【留得住嗎】謝拉特:「如古天奴提出轉會要求,佢將要面對一場同利物浦之間嘅鬥爭。」

利永遠不會毒行 於 09/08/2017 發表 收藏文章
古天奴轉會定唔轉會,無論係利迷定非利迷都係,大家都好關注呢單轉會傳聞。利物浦方面就一直都想留住古天奴,而古天奴嘅前隊友、利物浦嘅前隊長謝拉特,早前就喺BT Sports 播放UEFA Super Cup時對古天奴轉會一事發表左以下嘅睇法。
「好難講。」

「特別係南美洲嘅球員都夢想可以為巴塞隆拿上陣。」

對於謝拉特黎講,睇住馬斯查蘭奴、蘇亞雷斯離開利物浦後相繼轉會巴塞,佢感覺應該幾深。

「我曾經經歷過馬斯查蘭奴、蘇亞雷斯離隊前嘅情況。球會嘅角色應該係點?呢個真係一個好困難嘅情況。」

「但好就好在,利物浦球迷認為高普係極度想留住古天奴,而佢亦有實際行動去留佢。」高普曾經對住傳媒講:「我話唔賣,佢(古天奴)就係非賣品!」
「董事會都想古天奴留低,利物浦並唔係缺錢,亦唔係要一個龐大嘅收入。」
「我地唔係一個專做交易、只睇錢做事嘅球會,所以管理層會用盡佢地嘅辦法、能力去令到古天奴留低。但係,如果古天奴決定要走,佢就要提出轉會請求,利物浦唔會咁易放人亦唔會俾佢好過,而且,佢將要面對一場同利物浦之間嘅鬥爭。( Philippe Coutinho and his decision(leaving the club or stay), what he’s prepared to do, what type of war he’s prepared to create to get out because Liverpool won’t make it easy for him)」

可以留意返,利物浦想買嘅基達同雲迪克都想離隊,前者就打交,後者就被孤立練波。如果古天奴真係提出轉會請求,球迷們嘅粗口一定唔會對佢客氣。
古天奴其實都有西甲嘅經驗,2012年佢就被借左去愛斯賓奴六個月。而喺2013年,佢以£8.5m加盟利物浦,為利物浦上陣182場,入過42球波。佢亦都係巴西國家隊嘅正選球員,自巴西教練Tite上年執教後,佢為國家隊上陣28場國際賽事以及入左7球波。


Source:fox sports

留言


請按此登錄後留言。未成為會員? 立即註冊
  • 閒雲野鶴 於 09/08/2017 評論 NO. 1

    可能宜家都已經有一大堆人喺古天奴屋企門外請願😏

快捷鍵:←
快捷鍵:→