【轉會傳聞】古積:我想你借我出去...

利永遠不會毒行 於 27/11/2017 發表 收藏文章
據知利物浦中場,塞爾維亞國腳古積,希望一月轉會市場時,會被去另一個英格蘭球隊。呢名21歲嘅球員係今季只係為利物浦一隊上陣過五場波,共109分鐘,而且仲要係後備換入。
雖然軒達臣同安尼簡都係分別係最近幾星期受傷患困擾,雖然曾係後備名單出現過,但高普仍好少出佢。自2016年係STAR BELGRADE買佢返黎利物浦後,佢都未曾係英超正選上陣過。

係夏季轉會窗時,古積都有想走嘅徵兆,但利物浦當時係留住咗佢。而古積經理人Zoran Stojadinovic就對塞爾維亞傳媒Blic透露希望係冬季轉會市場,利物浦能夠將佢借出。

「古積係一月要被借出去其他球會,一隊佢會踢嘅球隊。」

「而果隊波一定係英格蘭球會。古積絕對唔會重覆同樣來自塞爾維亞,利物浦球員馬高域嘅步伐,如果馬高域係我嘅客戶,我一定唔會建議佢離開英格蘭。」

註:馬高域2014年加盟利物浦,2015年被借到費倫巴治,2016被借到士砵亭,今季年回歸英超,被借到侯城。
「馬高域去咗另一個國家踢波,當地嘅足球風格,氣質以及氣候都同英超唔同,間接令到佢要重返利物浦變成不可能嘅事。」

「講返古積,利物浦非常欣賞佢所以想留住佢。但佢需要嘅係上陣機會,所以我認為一月將佢外借去其他英格蘭球會有助佢係利物浦嘅發展。」

古積雖然唔係利物浦一隊常見嘅後備,之不過咁, 高普亦曾經公開讚揚過佢係今季有進步,但係亦都唔可以無視「一隊後備」呢個身份亦減少咗佢係u23嘅上陣機會。
Zoran Stojadinovic都講到明古積係想繼續係利物浦發展,而今次嘅外借係希望增加古積嘅經驗,對利物浦黎講,都唔係一件壞事。鑑於安尼簡轉會以及軒達臣失準等不明朗因素,小妹係想古積留低嘅,始終佢身高同埋反應上都唔差;但見到之前兩名球員傷都唔用古積,又有啲特佢唔抵,所以都係in Klopp we trust啦。據知,數名利物浦青年軍係一月轉會市場中都有機會被外借-艾積利亞(Ejara), 活特本,哈利威爾遜(Harry Wilson) 以及京斯(報導指紐卡素對佢有興趣)都被不同英媒指出有離隊可能。



SOURCE: THISISANFIELD, SPORTSKACENTRALA, TALKSPORT

留言


請按此登錄後留言。未成為會員? 立即註冊
    快捷鍵:←
    快捷鍵:→