2018/19嘅球季終於完咗，筆者都抖一抖先出埋今季最後一篇文。首先，恭喜曼城（Man City）除咗衛冕英超之外呢，仲啱啱足總盃贏埋屈福特（Watford），成為英格蘭史上首支本土三冠王！
好喇，咁依家都係總結返FPL先。筆者臨尾兩週嘅表現都嚴重走樣，竟然連續兩週嘅得分都唔過40，係今季嘅第一次，之前衰極都冇咁差。筆者都有諗過個問題究竟出喺邊，問題主要出現喺兩個地方。第一個就係讓四問題，筆者嘅主力陣容係由8名嚟自Big 6球隊嘅球員組成，分別係睇中利物浦（Liverpool）同曼城仲爭緊標，仲有Big 6球隊要力保前四爭奪來季嘅歐聯資格，可惜大家都相當禮讓，爭四球隊頻頻失分。唔計英超頭兩名，Big 6球隊喺各自最尾嘅2場比賽入面（合共8場比賽），只有2場佢哋係贏波而回，表現同預計有好大出入，最終筆者亦因為咁而失好多分。另外，第二個問題就係副選唔掂，筆者其餘7個位置都係由中游同下游球隊嘅球員組成。不過，可惜眼光唔好，筆者揀嘅狼隊（Wolves）、屈福特、修咸頓（Southampton）同白禮頓（Brighton）喺各自最尾嘅2場比賽入面（合共8場比賽），只係得狼隊贏過一場。咁就已經知道分數唔會高，因為買嘅球員連波都贏唔到，又點會有分呢。所以筆者最尾都係達成唔到打入世界頭1萬嘅目標，最尾只係排到世界頭7萬，唯有下季繼續努力。
英超完季，球員抖暑，筆者都要抖抖暑，下季再見！講再見之前，筆者想講下季出文嘅形式可以變一變，細節就仲諗緊，但係下季就想以Q&A嘅形式出文。歡迎大家留言或者Private Message (PM)，為大家解答FPL嘅疑問。下季亦都有可能幫呢個專頁開返個Instagram帳號，歡迎大家趁呢段時間，以任何嘅方式俾啲意見我，等下季可以以更貼身同更貼心嘅角度為你哋送上FPL嘅貼士或者解答問題。最重要係大家唔好怕，即管問問題，筆者最怕係冇問題，唔係到時個Q&A就尷尬，一條問題都冇，都唔知點算。歡迎大家同身邊有玩FPL嘅朋友或者喺各大平台幫小弟宣傳下，等多啲人知道，有多啲互動，同有多啲人問問題。多謝各位！希望我今季嘅付出或多或少都有幫到大家啦。下季見！本週陣容
守門員
艾達臣（Ederson）—2分
今場曼城作客以1比4反勝白禮頓，今場曼城不論係控球同射門都佔優，控球率高達76.3%。曼城全場錄得20射9中；而白禮頓全場只係錄得6射2中。艾達臣全場只係成功作出咗1次撲救，未能阻擋梅利（Murray）嘅入波。
後衛
華利尼（Valery）—2分
今場修咸頓主場以1比1俾哈特斯菲爾德（Huddersfield）迫和，今場兩隊嘅控球率同射門次數都差唔多，修咸頓嘅控球率只係高哈特斯菲爾德少少，達到53.7%。至於射門次數方面，兩隊都係全場錄得10射3中，入1球。
羅拔臣（Robertson）—6分今場利物浦（Liverpool）主場以2比0淨勝狼隊，今場利物浦不論係控球同射門都佔優，控球率達到59%。利物浦全場錄得13射5中；而狼隊全場只係錄得7射2中。羅拔臣全場錄得1射1中，並交出1次關鍵傳送，表現唔錯。佢今場幫助球隊保持清白之身，所以拎到4分不失球分，今週獲得6分。
杜菲（Duffy）—0分
由於原本係正選嘅梳爾（Shaw）今週冇上陣，所以佢嘅位置就由杜菲頂上。結果因為白禮頓失咗4球，要被扣2分，所以今週杜菲係1分都拎唔到。
中場
史達寧（Sterling）—10分（Captain）
史達寧今場表現一般，全場只係錄得1射1中，並交出1次關鍵傳送。佢拎到嘅助攻分，都只係搏到球罰球，然後由根度簡（Gundogan）射入世界波。
禾特包斯（Ward-Prowse）—2分
禾特包斯全場錄得2射1中，表現一般。
沙拿（Salah）—3分
沙拿今場嘅表現好差，全場錄得5射1中，佢嘅射門次數係全隊最高，「榮登」隊中嘅浪射王。
杜哥利（Doucoure）—2分
今場屈福特主場以1比4大敗俾韋斯咸（West Ham），今場兩隊嘅控球率同射門次數都差唔多。韋斯咸今場嘅控球率就稍稍高過屈福特，達到51.7%，而射門就錄得16射9中。而屈福特全場就錄得17射8中。杜哥利今場表現普通，全場錄得2次射門，但無一中龍，同交出2次關鍵傳送。貝拿度施華（Bernardo Silva）—2分
貝拿度施華全場錄得2射1中，並交出3次關鍵傳送，可惜都係入唔到波同交唔到助攻。
前鋒
安達格雷（Andre Gray）—1分
由於原本係正選嘅高拿仙歷（Kolasinac）今週冇上陣，所以佢嘅位置就由安達格雷頂上。安達格雷只係後備上陣踢咗31分鐘，全場只係錄得1次射門，冇乜表演機會。
占美利斯（Jimenez）—2分
由於原本係正選嘅拿卡錫迪（Lacazette）今週冇上陣，所以佢嘅位置就由占美利斯頂上。占美利斯今場嘅表現好差，全場只係錄得3射0中，同交出1次關鍵傳送，冇乜作為。
今週成績
本週分數：32本週平均分：51
總成績：2,297
總排名：61,677
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
好喇，咁依家都係總結返FPL先。筆者臨尾兩週嘅表現都嚴重走樣，竟然連續兩週嘅得分都唔過40，係今季嘅第一次，之前衰極都冇咁差。筆者都有諗過個問題究竟出喺邊，問題主要出現喺兩個地方。第一個就係讓四問題，筆者嘅主力陣容係由8名嚟自Big 6球隊嘅球員組成，分別係睇中利物浦（Liverpool）同曼城仲爭緊標，仲有Big 6球隊要力保前四爭奪來季嘅歐聯資格，可惜大家都相當禮讓，爭四球隊頻頻失分。唔計英超頭兩名，Big 6球隊喺各自最尾嘅2場比賽入面（合共8場比賽），只有2場佢哋係贏波而回，表現同預計有好大出入，最終筆者亦因為咁而失好多分。另外，第二個問題就係副選唔掂，筆者其餘7個位置都係由中游同下游球隊嘅球員組成。不過，可惜眼光唔好，筆者揀嘅狼隊（Wolves）、屈福特、修咸頓（Southampton）同白禮頓（Brighton）喺各自最尾嘅2場比賽入面（合共8場比賽），只係得狼隊贏過一場。咁就已經知道分數唔會高，因為買嘅球員連波都贏唔到，又點會有分呢。所以筆者最尾都係達成唔到打入世界頭1萬嘅目標，最尾只係排到世界頭7萬，唯有下季繼續努力。
英超完季，球員抖暑，筆者都要抖抖暑，下季再見！講再見之前，筆者想講下季出文嘅形式可以變一變，細節就仲諗緊，但係下季就想以Q&A嘅形式出文。歡迎大家留言或者Private Message (PM)，為大家解答FPL嘅疑問。下季亦都有可能幫呢個專頁開返個Instagram帳號，歡迎大家趁呢段時間，以任何嘅方式俾啲意見我，等下季可以以更貼身同更貼心嘅角度為你哋送上FPL嘅貼士或者解答問題。最重要係大家唔好怕，即管問問題，筆者最怕係冇問題，唔係到時個Q&A就尷尬，一條問題都冇，都唔知點算。歡迎大家同身邊有玩FPL嘅朋友或者喺各大平台幫小弟宣傳下，等多啲人知道，有多啲互動，同有多啲人問問題。多謝各位！希望我今季嘅付出或多或少都有幫到大家啦。下季見！本週陣容
守門員
艾達臣（Ederson）—2分
今場曼城作客以1比4反勝白禮頓，今場曼城不論係控球同射門都佔優，控球率高達76.3%。曼城全場錄得20射9中；而白禮頓全場只係錄得6射2中。艾達臣全場只係成功作出咗1次撲救，未能阻擋梅利（Murray）嘅入波。
後衛
華利尼（Valery）—2分
今場修咸頓主場以1比1俾哈特斯菲爾德（Huddersfield）迫和，今場兩隊嘅控球率同射門次數都差唔多，修咸頓嘅控球率只係高哈特斯菲爾德少少，達到53.7%。至於射門次數方面，兩隊都係全場錄得10射3中，入1球。
羅拔臣（Robertson）—6分今場利物浦（Liverpool）主場以2比0淨勝狼隊，今場利物浦不論係控球同射門都佔優，控球率達到59%。利物浦全場錄得13射5中；而狼隊全場只係錄得7射2中。羅拔臣全場錄得1射1中，並交出1次關鍵傳送，表現唔錯。佢今場幫助球隊保持清白之身，所以拎到4分不失球分，今週獲得6分。
杜菲（Duffy）—0分
由於原本係正選嘅梳爾（Shaw）今週冇上陣，所以佢嘅位置就由杜菲頂上。結果因為白禮頓失咗4球，要被扣2分，所以今週杜菲係1分都拎唔到。
中場
史達寧（Sterling）—10分（Captain）
史達寧今場表現一般，全場只係錄得1射1中，並交出1次關鍵傳送。佢拎到嘅助攻分，都只係搏到球罰球，然後由根度簡（Gundogan）射入世界波。
禾特包斯（Ward-Prowse）—2分
禾特包斯全場錄得2射1中，表現一般。
沙拿（Salah）—3分
沙拿今場嘅表現好差，全場錄得5射1中，佢嘅射門次數係全隊最高，「榮登」隊中嘅浪射王。
杜哥利（Doucoure）—2分
今場屈福特主場以1比4大敗俾韋斯咸（West Ham），今場兩隊嘅控球率同射門次數都差唔多。韋斯咸今場嘅控球率就稍稍高過屈福特，達到51.7%，而射門就錄得16射9中。而屈福特全場就錄得17射8中。杜哥利今場表現普通，全場錄得2次射門，但無一中龍，同交出2次關鍵傳送。貝拿度施華（Bernardo Silva）—2分
貝拿度施華全場錄得2射1中，並交出3次關鍵傳送，可惜都係入唔到波同交唔到助攻。
前鋒
安達格雷（Andre Gray）—1分
由於原本係正選嘅高拿仙歷（Kolasinac）今週冇上陣，所以佢嘅位置就由安達格雷頂上。安達格雷只係後備上陣踢咗31分鐘，全場只係錄得1次射門，冇乜表演機會。
占美利斯（Jimenez）—2分
由於原本係正選嘅拿卡錫迪（Lacazette）今週冇上陣，所以佢嘅位置就由占美利斯頂上。占美利斯今場嘅表現好差，全場只係錄得3射0中，同交出1次關鍵傳送，冇乜作為。
今週成績
本週分數：32本週平均分：51
總成績：2,297
總排名：61,677
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊