大家搵食。聯賽杯on9之處仲有四強賽事,要分主客兩回合,又冇啦啦嘥人時間,如果呢個杯賽時間方面可以調整下,又例如簡潔D,會令人冇咁嬲,不過講到底,我都唔知呢個杯賽既吸引力喺邊度。D 強隊fans會唔會拎完聯賽杯覺得好興奮先?咪撚玩啦,飛機杯,for打飛機咋嘛,有幾多人會重視呢項賽事,心照啦。

四:英超球證。嘩屌爆你班廢柴,點解可以咁撚廢?唔好講黑哨問題,講一般判罰,英超球證都可以柒事盡出,遲早英超俾呢班垃圾球證搞謝,救命,好多波就係俾呢班撚樣摧毀,都唔明點解佢地可以柒人輩出,我唔用文字多講呢班仆街啦,總之就係四個字:英超之恥

五:欲Hard sell英人球員。英足總極力遊說各大球會,要點點點保障英人球員出場機會,英格蘭球會應該多d英格蘭球員出場之說,其實又係on9既想法,英超之所以出名,唔係因為英格蘭球員撐起英超,而係靠金錢同聯合國球隊撐起,根本英格蘭D新星唔夠外來新星鬥,競爭力唔高,英足總點hard sell都冇用,與其遊說人地強隊用英人,不如搞好d青訓好過啦,hard sell成品冇用,發掘苗子先有用,係好野就大把人爭住野,使乜hard sell?
你睇下史篤城,呢隊英式足球既代表,都開始減少用英人球員,你就知道其他強隊更加冇可能會多用英人,因為外來的球星更加勁,英人競爭力唔係下降,而係沉咗好多年,要搞返起,唔係一朝一夕既事情,更加唔係話俾正選就有用,硬推英人只會適得其反。

【執柒咗佢吧啦】,其實係講緊呢五件on9野,唔係叫【英超執柒咗佢吧啦】,愛之深責恨之切,如果我唔鐘意英超,根本屌到費事啦。

我係球迷,係作者,更加係讀者,所以如果邊度寫得唔啱歡迎指出,thx


https://www.facebook.com/footballtellhistory


PS:唔好轉載我文章,唔稀罕fanpiece稿費,留返俾其他呃稿費既人
標籤: 英超  

留言


請按此登錄後留言。未成為會員? 立即註冊
  • JasonCh 於 01/10/2015 評論 NO. 1

    就算青訓幾好,但係冇得出場有咩用?美斯都唔係第一場就做球王啦

  • Lai Shiu Pong Oscar 於 01/10/2015 評論 NO. 2

    英超球證質素應該吹學界都唔掂

快捷鍵:←
快捷鍵:→