熱刺今季喺完全冇增兵嘅情況底下，爆冷打入歐聯決賽。大家都知道熱刺嘅新球場已經喺四月份正式啟用，而熱刺亦都借咗唔少錢去起個新球場。唔少球迷都擔心熱刺會唔會步阿仙奴後塵，為咗興建球場而唔夠錢去增兵。另一方面，熱刺四月嘅時候提交 2017/18 全年賬目，竟然錄得打破足球隊單季最高盈利嘅世界紀錄，比起當季以天價出售古天奴嘅利物浦都仲要高。熱刺收入明明係 Big6 之中最低，仲借咗咁多錢起球場，點樣仲可以賺到咁多？而熱刺嘅球迷，相信更加關心就算今季贏埋歐聯，但係借錢梗要還，咁仲有冇錢去增兵呢？
收入
熱刺近年三項主要收入都有唔錯嘅升幅，熱刺 2017/18 球季清拆容量只有約36,000 人嘅白鹿徑球場，租借溫布萊做臨時主場，令到比賽日收入顯著上升。隨住新球場喺 2018/19 球季季尾啟用，熱刺喺門票價格與及非比賽日用途上將會有極大嘅發展空間，熱刺亦都已經急不及待宣布新球場將會喺十月上演兩場美式足球賽。有分析指熱刺 2019/20 球季比賽日收入有望突破一億英鎊(目前英超只得曼聯同阿仙奴有能力達到呢個水平，詳情可參考本欄文章"財務報表分析(2) - 英超Big6 收入比較 (比賽日收入) ")。
電視播映收入方面，英超轉播合同喺2016/17進入新嘅三年期，令英超各隊都可以得到更高嘅分成。同時，熱刺逐漸成為歐聯常客，自然亦都會得到更豐厚嘅獎金。今屆熱刺打入決賽，已經肯定最少可以得到超過一億歐羅(約£88m)嘅獎金。
至於商業收入，本欄文章"財務報表分析(4) - 英超Big6 收入比較 (商業收入)"曾提及熱刺管理層正考慮緊出售球場冠名權，而且波衫衫袖贊助都未有著落。相信熱刺近年場上優秀嘅表現，將會帶動熱刺未來喺呢方面嘅增長。
球員薪酬及買賣
熱刺喺 2013/14 球季出售巴爾，連埋當季出售嘅其他球員，令到球會錄得超過一億英鎊嘅帳面溢利。當季熱刺亦都用咗超過一億英鎊收購球員，不過其中有唔少表現都非常參差。2014年夏天普捷天奴上任後，熱刺嘅買人策略亦都有所調整，當中艾歷戴亞同迪利阿里都係普帥上任首季以低價簽入。往後幾季，熱刺亦都有適量地購入一班好使好用嘅球員。雖然薪酬開支無可避免地逐年上升，但係增幅遠比收入為低，令到薪酬對收入比率逐年下降，反映熱刺有效地控制成本，亦係達成破紀錄盈利嘅重要原因。
負債
興建新球場自然會涉及龐大嘅資金，熱刺嘅賬目截至 2018 年六月底，球會嘅負債金額額達到 £461m, 而受到球場工程延誤影響，球會更加喺十月份再提取多一億英鎊。喺會計準則下，一項資產喺在建期間而未正式啟用，係唔會開始計算折舊，而直接用作興建有關資產所產生嘅融資費用，都可以視作為建築成本嘅一部份，唔需要即時當作開支喺損益表上扣減，亦因此做就咗熱刺破紀錄嘅盈利。。根據熱刺賬目披露嘅資料，相關嘅貸款年利率大約3%，2022年5月到期，即係三年之後需要一次過清還。
睇到呢度，熱刺嘅球可能會擔心，三年內點樣籌到成五億去還？唔通真係要賣走哈利簡尼、艾歷臣同孫興慜填氹？
的確，熱刺無可能長期都維持喺目前嘅薪酬水平，一班好使好用嘅主將要求加薪只會係遲早嘅事。而且今季聯賽後段熱刺(與及另外幾隊爭前四份子) 經常出現甩轆情況，爭前四形勢更加一度亮起紅燈，多少都反映球隊板櫈深度不足，有需要補充兵源去應付各條戰線。
不過熱刺球迷又未必需要太擔心。雖然合約訂明貸款三年後到期，但既然熱刺能夠以新球場作為抵押品，亦都能夠展示強勁嘅現金流，相信喺接近到期日時進行再融資將還款期延長都唔會太難。事實上，自從格拉沙家族喺2005年入主曼聯之後，亦都已經進行咗幾次再融資，將負債嘅本金同利率降低之餘，亦將還款期押後到 2025 年。
筆者認為，熱刺今個夏天有以下幾項重點任務：
•同主力球員延長合約，與及作出適量加薪，穩住球隊核心；
•針對個別位置增兵，比如右閘同替補前鋒，加強板櫈深度，避免過份依賴哈利簡尼同孫興慜等重心球員；
•盡快落實球場冠名權同波衫衫袖贊助，進一步增加球會收入。
熱刺過去幾季似乎都硬係同爭標分子爭咁少少，佢哋可唔可以藉住打入歐聯決賽與及新球場落成嘅勢頭，突破目前嘅關口競逐來季英超冠軍呢？今個夏天，可能係決定熱刺往後幾年發展嘅關鍵時刻。
各位想追蹤更多足球界嘅財經新聞，可以like 足球財經嘅 Facebook page!
收入
熱刺近年三項主要收入都有唔錯嘅升幅，熱刺 2017/18 球季清拆容量只有約36,000 人嘅白鹿徑球場，租借溫布萊做臨時主場，令到比賽日收入顯著上升。隨住新球場喺 2018/19 球季季尾啟用，熱刺喺門票價格與及非比賽日用途上將會有極大嘅發展空間，熱刺亦都已經急不及待宣布新球場將會喺十月上演兩場美式足球賽。有分析指熱刺 2019/20 球季比賽日收入有望突破一億英鎊(目前英超只得曼聯同阿仙奴有能力達到呢個水平，詳情可參考本欄文章"財務報表分析(2) - 英超Big6 收入比較 (比賽日收入) ")。
電視播映收入方面，英超轉播合同喺2016/17進入新嘅三年期，令英超各隊都可以得到更高嘅分成。同時，熱刺逐漸成為歐聯常客，自然亦都會得到更豐厚嘅獎金。今屆熱刺打入決賽，已經肯定最少可以得到超過一億歐羅(約£88m)嘅獎金。
至於商業收入，本欄文章"財務報表分析(4) - 英超Big6 收入比較 (商業收入)"曾提及熱刺管理層正考慮緊出售球場冠名權，而且波衫衫袖贊助都未有著落。相信熱刺近年場上優秀嘅表現，將會帶動熱刺未來喺呢方面嘅增長。
球員薪酬及買賣
熱刺喺 2013/14 球季出售巴爾，連埋當季出售嘅其他球員，令到球會錄得超過一億英鎊嘅帳面溢利。當季熱刺亦都用咗超過一億英鎊收購球員，不過其中有唔少表現都非常參差。2014年夏天普捷天奴上任後，熱刺嘅買人策略亦都有所調整，當中艾歷戴亞同迪利阿里都係普帥上任首季以低價簽入。往後幾季，熱刺亦都有適量地購入一班好使好用嘅球員。雖然薪酬開支無可避免地逐年上升，但係增幅遠比收入為低，令到薪酬對收入比率逐年下降，反映熱刺有效地控制成本，亦係達成破紀錄盈利嘅重要原因。
負債
興建新球場自然會涉及龐大嘅資金，熱刺嘅賬目截至 2018 年六月底，球會嘅負債金額額達到 £461m, 而受到球場工程延誤影響，球會更加喺十月份再提取多一億英鎊。喺會計準則下，一項資產喺在建期間而未正式啟用，係唔會開始計算折舊，而直接用作興建有關資產所產生嘅融資費用，都可以視作為建築成本嘅一部份，唔需要即時當作開支喺損益表上扣減，亦因此做就咗熱刺破紀錄嘅盈利。。根據熱刺賬目披露嘅資料，相關嘅貸款年利率大約3%，2022年5月到期，即係三年之後需要一次過清還。
睇到呢度，熱刺嘅球可能會擔心，三年內點樣籌到成五億去還？唔通真係要賣走哈利簡尼、艾歷臣同孫興慜填氹？
的確，熱刺無可能長期都維持喺目前嘅薪酬水平，一班好使好用嘅主將要求加薪只會係遲早嘅事。而且今季聯賽後段熱刺(與及另外幾隊爭前四份子) 經常出現甩轆情況，爭前四形勢更加一度亮起紅燈，多少都反映球隊板櫈深度不足，有需要補充兵源去應付各條戰線。
不過熱刺球迷又未必需要太擔心。雖然合約訂明貸款三年後到期，但既然熱刺能夠以新球場作為抵押品，亦都能夠展示強勁嘅現金流，相信喺接近到期日時進行再融資將還款期延長都唔會太難。事實上，自從格拉沙家族喺2005年入主曼聯之後，亦都已經進行咗幾次再融資，將負債嘅本金同利率降低之餘，亦將還款期押後到 2025 年。
筆者認為，熱刺今個夏天有以下幾項重點任務：
•同主力球員延長合約，與及作出適量加薪，穩住球隊核心；
•針對個別位置增兵，比如右閘同替補前鋒，加強板櫈深度，避免過份依賴哈利簡尼同孫興慜等重心球員；
•盡快落實球場冠名權同波衫衫袖贊助，進一步增加球會收入。
熱刺過去幾季似乎都硬係同爭標分子爭咁少少，佢哋可唔可以藉住打入歐聯決賽與及新球場落成嘅勢頭，突破目前嘅關口競逐來季英超冠軍呢？今個夏天，可能係決定熱刺往後幾年發展嘅關鍵時刻。
各位想追蹤更多足球界嘅財經新聞，可以like 足球財經嘅 Facebook page!
請按此登錄後留言。未成為會員? 立即註冊