英超第3週嘅比賽喺琴晚已經完結咗，又係時候做返個第3週嘅陣容總結。今週個成績麻麻地，比起上兩週遜色。
本週陣容
守門員
艾達臣（Ederson）—2分
曼城（Man City）已經連續兩場都有失波喇。今場曼城賽和狼隊（Wolves）其實好唔抵，皆因狼隊全場僅得兩腳中目標嘅射門，但竟然憑一個問題球而被攻入。睇返慢鏡，狼隊呢一個入波其實應該係要判手球嘅，但只可以講曼城同艾達臣都冇運。曼城痛失兩分；艾達臣就喺FPL痛失4分。
後衛
薛迪索拉斯（Cedric Soares）—1分
修咸頓（Southampton）今場1比2不敵李斯特城（Leicester），開季仍然未贏過波。
馬高斯阿朗素（Marcos Alonso）—11分
今場馬高斯阿朗素延續開季出色嘅表現，車路士嘅兩個入球都係由佢轉化，博得十二碼後助夏薩特（Hazard）先開紀錄後，嗰球致勝嘅烏龍球，都係由佢嘅嘅射門產生。因為咁，就令到佢喺FPL成功獲得2個助攻。另外，阿朗素亦頻頻上前助攻同出波，見到佢嘅助攻力係十分之強，進攻上有回報都係意料中事。
羅拔臣（Robertson）—9分
羅拔臣今場雖然冇交出助攻，但表現都係咁出色。佢全場總共交出4次關鍵傳送，係全隊第二高，僅次沙拿（Salah）嘅6次。另外，佢亦掌握得壓上同出波嘅時機好好，不斷喺左路發動攻勢。仲有一球，羅拔臣突然走到右路入楔，差少少就助攻到陣歷山大阿諾（Alexander-Arnold）入波，只可惜阿諾把握唔到。雖然今場冇助攻，但羅拔臣出色嘅表現亦為佢帶嚟3分Bonus。
丹尼斯（Daniels）—1分喺今場般尼茅夫（Bournemouth）對愛華頓（Everton）嘅比賽入面，由於雙方都係10人應戰，結果就2比2完場。丹尼斯全場都冇射過波同交出關鍵傳送，表現有啲失色。
中場
沙拿（Salah）—16分（Captain）
不愧為晏菲路之王，呢個入波係沙拿為利物浦（Liverpool）各項賽事於晏菲路上陣29場射入嘅第29個入波。沙拿全場6次射門，交出6次關鍵傳送，兩項數據均屬全隊最高。艾歷臣（Eriksen）—6分
今場艾歷臣嘅表現唔錯，喺右路出波搵到盧卡斯摩拉（Lucas Moura），成功助攻，亦都有一球差少少就助攻到迪利阿里（Dele Alli）。艾歷臣全場做出2次關鍵傳送，係隊中第二，僅次於查比亞（Trippier）。至於射門方面，艾歷臣就錄得2射1中。
李察利臣（Richarlison）—-2分
冇眼睇！李察利臣竟然喺狀態火熱嘅時候拎負分。冇乜嘢好講，只能講李察利臣用個頭去撞對方係非常不智，唔理大力定細力都好啦，都將自己放咗喺一個不利嘅位置。而個結果就係最差嘅結果，直紅兼停賽3場。雖然佢領紅都有少少爭議性，究竟李察利臣係咪值得拎紅牌，定係佢同對手都拎黃牌呢？不過，依家討論都冇咩用，已成定局，只可以話李察利臣未係好成熟，唔應該擺自己處於呢個位置。
貝拿度施華（Bernardo Silva）—2分貝拿度施華今場只係踢咗61分鐘，全場僅錄得1次射門，傳球成功率唔過80%，係正選球員當中嘅最低，表現令人失望。
前鋒
韋費特沙夏（Zaha）—5分
韋費特沙夏今場1射1中入1球，表現都算唔錯，只可惜未能帶領水晶宮（Crystal Palace）贏波而回。阿古路（Aguero）—2分
雖然阿古路今場入唔到波，但只可以話佢係冇運。佢全場4次射門，1中龍1中柱1中楣，真係黑仔。臨完場前獲得一個罰球機會，由阿古路主射，但可惜中楣，未能絕殺狼隊（Wolves）。
今週成績
本週分數：53
本週平均分：50
總成績：225
總排名：78,716
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
本週陣容
守門員
艾達臣（Ederson）—2分
曼城（Man City）已經連續兩場都有失波喇。今場曼城賽和狼隊（Wolves）其實好唔抵，皆因狼隊全場僅得兩腳中目標嘅射門，但竟然憑一個問題球而被攻入。睇返慢鏡，狼隊呢一個入波其實應該係要判手球嘅，但只可以講曼城同艾達臣都冇運。曼城痛失兩分；艾達臣就喺FPL痛失4分。
後衛
薛迪索拉斯（Cedric Soares）—1分
修咸頓（Southampton）今場1比2不敵李斯特城（Leicester），開季仍然未贏過波。
馬高斯阿朗素（Marcos Alonso）—11分
今場馬高斯阿朗素延續開季出色嘅表現，車路士嘅兩個入球都係由佢轉化，博得十二碼後助夏薩特（Hazard）先開紀錄後，嗰球致勝嘅烏龍球，都係由佢嘅嘅射門產生。因為咁，就令到佢喺FPL成功獲得2個助攻。另外，阿朗素亦頻頻上前助攻同出波，見到佢嘅助攻力係十分之強，進攻上有回報都係意料中事。
羅拔臣（Robertson）—9分
羅拔臣今場雖然冇交出助攻，但表現都係咁出色。佢全場總共交出4次關鍵傳送，係全隊第二高，僅次沙拿（Salah）嘅6次。另外，佢亦掌握得壓上同出波嘅時機好好，不斷喺左路發動攻勢。仲有一球，羅拔臣突然走到右路入楔，差少少就助攻到陣歷山大阿諾（Alexander-Arnold）入波，只可惜阿諾把握唔到。雖然今場冇助攻，但羅拔臣出色嘅表現亦為佢帶嚟3分Bonus。
丹尼斯（Daniels）—1分喺今場般尼茅夫（Bournemouth）對愛華頓（Everton）嘅比賽入面，由於雙方都係10人應戰，結果就2比2完場。丹尼斯全場都冇射過波同交出關鍵傳送，表現有啲失色。
中場
沙拿（Salah）—16分（Captain）
不愧為晏菲路之王，呢個入波係沙拿為利物浦（Liverpool）各項賽事於晏菲路上陣29場射入嘅第29個入波。沙拿全場6次射門，交出6次關鍵傳送，兩項數據均屬全隊最高。艾歷臣（Eriksen）—6分
今場艾歷臣嘅表現唔錯，喺右路出波搵到盧卡斯摩拉（Lucas Moura），成功助攻，亦都有一球差少少就助攻到迪利阿里（Dele Alli）。艾歷臣全場做出2次關鍵傳送，係隊中第二，僅次於查比亞（Trippier）。至於射門方面，艾歷臣就錄得2射1中。
李察利臣（Richarlison）—-2分
冇眼睇！李察利臣竟然喺狀態火熱嘅時候拎負分。冇乜嘢好講，只能講李察利臣用個頭去撞對方係非常不智，唔理大力定細力都好啦，都將自己放咗喺一個不利嘅位置。而個結果就係最差嘅結果，直紅兼停賽3場。雖然佢領紅都有少少爭議性，究竟李察利臣係咪值得拎紅牌，定係佢同對手都拎黃牌呢？不過，依家討論都冇咩用，已成定局，只可以話李察利臣未係好成熟，唔應該擺自己處於呢個位置。
貝拿度施華（Bernardo Silva）—2分貝拿度施華今場只係踢咗61分鐘，全場僅錄得1次射門，傳球成功率唔過80%，係正選球員當中嘅最低，表現令人失望。
前鋒
韋費特沙夏（Zaha）—5分
韋費特沙夏今場1射1中入1球，表現都算唔錯，只可惜未能帶領水晶宮（Crystal Palace）贏波而回。阿古路（Aguero）—2分
雖然阿古路今場入唔到波，但只可以話佢係冇運。佢全場4次射門，1中龍1中柱1中楣，真係黑仔。臨完場前獲得一個罰球機會，由阿古路主射，但可惜中楣，未能絕殺狼隊（Wolves）。
今週成績
本週分數：53
本週平均分：50
總成績：225
總排名：78,716
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊